ប្រសិនបើអ្នកមានចំណង់ចំណូលចិត្តញ៉ាំចំណីអាហារ ដែលមានផ្សំ ឬរោយជាមួយគ្រាប់ល្ងខ្មៅ ដូចជានុំប៉័ង នុំកង បង្អែមល្ងខ្មៅ ឬក៏ម្ហូបអាហារ ដែលប្រើប្រាស់ប្រេងល្ងខ្មៅ អ្នកប្រាកដជាសប្បាយចិត្ត ដែលដឹងថា ទង្វើដែលអ្នកកំពុងធ្វើ និងចំណង់ចំណូលចិត្តដែលអ្នកមាននេះ បានផ្តល់នូវផលប្រយោជន៍ល្អជាច្រើនដល់សុខភាពរបស់អ្នក។

រូបភាពពីគេហទំព័រ food.com

រូបភាពពីគេហទំព័រ food.com

ថ្វីបើគ្រាប់ល្ងខ្មៅមានទំហំតូចក៏ពិតមែន ក៏ប៉ុន្តែវាគឺជាអាហារ ដែលមានអនុភាព និងអាចផ្តល់ផលប្រយោជន៍ជាច្រើន ដោយកន្លងមក ជនជាតិចិនបានរកឃើញ និងមានជំនឿក្នុងការប្រើប្រាស់វា ដើម្បីការលើកកម្ពស់ដល់ផលប្រយោជន៍សុខភាព និងប្រឆាំងនឹងភាពចាស់ជរា។ សម្រាប់ខាងក្រោមនេះ គឺជាអត្ថប្រយោជន៍មួយចំនួន ដែលយើងនឹងទទួលបានពីការទទួលទានគ្រាប់ល្ងខ្មៅ ជាប្រចាំថ្ងៃ។

ជួយប្រឆាំងនឹងភាពចាស់ជរា

ជនជាតិចិនមានជំនឿថា សារធាតុចិញ្ចឹម ដែលមាននៅក្នុងគ្រាប់ល្ងខ្មៅអាចជួយក្នុងការពន្យាពេល ឬការផ្លាស់ប្តូរ ផលប៉ះពាល់ដែលទាក់ទងនឹងការវិវត្តន៍ទៅរកភាពចាស់ជរា។ តាមរយៈការសិក្សា ដែលបានធ្វើឡើងដោយសាកលវិទ្យាល័យ Harvard ក្នុងឆ្នាំ 2010 បានបង្ហាញថា នៅក្នុងគ្រាប់ល្ងខ្មៅ គឺសម្បូរទៅដោយវីតាមីន B និងជាតិដែក។ ដោយឡែក សម្រាប់មនុស្សភាគច្រើន ដែលកង្វះវីតាមីន B ឬជាតិដែក តែងមានរោគសញ្ញាដូចជាសក់ឡើងស្កូវ បញ្ហាសក់ជ្រុះ និងបញ្ហាភ្លេចភ្លាំងផងដែរ ដោយទាំងអស់នេះសុទ្ធតែមានទាក់ទងទៅនឹងដំណើរវិវត្តន៍ទៅរកភាពចាស់ជរា។

រូបភាពពីគេហទំព័រ food.com

ធ្វើឲ្យស្បែកស្រស់ស្អាតមានសុខភាពល្អ និងឆ្អឹងរឹងមាំ

ជាតិកាល់ស្យូម និងស័ង្កសីដ៏ច្រើនសម្បូរបែប ដែលមាននៅក្នុងគ្រាប់ល្ងខ្មៅអាចរក្សាអោយឆ្អឹងរឹងមាំ និងជួយកាត់បន្ថយការប្រឈមនឹងជំងឺពុកឆ្អឹង។ ម៉្យាងវិញទៀត នៅក្នុងគ្រាប់ល្ងខ្មៅក៏មានផ្ទុកទៅដោយវីតាមីន E ផងដែរ ដោយវីតាមីនប្រភេទនេះមានសារៈសំខាន់យ៉ាងខ្លាំងសម្រាប់ស្បែកស្អាត ដែលមានសុខភាពល្អ។ អត្ថប្រយោជន៍នៃល្ងខ្មៅដល់សុខភាពទាំងនេះ អាចរក្សាឲ្យសុខភាពរបស់យើងនៅរឹងមាំ និងស្រស់ស្អាត ទោះបីជាយើងស្ងិតនៅក្នុងវ័យអាយុច្រើនក៏ដោយ។

រូបភាពពីគេហទំព័រ food.com

ជួយរក្សាស្ថិរភាពនៃសម្ពាធឈាម

នៅក្នុងគ្រាប់ល្ងខ្មៅ គឺសម្បូរទៅដោយជាតិម៉ាញ៉េស្យូម ដែលជួយការពារយើងពីជំងឺលើសឈាម។ ម៉្យាងវិញទៀត ពពួកខ្លាញ់ polyunsaturated និង sesamin ដែលមាននៅក្នុងប្រេងល្ងខ្មៅ មានតួនាទីក្នុងការរក្សាកម្រិតសម្ពាធឈាមរបស់យើងឲ្យនៅក្នុងកំរិតមួយសមស្របផងដែរ។

រូបភាពពីគេហទំព័រ food.com

ជួយកាត់បន្ថយអត្រាប្រឈមនឹងជំងឺមហារីក

ពពួកខ្លាញ់ sesamin ដែលមាននៅក្នុងគ្រាប់ល្ងខ្មៅ ត្រូវបានគេរកឃើញថា វាមានសមត្ថភាពការពារថ្លើម ប្រឆាំងនឹងការខូចខាត ដែលបណ្តាលមកពីរ៉ាឌីកាល់សេរីក្នុងរាងកាយ។ ដោយសារតែ ថ្លើមរបស់យើង ដើរតួនាទីយ៉ាងសំខាន់ក្នុងដំណើរការបន្សាបជាតិពុលក្នុងរាងកាយរបស់យើង ដូចនេះការថែរក្សាការពារថ្លើមរបស់យើង គឺដូចជា ការការពារសារពាង្គកាយរបស់យើងពីជំងឺផ្សេងៗ ជាពិសេសគឺប្រឆាំងនឹងជំងឺមហារីកផងដែរ។ លើសពីនេះទៀត នៅក្នុងគ្រាប់ល្ងខ្មៅ គឺសម្បូរទៅដោយសារធាតុជាតិសរសៃ lignans (សារជាតិប្រឆាំងអុកស៊ីតកម្ម) និង phytosterols (ធាតុគីមីរុក្ខជាតិ) ដែលអាចជួយការពារសារពាង្គកាយរបស់យើង ប្រឆាំងនឹងការវិវត្តន៍នៃជំងឺមហារីកជាច្រើន ដូចជាមហារីកពោះវៀនជាដើម។

រូបភាពពីគេហទំព័រ food.com

ព្យាបាលបញ្ហាទល់លាមក និងបញ្ហាប្រព័ន្ធរំលាយអាហារ

គ្រាប់ល្ងខ្មៅគឺជាថ្នាំដ៏ពូកែសក្តិសិទ្ធិសម្រាប់ព្យាបាលបញ្ហាទល់លាមក។ ខ្លាញ់ដែលមាននៅក្នុងគ្រាប់ល្ងខ្មៅ អាចជួយបន្ថែមជាតិរអិលនៅក្នុងពោះវៀនធំរបស់យើង ខណៈពេលដែលជាតិសរសៃរបស់វា ជួយធ្វើឲ្យមានភាពរលូនក្នុងការដឹកជញ្ជូនចំណីអាហារ និងកាកសំណល់នៅក្នុងប្រព័ន្ធរំលាយអាហាររបស់យើង។ ក្រៅពីការព្យាបាលបញ្ហាទល់លាមក គ្រាប់ល្ងតូចៗនេះ ក៏មានប្រសិទ្ធភាពក្នុងការកំចាត់ពពួកដង្កូវក្នុងពោះវៀនផងដែរ ដែលវាជួយធ្វើឲ្យការរំលាយអាហាររបស់យើងកាន់តែប្រសើរឡើង។

រូបភាពពីគេហទំព័រ food.com

នៅប៉ុន្មានទស្សវត្ត កន្លងមកនេះ តែងមានដំណឹងអំពី ផលប៉ះពាល់របស់ប៊ីចេង ដល់អ្នកដែលមានទម្លាប់តែងប្រើប្រាស់ និងទទួលទានម្អូបដែលផ្សំពីវា ប៉ុន្តែ ទោះបីជាយ៉ាងដូចនេះក្តី ក៏នៅមានមនុស្សភាគច្រើន មិនបានបោះបង់ចោលការប្រើប្រាស់ប៊ីចេងនៅក្នុងចំណីអហារ របស់ពួកគេនោះឡើយ។ អញ្ចឹង តើមូលហេតុអ្វីបានជាពួកគេទាំងនោះនៅតែបន្តប្រើប្រាស់វា? តើវាអាចមកពីប៊ីចេង ធ្វើឲ្យពួកយើងញៀនមែនឬទេ? ហើយ តើវានឹងផ្តល់ផលប៉ះពាល់អ្វីខ្លះ ដល់សុខភាពរបស់យើង បើយើងមានទម្លាប់ទទួលទានវារាល់ថ្ងៃបែបនេះ?

រូបភាពពីគេហទំព័រ food.com

ប៊ីចេង ឬក្នុងភាសារបច្ចេកទេសហៅថា MSG (Monosodium glutamate) គឺជាគ្រឿងទេសបង្កើនរសជាតិអាហារម៉្យាង មានរូបរាងជាល្បាយសថ្លាល្អិតៗ ដែលមានលក្ខណៈស្រដៀងគ្នាទៅនឹងស្ករស និងអំបិលដែរ ដែលជាទូទៅគេតែងប្រើប្រាស់វាបន្ថែមនៅក្នុងមុខម្អូបជាច្រើនមុខ ជាពិសេសគឺម្អូបចិន ស៊ុបសំរាប់គុយទាវ ឬមី អាហារកញ្ចប់ និងអាហារកំប៉ុង ជាដើម ដើម្បីឲ្យចំណីអាហារទាំងអស់នោះមានរសជាតិប្រសើរឡើង។

ប៊ីចេង ត្រូវបានអង្គការចំណីអាហារពិភពលោក ចាត់ទុកថាគឺជាគ្រឿងផ្សំទៅក្នុងចំណីអាហារមួយដែល ជាទូទៅត្រូវបានគេទទួលស្គាល់ថាមានសុវត្ថិភាព ក៏ប៉ុន្តែសំរាប់ក្បួនច្បាប់ និងបរិមាណនៃការប្រើប្រាស់វាឲ្យមានសុវត្ថិភាពនោះ គឺនៅមិនទាន់មានភាពច្បាស់លាស់នៅឡើយទេ។ ដោយសារ តែមូលហេតុនេះហើយ ទើបរាល់ចំណីអាហារ ដែលមានបន្ថែមនូវប៊ីចេង គឺសុទ្ធតែតម្រូវឲ្យមានផ្តល់ជាពត៌មាននៅលើស្លាករាយឈ្មោះគ្រឿងផ្សំ។

រូបភាពពីគេហទំព័រ food.com

រូបភាពពីគេហទំព័រ food.com

ទោះបីជា ប៊ីចេងត្រូវបានគេទទួលស្គាល់ថាមានសុវត្ថិភាពសំរាប់ប្រើប្រាស់ក្នុងចំណីអាហារក្តី ក៏ប៉ុន្តែប៉ុន្មានឆ្នាំកន្លងមកនេះ អ្នកស្រាវជ្រាវបានទទួលពត៌មានជាច្រើន ដែលទាក់ទងទៅនឹងអាការមួយចំនួនបានកើតមានឡើងបន្ទាប់ពី ការទទួលទានអាហារដែលមានប៊ីចេង អាការទាំងអស់នោះមានដូចជា៖

• ឈឺក្បាល និងវិលមុខ
• ហេវហត់ អស់កំលាំង
• បែកញើស
• ឈឺដើមទ្រូង
• ព្រិលភ្នែក
• បេះដូងលោតញាប់
• ស្ពឹកមុខ
• ចុករោយសាច់ដុំត្រង់ស្មា និងក
• និង មានអារម្មណ៍ក្រហាយមុខជាដើម

សំរាប់អាការទាំងអស់នោះ ក្រុមអ្នកស្រាវជ្រាវបានទទួលស្គាល់ថាមានមនុស្សមួយភាគតូច អាចមានប្រតិកម្មរយៈពេលខ្លីទៅនឹងការទទួលទានប៊ីចេង ក៏ប៉ុន្តែពួកគេនៅមិនទាន់រកឃើញ ភស្តុតាងច្បាស់លាស់នៃការផ្សារភ្ជាប់គ្នារវាងប៊ីចេង និងអាការទាំងនោះនៅឡើយទេ។ ជាធម្មតាអាការ ទាំងនោះមានសភាពស្រាល កើតមានឡើងក្នុងរយៈពេលខ្លី និងមិនតម្រូវឲ្យមានការព្យាបាលទេ។ វិធីតែមួយគត់ដើម្បីទប់ស្កាត់កុំឲ្យប្រតិកម្ម គឺឈប់ទទួលទាននូវអាហារដែលមានផ្ទុកទៅដោយប៊ីចេង។

ក្រៅពីអាការដែលអាចកើតមានក្នុងរយៈពេលខ្លីទាំងអស់នេះ ពួកគេក៏បានស្រាវជ្រាវឃើញផងដែរថាការទទួលទានប៊ីចេងនឹងផ្តល់ផលប៉ះពាល់មួយចំនួនទៀតដល់សុខភាពរបស់យើង ដូចជា៖

• ចំនួនកាឡូរីនៅក្នុងអាហារដែលប្រើប្រាស់ប៊ីចេង គឺមានច្រើនជាងនៅក្នុងចំណីអាហារធម្មតា ដូចនេះការទទួលប៊ីចេងច្រើនគឺបង្កើនចំនួនកាឡូរីនៅក្នុងខ្លួនរបស់យើង ដែលជាហេតុបង្ករឲ្យយើងមានជំងឺធាត់
• ការទទួលទានចំណីអាហារដែលមានប៊ីចេង អាចធ្វើឲ្យយើងទទួលទានអាហារច្រើន ឬមានភាពងប់ងុលទៅនឹងចំណីអាហារ ដែលជាហេតុបង្ករឲ្យយើងមានជំងឺធាត់
• វាអាចបង្ករឲ្យសម្ពាធឈាមឡើងខ្ពស់ ឈឺក្បាល និងក្អួតចង្អោរជាដើម តែអាការទាំងនេះកើតមានឡើងនៅក្នុងករណីដែលប្រើប្រាស់ប៊ីចេងក្នុងកម្រិតខ្ពស់តែប៉ុណ្ណោះ

អញ្ចឹង តើយើងទាំងអស់គ្នាគួរឈប់ទទួលទានអាហារដែលមានប្រើប៊ីចេង ឬយ៉ាងណា?

ការជៀសឲ្យផុតពីការទទួលទានចំណីអាហារដែលមានផ្ទុកប៊ីចេងនោះ គឺមិនមែនជារឿងមួយដែលងាយស្រួលនោះទេ ពីព្រោះសឹងតែគ្រប់ចំណីអាហារទៅហើយ គឺសុទ្ធតែមានផ្ទុកទៅដោយប៊ីចេង ឬ MSG គ្រាន់តែវាមានចំនួនតិច ឬក៏ច្រើនតែប៉ុណ្តោះ។ ដំណោះស្រាយដ៏ល្អបំផុតនោះគឺ ព្យាយាមទទួលទានម្អូបអាហារ ដែលចម្អិននៅផ្ទះដោយយើងផ្ទាល់ តាមតែអាចធ្វើទៅបាន ជាមួយនឹងការប្រើប្រាស់បន្លែ និងសាច់ស្រស់ៗ ជៀសវាងដាច់ខាតនូវការបន្ថែមប៊ីចេងចូលទៅក្នុងចំណីអាហារ ដើម្បីបង្កើនរសជាតិ។

ផ្លែឈើត្រាំ និងបន្លែជ្រក់ គឺសុទ្ធតែស្ថិតនៅក្នុង ក្រុមចំណីអាហារផ្អាប់ ដោយការផ្អាប់គឺជាការបំលែងជាតិស្ករ ដែលមាននៅក្នុងចំណីអាហារទាំងនោះ ឲ្យក្លាយទៅជាជាតិអាកុល។ យើងអាចនិយាយបានថា ការបិត ឬផលិតស្រា ក៏ប្រើប្រាស់នូវវិធីសាស្ត្រផ្អាប់ ស្រដៀងគ្នា ទៅនឹងផ្លែឈើត្រាំ និងបន្លែជ្រក់ដែរ ដោយគ្រាន់តែការបិតស្រាមានក្បួនស្មុគស្មាញ ជាងបន្តិច។

ដូចនេះ ប្រសិនបើនៅក្នុងផ្លែឈើត្រាំ និងបន្លែជ្រក់ មានផ្ទុកទៅដោយជាតិអាកុល ដូចទៅនឹងស្រាអញ្ចឹង តើការទទួលទានចំណីអាហារទាំងនេះ អាចផ្តល់ផល់ល្អ ឬក៏ប៉ះពាល់ដល់សុខភាពរបស់យើងដែល ឬទេ?

ផលប្រយោជន៍ដល់សុខភាព ដែលយើងនឹងទទួលបានពីការទទួលទានផ្លែឈើត្រាំ និងបន្លែជ្រក់ ៖

• ជួយកាត់បន្ថយអត្រាកើតជំងឺបេះដូង និងជំងឺថ្លើម

សារធាតុប្រឆាំងអុកស៊ីតកម្មធម្មជាតិ ដែលមាននៅក្នុងផ្លែឈើត្រាំ និងបន្លែជ្រក់ ជួយក្នុងការប្រយុទ្ធប្រឆាំងនឹងរ៉ាឌីកាល់សេរី។ រ៉ាឌីកាល់សេរី គឺជាសារធាតុគីមីដែលមិនច្បាស់លាស់មួយ ដែលកើតមាននៅក្នុងរាងកាយដោយធម្មជាតិ ដោយវានឹងធ្វើឲ្យមានការខូចខាតកោសិកា និងអាចបង្កជាជំងឺបេះដូង ថ្លើម និងមហារីក។ សារធាតុប្រឆាំងអុកស៊ីតកម្មធម្មជាតិ ទាំងអស់នេះ គឺមិនអាចរស់នៅក្នុងចំណីអាហារដែលចំអិនយ៉ាងឆ្អិននោះឡើយ ផ្ទុយទៅវិញការប្រើប្រាស់វិធីសាស្ត្រផ្អាប់មករក្សារទុក្ខចំណីអាហារទាំងអស់នេះ នឹងធ្វើឲ្យពួកវានៅមានជីវិតបាន។

• ជំនួយដល់ប្រព័ន្ធរំលាយអាហារ

Probiotic គឺជាពពួកមីក្រុប (ល្អ)មានជីវិត ដែលរស់នៅក្នុងបំពុងប្រព័ន្ធរំលាយអាហាររបស់យើង។ ការប្រើប្រាស់នូវថ្នាំផ្សះ បូករួមជាមួយនឹងទំលាប់ទទួលទានអាហារមិនល្អ នឹងធ្វើឲ្យពពួកមីក្រុប (ល្អ)មានជីវិតងាប់ ដែលជាហេតុបង្ករឲ្យមានបញ្ហាដូចជា ការឆ្លងមេរោគនៅលើទ្វាមាស ជំងឺរាគរូស និងបញ្ហាក្រពះជាដើម។  ការទទួលទានប្រភេទអាហារជ្រក់ដូចជាស្ពៃជ្រក់ ផ្លែឈើជ្រក់ ឬក៏ទឹកដោះគោជូរ (យ៉ាអួ) អាចទុបស្កាត់នូវបញ្ហាសុខភាពទាំងអស់នេះ ដោយសារតែនៅក្នុងប្រភេទអាហារទាំងអស់នេះគឺសំបូរទៅដោយពពួកមីក្រុប (ល្អ)មានជីវិត Probiotic។

ផល់អវិជ្ជមានដល់សុខភាព ដែលយើងនឹងទទួលបានពីការទទួលទានផ្លែឈើត្រាំ និងបន្លែជ្រក់ ៖

• បង្កើនអត្រាប្រឈមនឹងជំងឺមហារីកក្រពះ និងបញ្ហាសំពាធឈាម

ជាធម្មតាការទទួលទាននូវប្រភេទចំណីអាហារជ្រក់ ក្នុងកំរិតមួយសមល្មម នឹងផ្តល់នូវផលប្រយោជន៍ជាច្រើន មកដល់សុខភាពរបស់យើង។ ប៉ុន្តែផ្ទុយទៅវិញ ការមានទំលាប់ទទួលទានប្រភេទចំណីអាហារជ្រក់ដែលមានរសជាតិប្រៃខ្លាំង ឬច្រើនហួសកំរិត អាចបង្កើនអត្រាប្រឈមនឹងជំងឺមហារីកក្រពះ និងបញ្ហាសំពាធឈាម កាន់តែខ្ពស់។

អញ្ចឹង!! ការទទួលទានផ្លែឈើត្រាំ ផ្តល់ផលល្អដល់សុខភាពរបស់យើងដែល ឬទេ?

សំរាប់ចម្លើយទៅនឹងសំណួរនេះគឺ យើងនឹងទទួលបានផល់ប្រយោជន៍ដ៏សុខភាពយ៉ាងច្រើន ពីការទទួលទានផ្លែឈើត្រាំ ឬប្រភេទអាហារជ្រក់ក្នុងកំរិតមួយដែលសមល្មម និងមានរសជាតិមិនប្រៃខ្លាំង។ ដូចនេះដើម្បីកាត់បន្ថយនូវអត្រាប្រឈមជាមួយនឹងគ្រោះថ្នាក់ដល់សុខភាព ដែលបណ្តាលមកពីការទទួលទានប្រភេទអាហារទាំងនេះ យើងគួរតែធ្វើវាដោយខ្លួនឯងផ្ទាល់ ប្រសើរជាងការទិញស្រាប់មកពីខាងក្រៅ។ ការធ្វើចំណីអាហារជ្រក់ដោយខ្លួនឯងគឺមិនមែននជារឿងមួយ ដ៏ពិបាកនោះទេ ម៉្យាងវិញទៀតយើងក៏មិនចាំបាច់ព្រួយបារម្ភទៅលើបញ្ហាអនាម័យ ឬបញ្ហាជាតិគីមីដែលមកពីក្រៅនោះដែរ។