MENU

Author

3933

គន្លឹះ 11 របៀបក្នុងការរៀបចំបន្ទប់ទឹករបស់អ្នកឲ្យមានរបៀបរៀបរយ និងទូលាយជាងមុន

ដេគ័រផ្ទះ

13/01/2017

តើបន្ទប់ទឹករបស់អ្នកមានភាពចង្អៀត ដោយសារតែគ្រឿងប្រដាប់ប្រដាប្រើប្រាស់ប្រចាំថ្ងៃក្នុងបន្ទប់ទឹកដែរឬទេ? ខាងក្រោមនេះ គឺជាគន្លឹះទាំង 11 របៀប (ជាពិសេសសម្រាប់នារីៗ) ដែលអ្នកអាចប្រើដើម្បីរៀបចំរបស់របរទាំងនោះ ឲ្យមានរបៀបរៀបរយ និងធ្វើឲ្យបន្ទប់ទឹករបស់អ្នកមើលទៅទូលាយជាងមុន ដោយប្រើប្រាស់របស់ ដែលអ្នកមានក្នុងផ្ទះស្រាប់។

 

1. ប្រើប្រាស់កន្ត្រក់រុញថ្នាក់ៗ

រូបភាពពីវែបសាយ HouseBeautiful

អ្នកអាចដាក់របស់របរចាំបាច់សម្រាប់ប្រើក្នុងបន្ទប់ទឹក ដូចជាកន្សែង ក្រដាស់ ច្រាស់ថ្មីៗ សាប៊ូថ្មីៗជាដើម ក្នុងកន្ត្រក់នោះ ដើម្បីងាយស្រួលក្នុងការផ្លាស់ប្តូរនៅពេលអស់ ហើយដោយសារតែរបស់ទាំងអស់នៅក្នុងកន្ត្រក់ ដែលរុញបាននេះ អ្នកអាចរុញវាចេញក្រៅដាក់កន្លែងណាផ្សេងសិន នៅពេលដែលអ្នកមានភ្ញៀវ ដើម្បីឲ្យបន្ទប់ទឹកអ្នកទូលាយជាងមុន។

 

2. ប្រើប្រាស់ប្រដាប់ភ្ជួរកន្សែងដាច់ៗគ្នា

រូបភាពពីវែបសាយ HouseBeautiful

បើសិនជាអ្នកមានកូនតូចៗ អ្នកអាចប្រើប្រាស់ប្រដាប់ព្យួរកន្សែង ដែលមានឈ្មោះរបស់ពួកគេ ដូច្នេះអ្នកនឹងមិនពិបាកដោះស្រាយពេលក្រោយ នៅពេលពួកគេដណ្ដើមកន្សែងគ្នានោះទេ។ ហើយបន្ថែមពីនេះ វានឹងធ្វើឲ្យបន្ទប់ទឹកអ្នកមើលទៅមានរបៀបរៀបរយ និងធ្វើឲ្យកន្សែងទាំងនោះឆាប់ស្ងួតសម្រាប់ប្រើប្រាស់បន្ទាប់។

 

3. ប្រើប្រាស់ជញ្ជាំង

រូបភាពពីវែបសាយ HouseBeautiful

អ្នកអាចប្រើប្រាស់ជញ្ជាំងរបស់អ្នក ដាក់ព្យួរនូវរបស់ប្រើប្រាស់ផ្សេងៗក្នុងបន្ទប់ទឹកបាន ហើយអ្នកអា​ចធ្វើការឌីហ្សាញឲ្យត្រឹមត្រូវដើម្បីឲ្យវាមើលទៅទាក់ទាញបាន។ ដូចជាក្នុងរូបខាងលើ អ្នកសរសេរ Blog ម្នាក់ បានដាក់ព្យួរគ្រឿង make-up របស់គាត់លើជញ្ជាំងជិតកញ្ចក់ក្នុងកែវស្ពាន់ទាំងបី ហើយដោយសារកែវនោះមានទំហំតូច វាអាចជួយមិនឲ្យអ្នកដាក់គ្រឿង make-up ច្រើនជាងអ្វីីដែលត្រូវការបានផងដែរ។

 

4. ប្រើប្រាស់ចានខ្ពស់សម្រាប់ដាក់របស់ប្រើប្រចាំថ្ងៃ

រូបភាពពីវែបសាយ HouseBeautiful

អ្នកអាចប្រើប្រាស់ចានខ្ពស់ ដូចជាជើងពាន ឬចាននំខេក មកដាក់របស់ប្រើប្រាស់សំខាន់ៗប្រចាំថ្ងៃក្នុងបន្ទប់ទឹក ដើម្បីងាយស្រួលយក និងអាចសល់ចន្លោះខ្លះ ដើម្បីដាក់របស់ផ្សេងៗនៅពីក្រោមនោះបាន ឧទារហណ៍ ដូចជាចាននំខេកនៅក្នុងរូបភាពខាងលើ។

 

5. ប្រើប្រាស់ប្រដាប់ដាក់ឯកសារពីការិយាល័យអ្នក

រូបភាពពីវែបសាយ HouseBeautiful

ជំនួសឲ្យការប្រើប្រាស់វាសម្រាប់ដាក់ទស្សនាវដ្តីចាស់ៗ អ្នកអាចប្រើវាសម្រាប់ដាក់នូវម៉ាស៊ីនគាបសក់ អ៊ុតសក់ ផ្លុំសក់ ឬគ្រឿងអេឡិចត្រូនិចផ្សេងៗបាន ហើយវាក៏អាចជួយមិនឲ្យខ្សែភ្លើងពីម៉ាស៊ីនទាំងនោះរញ៉េរញ៉ៃបានផងដែរ។

 

6. ប្រើប្រាស់ទូរមានថតច្រើន

រូបភាពពីវែបសាយ HouseBeautiful

អ្នកអាចប្រើប្រាស់កូនទូរ ដែលមានថតច្រើនពីក្នុងការិយាល័យរបស់អ្នក យកមករៀបចំប្រដាប់ប្រដា make-up តាមថតនីមួយៗបាន។

 

7. ប្រើប្រាស់ចានបង្វិលបាន មកដាក់ទឹកអប់របស់អ្នក

រូបភាពពីវែបសាយ HouseBeautiful

ទឹកអប់ និងដបរបស់វា គឺដូចជាវត្ថុសិល្បៈអីញ្ជឹងដែរ ដូច្នេះជាជាងដាក់វាឲ្យឆ្ងាយពីភ្នែកអ្នក អ្នកអាចរកមើលចាន ដែលអាចបង្វិលបាន មកដាក់ទឹកអប់របស់អ្នកទាំងអស់ក្នុងនោះ ហើយនៅពេលដែលអ្នកចង់ប្រើប្រាស់ទឹកអប់ក្លិនណា អ្នកអាចបង្វិលរកវាបានយ៉ាងងាយស្រួល។

 

8. ដាក់គ្រឿង make-up របស់អ្នកគរលើគ្នា

រូបភាពពីវែបសាយ HouseBeautiful

អ្នកអាចប្រើប្រាស់កែវជ័រ ឬកែវទៀន មករៀបចំក្រែមលាបមាត់របស់អ្នក ដោយដាក់វាគរលើគ្នាច្រើនជាន់។ វាមិនត្រឹមតែធ្វើឲ្យក្រែម ឬរបស់អ្នកប្រើប្រាស់មានរបៀបរៀបរយនោះទេ វាក៏អាចចំណេញកន្លែងបានច្រើនដែរ។

 

9. ប្រើប្រាស់កន្ត្រក់ព្យួរនៅចំហៀងឡាបូ

រូបភាពពីវែបសាយ HouseBeautiful

អ្នកអាចព្យួរគ្រឿងអេឡិចត្រូនិច ដែលអ្នកប្រើនៅក្នុងកន្ត្រក់នៅចំហៀងឡាបូបាន បើសិនជាអ្នកគិតថាប្រើប្រាស់ប្រដាប់ដាក់ឯកសារ នៅតែមើលទៅមិនសូវទូលាយ ឬអ្នកអាចប្រើប្រាស់វាទាំងពីរក៏បាន។

 

10. ប្រើប្រាស់កន្ត្រក់ពីរជាន់

រូបភាពពីវែបសាយ HouseBeautiful

វិធីដ៏ល្អ ដើម្បីធ្វើឲ្យប្រដាប់ប្រដាប្រើប្រាស់ក្នុងបន្ទប់ទឹកមានរបៀបរៀបរយ និងមិនសូវស៊ីកន្លែង គឺដាក់វាក្នុងកន្ត្រក់ ដែលមានច្រើនជាន់ ដូចជាកន្ត្រក់ពីរជាន់ក្នុងរូបភាពខាងលើ។

 

11. ប្រើប្រាស់ខ្សែដែកឆក់ សម្រាប់ដាក់ដង្កៀបរបស់អ្នក

រូបភាពពីវែបសាយ HouseBeautiful

បើសិនជាអ្នកប្រើប្រាស់ដង្កៀបដូចក្នុងរូបនេះ អ្នកប្រាកដជាដឹងហើយថា វាអាចនឹងធ្វើឲ្យតុក្នុងបន្ទប់ទឹកអ្នករញ៉េរញ៉ៃយ៉ាងណា ជាពិសេសសម្រាប់ស្រីៗ។ ដូច្នេះអ្នកអាចប្រើប្រាស់នូវខ្សែដែកឆក់បិិតជាប់ជញ្ជាំង សម្រាប់ដាក់វា ហើយនិងសម្រាប់រំលឹកអ្នកឲ្យដាក់វាទីនោះ ក្រោយអ្នកដោះវាចេញពីសក់អ្នកភ្លាមបាន។

អានបន្ត

4578

គំនិតនៃការដេគ័រផ្ទះទាំង 9 ដែលអ្នកអាចប្រើសម្រាប់តុបតែងផ្ទះក្នុងឆ្នាំ 2017 នេះ

ដេគ័រផ្ទះ

10/01/2017

សម្រាប់អ្នកដែលចូលចិត្តការឌីហ្សាញ និងការតុបតែងផ្ទះ ការដើរតាមនិន្នាការ (trends) គឺពិតជាសំខាន់ ហើយសម្រាប់ឆ្នាំថ្មី 2017 នេះ ក៏មាននិន្នាការនៃការដេគ័រផ្ទះមួយចំនួន ដែលអ្នកគួរពិចារណាបញ្ចូលជាគំនិតឌីហ្សាញផ្ទះរបស់អ្នកផងដែរ។ សម្រាប់ឆ្នាំថ្មីដ៏ភ្លឺថ្លាស្រស់បំព្រងនេះ អ្នកគួរផ្លាស់ប្តូរនិន្នាការ ឬគំនិតឌីហ្សាញចាស់ៗកាលពីឆ្នាំ 2016 ហើយបន្ថែមនូវពណ៌ភ្លឺៗ លំនាំបែបលាយគ្នា (mixed patterns) និងរូបគំនូរ ឬវត្ថុសិប្បកម្មសិល្ប​ៈផ្សេងៗជាដើមសម្រាប់ការដេគ័រផ្ទះរបស់អ្នកឲ្យកាន់តែមើលទៅទាក់ភ្នែក និងគួរឲ្យចង់រស់នៅ។ ខាងក្រោមនេះ គឺជាគំនិតដេគ័រផ្ទះទាំង 9 ដែលអ្នកអាចប្រើសម្រាប់តុបតែងផ្ទះក្នុងឆ្នាំ 2017 នេះ៖

 

1. ប្រើប្រាស់ពណ៌បៃតងភ្លឺ ឬបៃតងខ្ចី

រូបភាពពីវែបសាយ housebeautiful

ពណ៌បៃតងភ្លឺ ឬបៃតងខ្ចីនេះ គឺជាពណ៌ដែលតំណាងឲ្យធម្មជាតិ និងភាពស្រស់ស្រាយ ហើយវាត្រូវបានជាប់ឈ្មោះជាពណ៌ប្រចាំឆ្នាំ 2017 នេះ ដោយវាត្រូវបានប្រើដោយអ្នកឌីហ្សាញភាគច្រើន ហើយអ្នកនឹងឃើញការប្រើប្រាស់ពណ៌នេះនៅគ្រប់កន្លែង ដូចជាក្នុងការឌីហ្សាញម៉ូដខោអាវ ការឌីហ្សាញផ្ទះ និងការប្រើប្រាស់ក្នុងពាណិជ្ជកម្មនានាជាដើម។

 

2. ប្រើប្រាស់រូបមេអំបៅ

រូបភាពពីវែបសាយ housebeautiful

ការតុបតែងជញ្ជាំងរបស់អ្នកជាមួយនឹងរូបផ្សេងៗ ដូចជារូបមេអំបៅ នឹងមានភាពពេញនិយមជាងការទុកពណ៌លាតទទេ ហើយរូបមេអំបៅ គឺតំណាងឲ្យភាពសុទិដ្ឋិនិយម និងភាពរីករាយ វាមិនមែនត្រឹមតែជាការឌីហ្សាញសម្រាប់តែកូនក្មេងនោះទេ។

 

3. ប្រើប្រាស់លំនាំលាយ (mixed patterns)

រូបភាពពីវែបសាយ housebeautiful

និន្នាកា (trend) មួយនេះ ត្រូវបានឃើញដំបូងនៅក្នុង ឆាកដើរបង្ហាញម៉ូតនៅទីក្រុងញ៉ូវយ៉កឆ្នាំ 2016 ហើយអ្វីដែលត្រូវបានបង្ហាញនៅលើផ្លូវដើរម៉ូដភាគច្រើន នឹងក្លាយជានិន្នាការ នៅក្នុងការឌីហ្សាញម៉ូតផ្ទះផងដែរ ដូចនេះអ្នកនឹងបានឃើញការប្រើប្រាស់លំនាំលាយ (mixed patterns) នេះ កាន់តែច្រើននៅក្នុងការឌីហ្សាញផ្ទះក្នុងឆ្នាំ 2017 នេះ។

 

4. ប្រើប្រាស់លំនាំសិប្បនិម្មិត (faux finishes)

រូបភាពពីវែបសាយ housebeautiful

ការប្រើប្រាស់លំនាំ ឬសម្ភារៈ សិប្បនិម្មិត នឹងកាន់តែពេញនិយមជាងការប្រើប្រាស់សម្ភារៈពិត ដូចជាឈើ ស្បែក ថ្មភ្នំ ឬថ្មម៉ាបជាដើម។ មូលហេតុ គឺដោយសារមកពីសម្ភារៈសិប្បនិម្មិត មានតម្លៃមិនសូវថ្លៃដូចរបស់ពិត ហើយវាអាចទុកបានយូរជាងសម្ភារៈពិតៗ។ ឧទាហរណ៍ ឈើសិប្បនិម្មិត គឺមិនងាយឆាប់ពុកផុយដូច ឈើមែនទែននោះទេ ហើយឥដ្ឋសិប្បនិម្មិត ដែលធ្វើពីរ៉ែថ្មខៀវ (រូបខាងស្ដាំ) អាចទប់ទល់នឹងការសឹករិករិល ពីអាហារជាតិអាស៊ីតបានល្អជាឥដ្ឋថ្មម៉ាបមែនទែន (រូបខាងឆ្វេង)។

 

5. ប្រើប្រាស់ Texture ឲ្យច្រើន

រូបភាពពីវែបសាយ housebeautiful

ដោយសារតែអ្នកតែងតែធ្វើការជាមួយកុំព្យូទ័រ ហើយសម្លឹងមើលអេក្រង់ ដែលមានផ្ទៃរាបស្មើររាប់ម៉ោង អ្នកប្រហែលជាចង់មើល ឬប៉ះនូវអ្វី ដែលមានលំនាំវាយនភាព (texture) ឬវត្ថុក្រឡាៗ ក្រោយពីការធ្វើការហើយ។ ដូច្នេះ អ្នកឌីហ្សាញ ដែលយល់ពីចិត្តវិទ្យា នឹងធ្វើការដាក់បញ្ចូលនូវនិន្នាការមួយនេះ ក្នុងការតុបតែងផ្ទះរបស់អ្នក ហើយអ្នកនឹងឃើញម៉ូដផ្ទះ ដែលមានជញ្ជាំង ឬគ្រឿងសង្ហារឹមក្បាច់ ឬក្រឡាៗកាន់តែច្រើន ជាងជញ្ជាំង ដែលរាបស្មើរសាមញ្ញធម្មតា។

 

6. ប្រើប្រាស់ពណ៌ខៀវក្រម៉ៅ (Navy blue) ជំនួសឲ្យពណ៌ខ្មៅ

រូបភាពពីវែបសាយ housebeautiful

មិនថាអ្នកចង់ផ្លាស់ប្តូរពណ៌ជញ្ជាំងបន្ទប់ ឬក៏ update ទូរចង្ក្រានរបស់អ្នកនោះទេ ពណ៌ខៀវក្រម៉ៅ (navy blue) នឹងក្លាយជាជម្រើសពណ៌ដ៏ពេញនិយម ដែលអ្នកឌីហ្សាញជ្រើសរើស ជំនួសឲ្យពណ៌ខ្មៅសុទ្ធ ក្នុងឆ្នាំ 2017 នេះ។ ពណ៌ខៀវក្រម៉ៅនេះ គឺអាចប្រើបានស្ទើតែជាមួយនឹងគ្រប់ពណ៌ទាំងអស់ ហើយធ្វើឲ្យបន្ទប់របស់អ្នកមើលទៅដូចជាកន្លែងអាថ៍កំបាំង ដោយមិនធ្វើឲ្យវាមើលទៅតូច ដូចជាពេលប្រើពណ៌ខ្មៅនោះទេ។

 

7. ប្រើប្រាស់វត្ថុសិប្បកម្មសិល្បៈ ធ្វើដោយអ្នកជំនាញ

រូបភាពពីវែបសាយ housebeautiful

ជាច្រើនឆ្នាំមកហើយ ដែលមនុស្សភាគច្រើន ពេញនិយមទៅលើរបស់ដែលធ្វើដោយខ្លួនឯងងាយៗ (DIYs) ប៉ុន្តែសម្រាប់ឆ្នាំថ្មីនេះ អ្នកឌីហ្សាញភាគច្រើន បានបែរទៅរកវត្ថុបែបសិប្បកម្មសិល្បៈប្លែកៗ ដែលធ្វើដោយអ្នកជំនាញផ្ទាល់ មកធ្វើការដាក់តាំងនៅក្នុងផ្ទះសម្រាប់ការឌីហ្សាញរបស់ពួកគេ។ អ្នកនឹងឃើញមាន ថូកែវប្លែកៗ ចានប៉សឺឡែន និងចំឡាក់ឈើផ្សេងៗជាច្រើន នៅក្នុងផ្ទះទាន់សម័យភាគច្រើនក្នុងឆ្នាំ 2017 នេះ។

 

8. ប្រើប្រាស់ពណ៌សឆៅ (raw white)

រូបភាពពីវែបសាយ housebeautiful

ដោយសារតែអ្នកឌីហ្សាញភាគច្រើន នឹងបែរទៅរកវត្ថុ ដែលធ្វើដោយដៃ អ្នកនឹងឃើញមានការលេចចេញការប្រើប្រាស់ពណ៌សឆៅ (raw white) លើវត្ថុទាំងនោះ ដែលវត្ថុទាំងនោះមើលទៅស្រដៀងនឹង ដែកស ឬឆ្អឹងអីញ្ជឹងដែរ។ វត្ថុ ដែលមានពណ៌សឆៅ គឺជាវត្ថុ ដែលមើលទៅដូចជារបស់ធម្មជាតិ ហើយអ្វីដែលសំខាន់លើវត្ថុទាំងនោះ គឺភាពស្រស់ស្អាតនៃភាពមិនល្អឥតខ្ចោះរបស់វា ដែលភ្ជាប់មកជាមួយនូវ texture ជាច្រើន។

 

9. ប្រើប្រាស់របស់របរក្នុងផ្ទះ ឬបន្ទប់ ដែលអាចបត់បាន

រូបភាពពីវែបសាយ housebeautiful

ដោយសារតែ ផ្ទះនាពេលបច្ចុប្បន្ន មានទំហំតូចៗ ដូច្នេះអ្នកឌីហ្សាញត្រូវគិតដល់ទំហំបន្ទប់ ដែលនៅសល់សម្រាប់ឲ្យអ្នករស់នៅមានភាពស្រណុកសុខស្រួល មិនសូវចង្អៀតពេក។ ដូច្នេះហើយ ក្នុងការឌីហ្សាញផ្ទះនាឆ្នាំថ្មីនេះ អ្នកនឹងឃើញមានសម្ភារៈប្រើប្រាស់ក្នុងផ្ទះភាគច្រើន គឺអាចបត់បែនបាន ដើម្បីធ្វើឲ្យមានទំហំបន្ទប់កាន់តែធំ។ យើងនឹងឃើញមានដូចជាតុបត់ គ្រែគែងបត់ចូលក្នុងជញ្ជាំង ផ្ទះបាយដែលមានចង្ក្រានបត់លាក់ក្នុងជញ្ជាំង និងគំនិតផ្សេងៗជាច្រើនទៀតក្នុងការឌីហ្សាញផ្ទះថ្មី ក្នុងឆ្នាំ 2017 នេះ។

 

អានបន្ត

4259

Hair Coach ក្រាសសិតសក់ឆ្លាត ដែលអាចប្រាប់ពីសុខភាពស្បែកក្បាលរបស់អ្នកបាន

បច្ចេកវិទ្យា, សំលៀកបំពាក់

05/01/2017

ក្រុមហ៊ុន Withings ដែលគ្រប់គ្រងដោយ Nokia និងក្រុមហ៊ុន L’Oreal បានចូលរួមសហការគ្នាបង្កើតជាក្រាសសិតសក់ឆ្លាតនេះឡើង ដែលមានឈ្មោះថា Hair Coach ដែលអាចភ្ជាប់តាម ប៊្លូធូស ឬ WiFi បាន ហើយក្រាសនេះ និងអាចផ្ដល់ទិន្នន័យដល់អ្នក ពីទម្លាប់នៃការសិតសក់របស់អ្នក ដោយប្រើនូវសិនស័រមួយចំនួន ហើយជាមួយនឹងទន្នន័យទាំងនោះ អ្នកអាចធ្វើឲ្យប្រសើរឡើងនូវសុខភាពស្បែកក្បាល និងសក់របស់អ្នកបាន។

ក្រាស Hair Coach នេះមានភ្ជាប់មកជាមួយនឹងសិនស័រជាច្រើន ដូចជា មីក្រូហ្វូន សម្រាប់ស្ដាប់សម្លេងនៃលំនាំការសិតសក់របស់អ្នក, accelerometer និង gyroscope សម្រាប់វិភាគពីល្បឿនទម្ងន់ និងលំនាំនៃការសិតសក់របស់អ្នក, load cells ឬក៏អាចហៅបានថា transducers សម្រាប់វាស់ពីកម្លាំងសង្កត់របស់ក្រាសទៅលើសក់ ហើយចុងក្រោយបង្អស់គឺ conductivity sensors (សិនស័រចាប់ចរន្ត) សម្រាប់វិភាគថាតើអ្នកសិតសក់សើម ឬសក់ស្ងួត។ ហើយប្រាកដណាស់ សិនស័រទាំងអស់ មានដំណើរការជាមួយគ្នា ដើម្បីធ្វើការវិភាគសុខភាពស្បែកក្បាលរបស់អ្នក ដោយភ្ជាប់ជាមួយនឹង app ក្នុងស្មាត្រហ្វូនរបស់អ្នក។

ដងរបស់ក្រាសនេះ មានទម្ងន់ស្រាល ទោះបីជាវាត្រូវប្រើជាមួយនឹងថ្មពិល AA ចំនួនពីរគ្រាប់ក្ដី ហើយថ្មទាំងពីរកូននេះ អាចឲ្យអ្នកប្រើបានដល់ទៅ 6 ខែឯណោះ​ ហើយសសៃក្រាសនេះផ្ទាល់ ត្រូវបានធ្វើឡើងមកពី នីឡុង លាយជាមួយនឹងរោមរបស់ជ្រូកព្រៃ។

រូបភាពពីវែបសាយ TheVerge

រីឯ app របស់វាវិញក៏អស្ចារ្យដែរ ដោយវាបង្ហាញពីសភាពសក់ និងសុខភាពស្បែកក្បាលរបស់អ្នក ហើយនិងអាចប្រាប់បានថា សក់អ្នករញ៉េរញ៉ៃ ឬកណ្ដាញ់ ឬក៏អត់ ដោយប្រើប្រាស់សិនស័រវាស់ថាតើអ្នកខំប្រឹងសិតសក់អ្នកខ្លាំងប៉ុនណា។ ហើយបន្ថែមពីនេះ វាក៏មានបង្ហាញពីផលិតផល ដែលអាចជួយដោះស្រាយបញ្ហារបស់សក់អ្នកបានផងដែរ។

ក្រាសនេះ នឹងចេញលក់ក្នុងតម្លៃប្រហែល $200 នៅក្នុងពាក់កណ្ដាលឆ្នាំ 2017 ខាងមុខនេះ។ តម្លៃនេះសម្រាប់ក្រាសសិតសក់មួយពិតជាថ្លៃ បន្តែវាប្រហែលជាអ្វីដែលមនុស្សមួយចំនួនត្រូវការ។

អានបន្ត

2296

DELL 27 Ultrathin, អេក្រង់កុំព្យូទ័រស្ដើងបំផុតរបស់ក្រុមហ៊ុន DELL តម្លៃ $700

បច្ចេកវិទ្យា

03/01/2017

ក្រុមហ៊ុន Dell បានដាក់បង្ហាញអេក្រង់ស្ដើងបំផុតថ្មីរបស់ខ្លួននៅក្នុងសន្និសិទ CES 2016 ហើយវាជាអេក្រង់កុំព្យូទ័រ ដែលស្ដើងជាងគេបង្អស់ក្នុងសន្និសិទនោះ ឬក៏ស្តើងជាងអេក្រង់ភាគច្រើននៅក្នុងទីផ្សារ តែយើងនៅមិនទាន់ដឹងច្បាស់ពីកម្រាស់វាច្បាស់នៅឡើយទេ។ ចំពោះអេក្រង់ភាគច្រើន គ្រឿងក្នុងរបស់វា គឺនៅចំពីក្រោយអេក្រង់ផ្ទាល់ ប៉ុន្តែសម្រាប់អេក្រង់ DELL 27 Ultrathin នេះ គ្រឿងក្នុងរបស់វាទាំងអស់ គឺត្រូវបានដាក់នៅឯជើងរបស់អេក្រង់ ទើបវាមើលទៅឃើញស្ដើង និងដូចជាកុំព្យូទ័រទាំងមូលពេលមើលមួយភ្លែត (តែវាគ្រាន់តែជាអេក្រង់ទទេប៉ុណ្ណោះ)។

រូបភាពពីវែបសាយ Engadget

រូបភាពពីវែបសាយ Engadget

ដូចជាឈ្មោះរបស់វា អេក្រង់ DELL 27 Ultrathin មានទំហំអេក្រង់ 27 អ៊ីញ ដែលជា Quad HD (2,560 x 1,440 ភីកសែល/pixels) ហើយវាក៏គាំទ្រ HDR ផងដែរ តែវាមិនស្តង់ដាដូចនៅក្នុងទូរទស្សន៍ 4K នោះទេ ទោះជាយ៉ាងណា ក្រុមហ៊ុនបានឲ្យដឹងថា អេក្រង់នេះនឹងផ្ដល់ជារូបភាពច្បាស់ និងមានពណ៌ភ្លឺល្អជាងអេក្រង់ភាគច្រើននៅក្នុងទីផ្សារ ដោយវាអាចបញ្ចេញពន្លឺបានដល់ទៅ 99 ភាគរយនៃ sRGB color space។

អេក្រង់ DELL 27 Ultrathin នេះ មើលទៅ មើលទៅមានរាងឡូយគ្រប់ខាង ដែលអ្នកមើលទៅវា ហើយវាបញ្ចេញនូវរូបភាពដែលមានពណ៌ភ្លឺច្បាស់ល្អ ជាមួយនឹង contrast ខ្ពស់ ដែលល្អសម្រាប់បង្ហាញរូបភាពរបស់អ្នកថតរូបជំនាញ។ ក្រុមហ៊ុន Dell បានឲ្យដឹងថា អេក្រង់នេះក៏គាំទ្រ 178-degree viewing angle ដែលអ្នកអាចមើលអេក្រង់នេះពីមុំ 178 ដឺក្រេបានដោយវាមិនមានផ្លាស់ប្តូរពណ៌នោះទេ។ អេក្រង់នេះ ក៏មានភ្ជាប់មកជាមួយនូវ USB-C មួយ ដែលអាចប្រើសម្រាប់សាកថ្មបាន, រន្ធ HDMI 2.0 មួយ និងរន្ធសម្រាប់ដោតកាសមួយ។

រូបភាពពីវែបសាយ Engadget

រូបភាពពីវែបសាយ Engadget

រូបភាពពីវែបសាយ Engadget

អ្នកនឹងអាចរកទិញ អេក្រង់ DELL 27 Ultrathin នេះបាននៅ ខែមីនា ទី23 ខាងមុខនេះ ក្នុងតម្លៃ $700 នៅទីផ្សារសហរដ្ឋអាមេរិក។

អានបន្ត

2627

ទូរស័ព្ទប្រណីត Gionee M2017 មានភ្ជាប់ជាមួយថ្ម 7,000 mAh និងអេក្រង់កោង តម្លៃ $1,000

បច្ចេកវិទ្យា

29/12/2016

លក្ខណៈសម្បត្តិរបស់ស្មាត្រហ្វូនប្រណីតៗ គឺផ្ដោតខ្លាំងលើថាមពលដំណើរការដ៏មហិមា និងការឌីហ្សាញដ៏អស្ចារ្យ ដែលធ្វើឡើងតម្រូវសម្រាប់អ្នកដែលមានមុខមាត់ និងឋានៈខ្ពង់ខ្ពស់ក្នុងសង្គម។ ដូចគ្នាផងដែរ ទូស័ព្ទ Gionee ម៉ូដែល M2017 ថ្មីនេះ នឹងផ្ដោតសំខាន់ទៅលើលក្ខណៈសម្បត្តិទាំងនោះ ដើម្បីផ្ដល់ជូនអតិថិជន ដែលចង់មានស្មាត្រហ្វូនបែបហាយក្លាស ខុសប្លែកស្មាត្រហ្វូនផ្សេងៗក្នុងទីផ្សារបច្ចុប្បន្ន ហើយវាមានតម្លៃប្រហែល $1,000 ដែលឥឡូវនេះទើបតែមានលក់នៅតែក្នុងប្រទេសចិនតែមួយនោះទេ។

រូបភាពពីវែបសាយ The Verge

រូបភាពពីវែបសាយ The Verge

រូបភាពពីវែបសាយ The Verge

រូបភាពពីវែបសាយ The Verge

ទូរស័ព្ទ M2017 នេះ មានភ្ជាប់មកជាមួយថ្ម ដែលមានថាមពល 7,000 mAh (មីលីអំពែម៉ោង) ដោយប្រើប្រាស់ថ្ម 2 គ្រាប់ជាប់គ្នា (មួយៗមានថាមពល 3,500 mAh) ខណៈដែលក្នុងពេលបច្ចុប្បន្ននេះ ស្មាត្រហ្វូនភាគច្រើនអាចផ្ដល់ថាមពលថ្មបានយ៉ាងច្រើនត្រឹមតែ 3,000 mAh ប៉ុណ្ណោះ។ ទូរស័ព្ទនេះ ក៏មានភ្ជាប់មកជាមួយនឹង Snapdragon 653 processor និង RAM ទំហំ 6GB។

ចំណែកឯការឌីហ្សាញរបស់ស្មាត្រហ្វូនប្រណីតមួយនេះ ក៏មានភាពអស្ចារ្យសមនឹងតម្លៃរបស់វាដែរ ដែលវាត្រូវបានឌីហ្សាញឡើងបែបហាយក្លាស ជាមួយនឹងគំនិតឌីហ្សាញស្រដៀងនឹងការឌីហ្សាញរបស់គ្រឿងអលង្ការ និងទូរស័ព្ទម៉ាក Vertu អីញ្ជឹងដែរ។ ស្តាយឌីហ្សាញរបស់ Gionee M2017 នេះ គឺគែមទូរស័ព្ទលើក្រោមពណ៌មាស បន្ទះមាសនៅជំុវិញកាមេរ៉ាខាងក្រោយ និងរូប icons កម្មវិធីពណ៌មាស។ បន្ថែមពីនេះ វាក៏មានអេក្រង់កោងផ្នែកគែមៗខាងឆ្វេង និងស្ដាំផងដែរ ដែលដូច Samsung Galaxy S7 edge អញ្ជឹងដែរ។

រូបភាពពីវែបសាយ The Verge

 

ក៏ប៉ុន្តែ អ្វីដែលគួរឲ្យស្ដាយនោះ គឺថាយើងនៅមិនទាន់ដឹងថា ទូរស័ព្ទម៉ូដែលនេះ អាចនឹងមានលក់ក្នុងទីផ្សារពិភពលោក ក្រៅពីប្រទេសចិននៅពេលណានោះទេ ហើយយើងក៏មិនទាន់ច្បាស់ដែរថា វានឹងមានភ្ជាប់មកជាមួយនឹងប្រព័ន្ធដំណើរការអ្វីឲ្យប្រាកដ។ ឥឡូវនេះ ទូរស័ព្ទ M2017 នេះ ប្រើប្រាស់ប្រព័ន្ធដំណើរ“Amigo” UI version 3.5 ដែលក្រុមហ៊ុនបានកែសម្រួលផ្ទាល់ពីលើ Android Marshmallow សម្រាប់ការប្រើក្នុងប្រទេសចិន។

អានបន្ត

4737

របៀបការពារមិនឲ្យបបូរមាត់ស្ងួត និងប្រេះ ក្នុងរដូវត្រជាក់នេះ

សង្គម, សុខភាព

28/12/2016

ក្នុងរដូវត្រជាក់នេះ វាមានភាពងាយណាស់ក្នុងការធ្វើឲ្យបបូរមាត់យើងស្ងួត និងឆាប់ប្រេះបាន។ សម្រាប់អ្នកខ្លះ មិនថាក្នុងរដូវណានោះទេ ពួកគេតែងតែជួបប្រទះបញ្ហាមាត់ស្ងួត និងប្រេះនេះ ដោយសារតែការខ្វះជាតិទឹក ឬខ្វះជាតិវីតាមីនមួយចំនួន ឬដោយសារអាឡែហ្ស៊ីជាមួយថ្នាំផ្សេងៗ។ ខាងក្រោមនេះ គឺជារបៀបសាមញ្ញៗមួយចំនួន ដែលអ្នកអាចធ្វើ ដើម្បីការពារកុំឲ្យបបូរមាត់ស្ងួត និងប្រេះបាន។

 

ផឹកទឹកឲ្យបានច្រើន

បញ្ហាចម្បង ដែលធ្វើឲ្យបបូរមាត់អ្នកប្រេះ ឬក៏ស្បែកស្ងួតនោះ គឺដោយសារតែអ្នកខ្វះជាតិទឹកក្នុងខ្លួន។ ដូច្នេះ អ្នកគួរតែផឹកទឹកឲ្យបានច្រើន យ៉ាងហោចណាស់ 8 កែវក្នុងមួយថ្ងៃ ដើម្បីរក្សាជាតិទឹកក្នុងខ្លួនរបស់អ្នកឲ្យបានគ្រប់គ្រាន់។ អ្នកក៏អាចទទួលទានចំណីអាហារ ដែលសម្បូរជាតិទឹកមួយចំនួនផ្សេងទៀតបានផងដែរ ដើម្បីជួយរក្សាជាតិទឹកក្នុងខ្លួនក្រៅពីការផឹកទឹក ដែលអាហារទាំងនោះត្រូវបានរៀបរាប់ក្នុង អត្ថបទនេះ។

 

ទទួលទានជាតិវីតាមីន និងសារធាតុចិញ្ចឹមផ្សេងៗឲ្យបានគ្រប់គ្រាន់

អ្នកអាចមានអាការៈប្រេះបបូរមាត់នេះ គឺអាចដោយសារមកពីអ្នកខ្វះសារធាតុចិញ្ចឹម ឬវីតាមីនមួយចំនួន។ ដូច្នេះអ្នកត្រូវប្រាកដថា អ្នកនឹងទទួលទានសារធាតុទាំងនោះឲ្យបានគ្រប់គ្រាន់ ដែលវាមានដូចជា ក្រុមវីតាមីន B, ជាតិដែក, ជាតិអាស៊ីតខ្លាញ់ ដែលមានក្នុងត្រី និងប្រេងផ្សេងៗ, និងថ្នាំគ្រាប់ជាតិរ៉ែ ជាដើម។

 

ប្រើប្រាស់ឧបករណ៍បន្ថែមជាតិសំណើមនៅក្នុងបន្ទប់ ឬផ្ទះរបស់អ្នក

បើសិនជាអ្នករស់នៅទីកន្លែង ដែលមានអាកាសធាតុក្ដៅស្ងួតខ្លាំង អ្នកគួរទិញប្រដាប់បន្ថែមជាតិសំណើមក្នុងបរិយាកាស (Humidifier) ដាក់ក្នុងបន្ទប​់ ឬផ្ទះរបស់អ្នក ដើម្បីឲ្យខ្យល់ក្នុងកន្លែង ដែលអ្នករស់នៅប្រចាំថ្ងៃមានជាតិសើម។ ព្យាយាមធ្វើឲ្យជាតិសំណើមក្នុងបន្ទប់ ឬផ្ទះរបស់អ្នកឲ្យនៅក្នុងកម្រឹតត្រឹម 30% ទៅ 50% ហើយអ្នកគួរធ្វើការសម្អាតឧបករណ៍នោះ ឲ្យបានស្អាតជាប្រចាំ ទៅតាមការបង្រៀនពីក្រុមហ៊ុនរបស់ឧបករណ៍នោះ។

 

ប្រើប្រាស់ផលិតផលបន្ថែមជាតិសំណើមលើបបូរមាត់អ្នក

ប្រើប្រាស់ផលិតផលបន្ថែមជាតិសំណើមមួយចំនួនលើបបូរមាត់របស់អ្នក ដើម្បីធ្វើឲ្យបបូរមាត់អ្នករក្សាជាតិសើម និងស្រូបយកសំណើមបានល្អ និងងាយស្រួល។ នៅពេលដែលអ្នកទិញផលិតផលទាំងនោះ អ្នកគួរស្វែងរកសារធាតុមួយចំនួននៅក្នុងនោះ ដែលមានដូចជា ប្រេងវីតាមីន E, ប្រេងដូង, ប្រេងប៊ឺគ្រាប់ស្សៀ (Shea butter), និងប្រេងប៊ឺរបស់សត្វ Emu (Emu Butter) ជាដើម។

 

ប្រើប្រាស់ក្រែមលាបការពារមាត់ប្រេះ

នៅក្នុងរដូវរងារ អ្នកអាចលាបក្រែមការពារមាត់ប្រេះ ដើម្បីឲ្យបបូរមាត់របស់អ្នកមានជាតិសើមបាន ហើយវាក៏អាចព្យាបាលមាត់ ដែលកំពុងប្រេះបានផងដែរ។ វាក៏អាចការពារបបូរមាត់របស់អ្នក មិនឲ្យប៉ះពាល់ជាមួយនឹងសារធាតុប្រតិកម្មផ្សេងៗពីខាងក្រៅបានដែរ។ ជៀសវាងការប្រើប្រាស់ក្រែមលាបមាត់ពណ៌ធម្មតា ជាពិសេសសម្រាប់នារីៗ ព្រោះថាវាអាចងាយធ្វើឲ្យបបូរមាត់អ្នកស្ងួតបាន។

 

ធ្វើការដកដង្ហើមតាមច្រមុះ

នៅពេលដែលអ្នកកំពុងមានមាត់ប្រេះ អ្នកគួរធ្វើការដកដង្ហើមតាមច្រមុះ ជៀសវាងការដកដង្ហើមតាមមាត់ ព្រោះថាខ្យល់ក្ដៅពីដង្ហើមរបស់អ្នក អាចធ្វើឲ្យបបូរមាត់អ្នកកាន់តែស្ងួតបាន។

 

 

ជៀសវាងការចេញក្រៅក្នុងអាកាសធាតុមិនល្អ ដោយមិនមានអ្វីការពារ

នៅពេលដែលអ្នកចេញទៅខាងក្រៅ នៅកន្លែងដែលមានអាកាសធាតុក្ដៅ ឬត្រជាក់ខ្លាំង អ្នកគួរពាក់ម៉ាស់ការពារ កុំឲ្យមាត់របស់អ្នកត្រូវកម្ដៅថ្ងៃ ឬខ្យល់ត្រជាក់ស្ងួតខ្លាំងពេក។

 

ជៀសវាងការប្រើប្រាស់ផលិតផល ដែលធ្វើឲ្យអាឡែហ្ស៊ីបបូរមាត់របស់អ្នក

ជួនកាល មាត់របស់អ្នកប្រេះខ្លាំង អាចដោយសារមកពីវាអាឡែហ្ស៊ីជាមួយនឹងផលិតផលមួយចំនួន ដែលអ្នកប្រើ ដែលវាអាចមានដូចជាក្រែមលាបមាត់ ទឹកអប់ និងថ្នាំដុះធ្មេញជាដើម។ ដូច្នេះអ្នកគួរពិនិត្យមើលឲ្យច្បាស់មុននឹងប្រើផលិតផលទាំងនោះ។

 

កុំលិតបបូរមាត់របស់អ្នក

ទោះបីជាអ្នកគិតថា ការលិតមាត់របស់អ្នក អាចជួយឲ្យវាមានជាតិសំណើមមែន តែផ្ទុយទៅវិញ វាជាមូលហេតុដែលធ្វើឲ្យបបូរមាត់អ្នកឆាប់ស្ងួតទៅវិញទេ ហើយបន្ថែមពីនេះ វាក៏អាចបណ្ដាលឲ្យមាត់របស់អ្នកឆាប់រមាស់បានផងដែរ។

 

កុំខាំ ឬបេះស្បែកបបូរមាត់របស់អ្នក

នៅពេលដែលបបូរមាត់របស់អ្នកកំពុងប្រេះ សូមកុំខាំ ឬយកដៃទៅបេះស្បែកបបូរមាត់ប្រេះនោះ ព្រោះថាអ្នកនឹងបកស្បែក ដែលការពារបបូរមាត់អ្នកឲ្យរហែកកាន់តែធំ ហើយបណ្ដាលឲ្យបបូរមាត់អ្នកកាន់តែស្ងួតបន្ថែមទៀត។ ទុកឲ្យបបូរមាត់របស់អ្នកជាសះស្បើយដោយខ្លួនឯង ដោយជៀសវាងការខាំ ឬបេះស្បែកបបូរមាត់អ្នក តាមតែអ្នកអាចធ្វើបាន។

 

ជៀសវាងចំណីអាហារមួយចំនួន

អ្នកគួរជៀសវាងបរិភោគចំណីអាហារមួយចំនួន ដែលធ្វើឲ្យបបូរមាត់របស់អ្នកប្រតិកម្ម ជាពិសេសអាហារ ដែលមានជាតិហិរខ្លាំង ដូចជាម្ទេស ឬទឹកជ្រលក់ហិរ និងអាហារដែលមានសារធាតុអាស៊ីតខ្ពស់ ដូចជាផ្លែប៉េងប៉ោះជាដើម។ អ្នកក៏គួរតែជៀសវាង ចំណី ឬផ្លែឈើខ្លះ ដែលមានផ្ទុកនូវសារធាតុប្រតិកម្ម ដូចជាជ័រនៅសម្បកផ្លែស្វាយជាដើម។

 

ពិនិត្យមើលថ្នាំ ដែលអ្នកត្រូវលេប

បើសិនជាអ្នកតម្រូវឲ្យមានការញ្ញ៊ាំថ្នាំ ដោយសារជម្ងឺអ្វីមួយនោះ អ្នកអាចពិនិត្យមើលថ្នាំនោះ ថាតើវាជាមូលហេតុធ្វើឲ្យអ្នកមានបបូរមាត់ស្ងួត ឬក៏អត់ ព្រោះថាថ្នាំខ្លះអាចមានផលប៉ះពាល់ដោយធ្វើឲ្យបបូរមាត់របស់អ្នកអស់ជាតិទឹកបាន។

 

សរុបមក អ្នកអាចការពារបបូរមាត់របស់អ្នកកុំឲ្យស្ងួត និងប្រេះបាន ដោយធ្វើតាមវិធីសាស្ត្រខាងលើ ដោយជ្រើសរើសវិធីសាស្ត្រមួយ ដែលត្រូវសម្រាប់អ្នក ហើយអ្នកគួរជៀសវាងនូវទង្វើរមួយចំនួនផងដែរ ដែលអាចបណ្ដាលឲ្យបបូរមាត់របស់អ្នកមានភាពស្ងួតខ្លាំង។ ហើយបើសិនបបូរមាត់របស់អ្នកមានសភាពស្ងួត និងប្រេះខ្លាំងពេកនោះ អ្នកគួរតែទៅជួបពិគ្រោះជាមួយនឹងវេជ្ជបណ្ឌិតអំពីបញ្ហានេះ។

អានបន្ត

778

កាស Wireless PS4 Headset ថ្មីរបស់ Sony នឹងចេញនៅថ្ងៃទី 17 ខែមករាខាងមុខនេះ

Uncategorized

16/12/2016

ក្រុមហ៊ុន Sony បានប្រកាសពីកាស Platinum Wireless Headset ថ្មីរបស់ពួកគេសម្រាប់ប្រើជាមួយ PS4, PlayStation VR, និងទូរស័ព្ទស្មាត្រហ្វូន។ កាសម៉ូដែលនេះ មានភ្ជាប់មកជាមួយនូវម៉េក្រូ ដែលមានប្រព័ន្ធកាត់សម្លេងខាងក្រៅ (noise cancelling microphones) ហើយដូចជាម៉ូដែល Gold ដែរ វាក៏គាំទ្រកម្មវិធីសម្លេង 7.1 virtual surround sound ផងដែរ។ ប៉ុន្តែ បន្ថែមពីនេះផងដែរ វាក៏មានភ្ជាបមកជាមួយនូវបច្ចេកវិទ្យា 3D Audio ដែលអ្នកអាចស្ដាប់សម្លេង 3D ដូចជាសម្លេងមែនទែនខាងក្រៅផងដែរ។ ដូច្នេះ ចំពោះហ្គែម ដែលប្រើប្រាស់សម្លេង surround sound ធម្មតាក៏អ្នកអាចស្ដាប់បាន ហើយបើហ្គែមដែលមានភ្ជាប់ជាសម្លេង 3D Audio ក៏អ្នកអាចស្ដាប់បាន ដែលវាពិតជាផ្ដល់នូវបទពិសោធន៍ថ្មីមួយនៃការស្ដាប់សម្លេងក្នុងហ្គែមផងដែរ។nike air max new
nike air max 90 mens
nike air max 270 sale
nike air max 97 womens
nike air max 95s
nike air max men’s
nike air max 90 online
nike air maxes 270
nike air max black and white
nike air max shoes
nike air max 270 women
nike air max 270 react
nike air max 270 womens sale
nike air max cb 94 release dates 2023
nike air max plus sale
new nike air max
nike air max sc
nike air max 90
nike air maxes
nike air max sale
nike air max sale
men’s nike air max terrascape 90 casual shoes
cheap nike air max
nike air max 90 black
nike air max 90 mens
nike air max 90 black
cheap nike air max
nike 270 air max
nike air max 270
nike air max 95
nike air max 270 womens
nike air max 95 sale mens
nike air max 95 white
nike air max terrascape 90 men’s shoes
nike air max pre-day
nike air max 270
men nike air max 90
nike air max 97 black
nike air max womens
cheap nike air max
mens nike air max 97

ដោយឡែក ឥឡូវនេះ នៅមិនទាន់មានហ្គែម PS4 ណា ដែលគាំទ្របច្ចេកវិទ្យា 3D Audo នេះនៅឡើយទេ តែ Naughty Dog ស្ទូឌីយ៉ូ គម្រោងនឹងបញ្ចូលបច្ចេកវិទ្យានេះចូលក្នុងហ្គែម Uncharted 4: A Thief’s End របស់ពួកគេ។ ហើយហ្គែមផ្សេងៗទៀតក៏នឹងដាក់បញ្ចូលបច្ចេកវិទ្យានេះផងដែរ ដូចជាហ្គែម MLB The Show 17, Uncharted: The Lost Legacy, និង Days Gone ជាដើម។

ចំពោះ Wireless របស់កាសនេះវិញ គឺវាអាចប្រើបានតែជាមួយ PS4 ប៉ុណ្ណោះតាមរយៈ wireless adapter ហើយសម្រាប់ PlayStation VR  និងស្មាត្រហ្វូន អ្នកនឹងត្រូវប្រើខ្សែកាស 3.5mm ដដែល។ ក៏ប៉ុន្តែ ដូចដែល Sony បានបង្ហើបពីមុនរួចហើយថា មុខងារ 3D Audio អាចដំណើរការបានក្នុង VR (virtual reality) ទាល់តែអ្នកប្រើកាសនេះតាមខ្សែ ហើយក៏បានបញ្ជាក់ផងដែរថា វានឹងមិនបញ្ចេញជាសម្លេង 3D នៅក្នុង PS4 នោះទេបើសិនជាអ្នកប្រើតាម wireless។ ដូច្នេះ ជាមួយនឹងហ្គែម PS4 ធម្មតា អ្នកអាចប្រើកាសនេះតាម wireless បាន តែបើអ្នកចង់បានមុខងារ 3D Audio អ្នកត្រូវតែប្រើខ្សែ។

អានបន្ត

1613

ដំណើរការផ្សេងៗគ្នារបស់ Dual Cameras ក្នុង iPhone 7 Plus, Huawei P9 និង LG G5

បច្ចេកវិទ្យា

16/12/2016

ក្នុងឆ្នាំ 2016 នេះ យើងឃើញមានក្រុមហ៊ុនទូរស័ព្ទធំៗចំនួន 3 ដែលបានចេញទូរស័ព្ទភ្ជាប់មកជាមួយនឹងកាមេរ៉ា 2 ជាប់គ្នា (Dual Cameras) ដែលមានដូចជា iPhone 7 Plus, Huawei P9 និង LG G5។ ហើយអ្វី ដែលគួរឲ្យចាប់អារម្មណ៍ជាងនេះនោះ ប្រព័ន្ធ Dual Camera របស់ទូរស័ព្ទទាំង 3 នោះ គឺមានដំណើរការផ្សេងៗគ្នា ដើម្បីផលិតបាននូវរូបភាព និងវីដេអូ ដែលមានគុណភាពល្អ។ បើសិនជាអ្នក មិនទាន់ច្បាស់ពីដំណើរការរបស់ Dual Camera ក្នុងទូរស័ព្ទទាំងបីនេះទេ ខាងក្រោមនេះគឺជាការពន្យល់ត្រួសៗពីដំណើរការរបស់កាមេរ៉ា ដែលមានក្នុងទូរស័ព្ទទាំងនោះ។

 

iPhone 7 Plus

ចំពោះ dual camera នៅក្នុង iPhone 7 Plus កាមេរ៉ាមួយគឺជាកាមេរ៉ាធម្មតាដូច iPhone ពីមុនដែរ ហើយកាមេរ៉ាមួយទៀត គឺជាកាមេរ៉ា ដែលប្រើ telephoto lens ដែលអាចធ្វើការហ្ស៊ូម (zoom) តាមកញ្ចក់បាន មិនមែនហ្ស៊ូមតាមឌីជីថលនោះទេ ដូច្នេះវាធ្វើឲ្យរូបភាពកាន់តែមានគុណភាពច្បាស់ល្អ ទោះបីជាអ្នកធ្វើការហ្ស៊ូមថតក៏ដោយ។ ហើយបច្ចេកវិទ្យាថ្មីនេះ ក៏ត្រូវបានប្រើប្រាស់ក្នុង Portrait Mode ផងដែរ ដែលវាជាមុខងារ​កាមេរ៉ាមួយរបស់ iPhone 7 Plus ដែលប្រើប្រាស់ telephoto lens នេះសម្រាប់ថត និងធ្វើឲ្យរូបភាពនៅខាងក្រោយមនុស្ស ឬរបស់ ដែលអ្នកថតមើលទៅព្រិលៗ ដូចជាប្រើប្រាស់កាមេរ៉ាអ្នកជំនាញថតអញ្ជឹងដែរ។ មុខងារមួយនេះ ទើបតែនៅជា Beta នៅឡើយ ដូច្នេះវាមិនទាន់មានភាពឥតខ្ចោះនោះទេ តែវានឹងអាចប្រសើរឡើងនៅថ្ងៃក្រោយ។

 

Huawei P9

ចំពោះ Huawei P9 វិញ វាមានកាមេរ៉ាទំហំ 12 MP (មេហ្គាផិចសែល) ចំនួន 2 នៅពីក្រោយបង្កើតដោយក្រុមហ៊ុន Leica ដែលបង្កើតជា dual camera របស់ទូរស័ព្ទនេះ ហើយកាមេរ៉ាទាំងពី មានដំណើរការជាមួយគ្នាដើម្បីចាប់យករូបភាព ដែលមានគុណភាពល្អជា HDR (high dynamic range)។ សិនស័ររបស់កាមេរ៉ាមួយ គឺម៉ូណូក្រូម (monochrome) ដែលមានសមត្ថភាពចាប់រូបភាព ស ខ្មៅ ហើយប្រើសម្រាប់ចាប់យកតែពន្លឺ និងប្រវែង។ ហើយសិនស័ររបស់កាមេរ៉ាមួយទៀត ចាប់យកពណ៌ និងពត៌មានលម្អិតនៅក្នុងរូបភាពនោះ។ វាមានមុខងារថតតែរូបសខ្មៅ ដោយប្រើប្រាស់តែសិនស័រកាមេរ៉ាម៉ូណូក្រូមបានផងដែរ ហើយអ្នកក៏អាចប្រើសិនស័រកាមេរ៉ាទាំងពីរបញ្ចូលគ្នាដើម្បីថតរូបភាពមានផ្ទៃខាងក្រោយព្រិលបានដូច Portrait Mode ក្នុងកាមេរ៉ា iPhone 7 Plus អញ្ជឹងដែរ។ អ្វីដែលខុសគ្នានោះ គឺថាជាមួយ Huawei P9 អ្នកអាចធ្វើការកែប្រែសារ៉េ focus របស់រូបភាពបាននៅក្នុងរូបភាព ដែលយើងបានថតរួចហើយនៅក្នុង Gallery។

 

LG G5

ចំពោះ dual camera របស់ទូរស័ព្ទ LG G5 វិញ វាមានសិនស័រកាមេរ៉ា 2 ដែលមានដំណើរការផ្សេងដាច់ពីគ្នា។ កាមេរ៉ាចម្បង មានសិនស័រទំហំ 16 MP (មេហ្គាផិចសែល) ដែលជាកាមេរ៉ា flagship ធម្មតារបស់ទូរស័ព្ទនេះ ហើយពិតណាស់ វាផ្ដល់នូវគុណភាពមានស្តង់ដាល្អ។ រីឯកាមេរ៉ាមួយទៀត មានទំហំ 8 MP ដែលភ្ជាប់ជាមួយនឹង wide-angle lens អាចថតបានមុំ 135° ពីមុខកាមេរ៉ា ដែលដូចទៅនឹងកាមេរ៉ាសកម្មភាព (action camera) ដូចជា Go Pro អញ្ជឹងដែរ។

 

ឥឡូវអ្នកបានដឹងពីភាពខុសគ្នារវាងដំណើរការរបស់ Dual Camera ក្នុងទូរស័ព្ទទាំង 3 ខាងលើហើយ ហើយទោះបីជាវាត្រូវបានហៅថាជា Dual Camera ដូចគ្នាមែន តែវាមិនមែនចាប់យករូបភាពតាមវិធីដូចគ្នានោះទេ។ សម្រាប់អ្នក តើអ្នកចូលចិត្តប្រព័ន្ធដំណើរការ dual camera របស់ទូរស័ព្ទមួយណា?

 

អានបន្ត

2031

កាស Apple AirPods ត្រូវបានដាក់លក់ជាផ្លូវការហើយ ក្រោយពីបានពន្យាអស់រយៈពេល 2 ខែមក

បច្ចេកវិទ្យា

14/12/2016

ឥឡូវនេះ អ្នកអាចធ្វើការដាក់បញ្ជាទិញកាស​ប៊្លូធូស Apple AirPods បានហើយក្នុងវែបសាយរបស់ Apple ដែលមានតម្លៃ $159។ ក្រុមហ៊ុន Apple បានផ្ដល់ពត៌មានកាលពីថ្ងៃអង្គារិ៍នេះថា កាស AirPods របស់ពួកគេត្រូវបានដាក់លក់ក្នុងវែបសាយរបស់ពួកគេហើយ ក្រោយពីបានពន្យាពេលអស់រយៈពេលជាង 2 ខែមក ដោយមិនមានហេតុផលអ្វីច្បាស់លាស់។

ក្រុមហ៊ុន Apple ក៏បានបន្ថែមទៀតថា ពួកគេនឹងធ្វើការផ្ញើរផលិតផលចេញទៅឲ្យអតិថិជន ដែលបានធ្វើការបញ្ជាទិញកាសនេះ នៅអាទិត្យក្រោយ ហើយនៅពេលនោះ អ្នកក៏អាចរកទិញបាននៅតាមហាង Apple Store ឬ ហាងដែលមានសិទ្ធិលក់ផលិតផលរបស់ Apple (Apple-authorized resellers) ទាំងអស់បានផងដែរ។

កាស AirPods នេះត្រូវបានប្រកាសដំបូងដោយក្រុមហ៊ុន Apple កាលពីខែកញ្ញា ក្នុងតម្លៃ $159 ស្របពេលជាមួយនឹងការប្រកាសចេញ iPhone 7 & 7 Plus របស់ពួកគេ។ ហើយការពន្យាក្នុងការដាក់លក់ជាផ្លូវការនេះ មើលទៅដូចជាវិធីសាស្ត្រទីផ្សាររបស់ក្រុមហ៊ុន Apple ព្រោះថាការដាក់លក់ក្នុងពេលនេះ គឺស្របពេល ដែលមនុស្សភាគច្រើនធ្វើការទិញរបស់ សម្រាប់ធ្វើជាកាដូក្នុងរដូវការបុណ្យណូអែល និងថ្ងៃឆ្លងចូលឆ្នាំថ្មីខាងមុខនេះ។

ក្រុមហ៊ុន Apple ក៏បាននិយាយទៀតថា ការពន្យានេះ គឺដោយសារពួកគេត្រូវពេលដើម្បីធ្វើឲ្យផលិតផលមួយនេះ មានភាពរួចរាល់គ្រប់គ្រាន់ មុននឹងដាក់វាចូលក្នុងទីផ្សារ។

អានបន្ត

3745

កំណែទម្រង់ថ្មីៗរបស់ហ្គែម Dota2 – Patch 7.00 update

ហ្គែម

12/12/2016

ចំពោះអ្នកដែលចូលចិត្តលេងហ្គែម Dota2 ទាំងអស់ ការរងចាំនេះនឹងមកដល់ហើយ។ Dota2 ទើបតែបានបញ្ចេញនូវកំណែទម្រង់ថ្មី update Patch 7.00 ដែលជាកំណែទម្រង់ធំ របស់ហ្គែមនេះ កាលពីយប់មិញនៅឯសើវើ (server) សហរដ្ឋអាមេរិក ហើយសម្រាប់សើវើអាស៊ីយើង នឹងអាចធ្វើការដោនឡោដ update នេះបានក្នុងថ្ងៃនេះពេលថ្ងៃ ឬពេលយប់នេះ ដូច្នេះចាំមើលទាំងអស់គ្នា។ ក្នុង Dota2 – 7.00 update ថ្មីនេះ មានកំណែទម្រង់ធំៗចំនួន 4 គឺ ការបន្ថែម hero ថ្មី, HUD ថ្មី, pregame ថ្មី, និង gameplay ថ្មី។

 

Hero ថ្មី – Monkey King ឬ ស៊ុន អ៊ូខុង

អ្នកនឹងឃើញមាន និងអាចលេង hero ថ្មីបានក្នុង Dota2 – 7.00 update ថ្មីនេះ ដែលមានឈ្មោះថា Monkey King ឬ ស្ដេចស្វាស៊ុន អ៊ូខុង។ ហើយវាក៏មានមកជាមួយនូវ ឈុត Arcana, កំណែទម្រង់ផែនទី (new terrain), និង សម្លេងប្រកាសក្នុងហ្គែម (announcer pack) របស់ hero នេះផងដែរ សម្រាប់ធ្វើការទិញយកទៅប្រើប្រាស់។

Hero ថ្មី Monkey King នេះ គឺជា hero ប្រភេទ melee, carry, escape, និង disabler ហើយវាមាន Skills ចំនួន 6 សម្រាប់ឲ្យអ្នកលេង ដែលមានដូចជា Boundless Strike, Tree Dance (ហក់ពីដើមឈើទៅដើមឈើ), Primal Spring ដែលអាចប្រើបានជាមួយ skill ទី 2, Jingu Mastery (passive skill), Mischief (skill ប្រែក្រឡា 72 យ៉ាង), និង skill ចុងបញ្ចប់ Wukong Command។ អ្នកអាចមើលពី skills ទាំងនេះក្នុងវីដេអូខាងក្រោម៖

 

HUD ថ្មី

ក្នុងកំណែទម្រង់ Patch 7.00 របស់ Dota2 ថ្មីនេះ គឺមានការកែប្រែជាខ្លាំងលើ HUD ឬ Interface របស់ហ្គែម ដោយវាមើលទៅមានភាពទូលាយងាយស្រួលមើល និងលេងជាងមុន។ មានការឌីហ្សាញថ្មីទៅលើជាច្រើនកន្លែង ដែលមានដូចជា Top Bar & Minimap, Hero Control Console (កន្លែងបង្ហាញពី skills និង​ items), និង Shop & Courier។

Top Bar & Minimap

Hero Control Console

Shop & Courier

 

Pregame ថ្មី

មុននឹងចូលក្នុងហ្គែមដើម្បីបានលេងផ្ទាល់ ក្រោយពីបានចុច “Accept” រួចហើយ អ្នកនឹងត្រូវឆ្លងកាត់ 2 ដំណាក់កាល៖ Pick Phase និង Strategy Phase។

Pick Phase គឺជាដំណាក់កាលដំបូង ដែលអ្នកធ្វើការជ្រើសរើស hero សម្រាប់លេង ដែលដូចនិងវើហ្សិនមុនដែរ ក៏ប៉ុន្តែវាមានបន្ថែមនូវមុខងារអាចឲ្យអ្នកវាស់ពីសមត្ថភាពរបស់ hero ទាំងអស់ចូលគ្នាបាន។

Pick Phase

រីឯ Strategy Phase គឺជាដំណាក់កាលទី 2 ដែលមានរយៈពេល 30 វិនាទី ដែលអ្នក និងក្រុមរបស់អ្នកអាចធ្វើការពីភាក្សាគ្នាអំពីយុទ្ធសាស្ត្រផ្សេងៗ ដែលក្នុងនោះ អ្នកអាចរើសថាតើអ្នកនឹងលេងនៅកន្លែងណាក្នុងផែនទី ដើម្បីឲ្យក្រុមអ្នកដឹងមុន ហើយអ្នកក៏អាចធ្វើការទិញ items បានក្នុងដំណាក់កាលនេះផងដែរ ដោយមិនចាំបាច់ចាំដល់ពេលចូលក្នុងហ្គែមនោះទេ។

Strategy Phase

 

Gameplay ថ្មី

ចំពោះ Gameplay ក៏មានការផ្លាស់ប្តូរច្រើនដែរ ដែលវាមើលទៅកាន់តែស្រដៀង gameplay របស់ហ្គែម World of Warcraft (WoW) ឬ League of Legends (LoL)។

មានការផ្លាស់ប្តូរថ្មីជាច្រើនដូចជា របៀបឡើង Level ថ្មី ដែលអាចឲ្យអ្នកជ្រើសរើស Talents របស់ hero បាននៅ level 10/15/20/25, backpack ដែលអ្នកអាចដាក់ថែមបាននូវ items ចំនួន 3 ទៀត តែមិនអាចប្រើបាននោះទេ, ការផ្លាស់ប្តូរបន្តិចបន្តួចលើផែនទី ដូចជាកន្លែង Roshan និង Runes ត្រូវបានផ្លាស់ប្តូរទីតាំង ហើយនិងការផ្លាស់ប្តូរផ្សេងៗទៀតលើ items និងលើ Heroes ខ្លះៗ ជាដើម។

new leveling

អានបន្ត