MENU

car
Tag Archive

6725

ការបង្ហាញរូបរាង និងកំលាំងម៉ាស៊ីន ជំនាន់ថ្មីរបស់ LEXUS ម៉ូដែល LS ឆ្នាំ 2018

យានយន្ត

15/01/2017

ដូចតែអ្នកទាំងអស់គ្នា ធ្លាប់បានដឹងមកហើយថា រថយន្តម៉ាក LEXUS ត្រូវបានពេញនិយម និងគាំទ្រយ៉ាងខ្លាំង ពីសំណាក់ប្រជាជនកម្ពុជា ដោយសារតែគុណភាពដ៏ល្អ និងការរចនាម៉ូដដ៏ស្រស់ស្អាតរបស់រថយន្តពីក្រុមហ៊ុនជប៉ុនមួយនេះ។

រូបភាពពីគេហទំព័រ edmunds.com

ភាគច្រើន អ្នកទាំងអស់គ្នាបានស្គាល់ម៉ាក LEXUS នេះ តាមរយៈរថយន្តលំដាប់កំពូល SUV របស់វា នោះគឺ LX 570។ ចំណែកឯសម្រាប់ប្រភេទរថយន្ត sedan ក្រុមហ៊ុន LEXUS បានចាត់ទុកម៉ូដែល LS គឺជាម៉ូដែលប្រណិតកំពូលរបស់ខ្លួន ដោយនៅពេលថ្មីៗនេះ នៅក្នុងការតាំងពិព័រណ៍រថយន្តនៅសហរដ្ឋអាមេរិក ក្រុមហ៊ុនរថយន្តប្រណិតជប៉ុនមួយនេះ បានតាំងបង្ហាញនូវរថយន្តជំនាន់ថ្មីរបស់ម៉ូដែល LS ជាមួយនឹងការដាក់ឈ្មោះថ្មីថា LEXUS LS 500។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

LEXUS LS 500 ឆ្នាំ 2018 គឺជាម៉ូដែលជំនាន់ទី 5 ថ្មីរបស់ត្រូកូល LS ដោយវាត្រូវបានក្រុមហ៊ុនធ្វើការផ្លាស់ប្តូរថ្មីទាំងស្រុងតែម្តង មិនថាទៅលើរូបរាងខាងក្រៅ ខាងក្នុង ឬនៅត្រង់ចំណុចម៉ាស៊ីននោះទេ។ បើយើងត្រឡប់មកនិយាយអំពីម៉ូដែលជំនាន់ចាស់របស់វា LEXUS LS ត្រូវបានគេបែងចែកជាពីរសេរ៊ីទៀត គឺសេរ៊ី LS 460 L ជាមួយនឹងម៉ាស៊ីនសាំងប្រភេទ V8 4.6L  និងសេរ៊ី LS 600H L ជាមួយនឹងម៉ាស៊ីនសាំង hybrid ប្រភេទ V8 5.0L។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

ដោយលែក សម្រាប់ម៉ូដែលជំនាន់ថ្មីនេះវិញ ក្រុមហ៊ុនបានប្រកាសថា នឹងមិនមានការបែងចែករវាងសេរ៊ីតួររថយន្តប្រវែងស្តង់ដា (standard wheelbase) និង សេរ៊ីតួររថយន្តប្រវែងវែង (long wheelbase) ទៀតនោះទេ ពោលគឺរក្សារនៅតែមួយជម្រើសតែប៉ុណ្ណោះ ដែលវាត្រូវបានគេបន្ថែមប្រវែងចំនួន 25 សម ទៅលើតួររថយន្តប្រភេទស្តង់ដា នោះគឺម៉ូដែល LS 500។ រថយន្តម៉ូដែលឆ្នាំ 2018 នេះ មានម៉ាស៊ីនប្រភេទសាំង Twin turbo-charged V6 3.5L វាត្រូវបានក្រុមហ៊ុនធ្វើការអះអាងថា អាចបង្កើនសន្ទុះល្បឿនពី 0- 100 គម/ម៉ ចំណាយរយៈពេលត្រឹមតែ 4.5 វិនាទីតែប៉ុណ្ណោះ ហើយពួកគេក៏បានបន្ថែមផងដែរថា រថយន្តជំនាន់ថ្មីនេះ គឺមានថាមពលខ្លាំង និងស៊ីសាំងតិចជាងម៉ូដែល LS 460 ជំនាន់មុនរបស់វា។ សម្រាប់ជម្រើសម៉ាស៊ីន hybrid និងកញ្ចប់បន្ថែម F sport វិញ យើងនៅមិនទាន់បានទទួលពត៌មានអ្វីនោះទេ ប៉ុន្តែវាអាចទំនងនឹងត្រូវបានក្រុមហ៊ុនប្រកាសដាក់តាំងជាផ្លូវការនៅពេលឆាប់ៗខាងមុខនេះដែរហើយ។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

 

ជាមួយនឹងការផ្លាស់ប្តូរថ្មី និងការដាក់បញ្ចូលនូវបច្ចេកវិទ្យាជំនាន់ក្រោយបង្អស់របស់ LEXUS រថយន្តប្រណិតលំដាប់កំពូលម៉ូដែល LS 500 ឆ្នាំ 2018 មួយនេះ អាចត្រូវបានក្រុមហ៊ុនធ្វើការតម្លើងតម្លៃ បើប្រៀបធៀបជាមួយនឹងម៉ូដែលឆ្នាំចាស់របស់វា។ ដោយលែក បើយើងធ្វើការប្រៀបធៀបវា ជាមួយនឹងម៉ូដែលរថយន្តប្រណិតដ៏ទៃទៀតរបស់អាល្លឺម៉ង់ដូចជា BMW 7 series ឬក៏ Mercedes- Benz S-class វិញ តម្លៃរបស់វាគួរតែស្ថិតនៅក្នុងចន្លោះរវាង $75,000 ដល់ $95,000 ដុល្លាសហរដ្ឋអាមេរិក ហើយការដាក់លក់របស់រថយន្តនេះនឹងចាប់ផ្តើមនៅចុងឆ្នាំ 2017 នេះហើយ។

វីដេអូបង្ហាញពីរថយន្ត LEXUS LS 500 ឆ្នាំ 2018

 

អានបន្ត

4975

LEXUS គ្រោងនឹងអភិវឌ្ឍន៍បន្ថែមរថយន្តកៅអី 3 ជួរ សម្រាប់ម៉ូដែល RX

យានយន្ត

13/01/2017

បន្ទាប់ពីការទទូចស្នើរសុំ និងការរំពឹងទុក អស់រយៈពេលជាច្រើនខែ ពីសំណាក់អ្នកលក់ចែកចាយរថយន្ត និងអ្នកគាំទ្ររបស់ខ្លួន ជាចុងក្រោយក្រុមហ៊ុន LEXUS ក៏បានសម្រេចចិត្តថា នឹងបញ្ចេញនូវគម្រោងការ អភិវឌ្ឍន៍បន្ថែមរថយន្តកៅអីបីជួរ សម្រាប់ម៉ូដែល SUV ធុនកណ្តាល ដ៏ល្បីល្បាញរបស់ខ្លួន នោះគឺ ម៉ូដែល RX។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

តាមរយៈ សំដីអ្នកចាត់ការទូទៅរបស់ក្រុមហ៊ុន LEXUS បានប្រាប់ឲ្យដឹងពីមូលហេតុ ដែលក្រុមហ៊ុនបានធ្វើការសម្រេចចិត្តនេះ គឺដោយសារតែ កន្លងមកមានការទទូចស្នើសុំយ៉ាងច្រើនពីឃ្លាំងលក់រថយន្ត និងជាពិសេសពីអ្នកគាំទ្ររបស់ខ្លួន ដោយពួកគេទាំងនោះសុទ្ធតែបានគិតថាម៉ូដែល RX នេះនឹងកាន់តែអស្ចារ្យ និងកាន់តែត្រូវប៉ាន់ នៅពេលដែលវាមានកៅអី 3 ជួរ។

រូបភាពពីគេហទំព័រ edmunds.com

ទោះបី ជាម៉ូដែលនេះត្រូវបានបន្ថែមកៅអីមួយជួរទៀតក៏ដោយ ក៏ឈ្មោះម៉ូដែលនេះ នឹងមិនត្រូវបានធ្វើការប្តូរអ្វីច្រើននោះទេ ហើយថ្មីៗ ក្រុមហ៊ុនទើបតែបានដាក់ពាក្យស្នើរសុំដាក់ឈ្មោះ RX 350L និង RX 450hL ទៅក្នុងបញ្ជីរពាណិជ្ជកម្មរបស់ពួកគេដែរ សម្រាប់ម៉ូដែលទាំងពីររបស់ RX នេះ។ សម្រាប់ប្រភេទ និងកំលាំងម៉ាស៊ីនវិញ គឺនៅដូចដើមដដែល ដូចទៅនឹងម៉ូដែលឆ្នាំចាស់របស់ខ្លួនអីញ្ចឹង គឺប្រភេទម៉ាស៊ីន V6 និង hybird។

ក្រៅពីនេះ ក្រុមហ៊ុនក៏បានប្រកាសឲ្យដឹងដែរថា ម៉ូដែលកៅអី 3 ជួររបស់ LEXUS RX នេះ នឹងចាប់ផ្តើមធ្វើការដាក់លក់នៅចុងឆ្នាំ 2017 ឬដើមឆ្នាំ 2018 ខាងមុខនេះហើយ ជាមួយនឹងតម្លៃចន្លោះពី $45,000 ទៅ$50,000 ដុល្លាសហរដ្ឋអាមេរិក។

 

អានបន្ត

3892

រថយន្ត Kia Stinger ឆ្នាំ 2018 មានរូបរាងបែបស្ព័រយ៉ាងឡូយ មិនចាញ់ Porsche ឬ Maserati នោះទេ

យានយន្ត

09/01/2017

ជាធម្មតា រថយន្តដែលមានទ្វារបួន ជាមួយនឹងរូបរាងបែបស្ព័រ គឺមានតម្លៃខ្ពស់បន្តិច សម្រាប់អ្នកដែលមានលទ្ធិភាពនៅមានកម្រឹត ដោយសារតែរថយន្តប្រភេទនេះ ភាគច្រើនត្រូវបានផលិត ដោយក្រុមហ៊ុនរថយន្ត ប្រណិត ដូចជា Porsche, Audi, BMW ឬ Maserati ជាដើម។  ដោយលែក នៅពេលថ្មីៗនេះ ក្រុមហ៊ុនរថយន្ត កូរ៉េ ដែលមានឈ្មោះល្បីល្បាញ ដោយសារគុណភាព និងតម្លៃដ៏សមរម្យ Kia បានដាក់បង្ហាញនូវ ប្រភេទរថយន្តស្ព័រទ្វារបួនរបស់ខ្លួន ដែលមានឈ្មោះថា Kia Stinger ដើម្បីធ្វើការត្រៀមខ្លួន ក្នុងការប្រកួតប្រជែងជាមួយក្រុមហ៊ុនរថយន្តប្រណិតដ៏ទៃ នៅក្នុងឆ្នាំ 2018 ខាងមុខនេះ។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

Kia Stinger គឺជារថយន្តគំរូរបស់កូរ៉េ ដែលទទួលបានការសហការក្នុងការរចនាម៉ូដ និងផលិតឡើងនៅក្នុងប្រទេសអាល្លឺម៉ង់។ តាមរយៈរថយន្តគំរូនេះ យើងសង្កេតឃើញថា ការរចនាម៉ូដរបស់វាមានរូបរាងចង្កៀងខាងមុខ ស្រដៀងគ្នាទៅនឹងរថយន្ត Subaru brz ឬ Toyota 86 គ្រាន់តែវាមើលទៅកាចជាង។ សម្រាប់ផ្នែកតួរ និងដំបូលរថយន្តខាងក្រោយវិញ អ្នកទាំងអស់គ្នាប្រាកដជាគិតទៅដល់រថយន្ត Audi A7 ហើយ និង ជាមួយចង្កៀងខាងក្រោយវិញមើលទៅស្រដៀងគ្នាទៅនឹងចង្កៀងរបស់រថយន្ត Maserati ដែរ។ ក្រៅពីនេះសម្រាប់ចំណុចដ៏ទៃទៀតដូចជាប៉ាណាខាងមុខ កាង និងស៊ីម៉ាំង គឺមានលក្ខណៈដើមដូចទៅនឹងម៉ូដែលប្រណិតដ៏ទៃរបស់ខ្លួន ពោលការរចនាម៉ូដ រថយន្តម៉ូដែលថ្មីរបស់ Kia នេះ មើលទៅគួរឲ្យទាក់ទាញយ៉ាងខ្លាំង។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

ងាកមកមើល ការរចនាម៉ូដខាងក្នុងរបស់វាវិញ គឹវាមានរូបរាងលក្ខណៈស្ព័រប្រណិត ដោយភាគច្រើនប្រើប្រាស់ដោយស្បែក និងអាលុយមីញ៉ូម ហើយបើយើងសង្កេតមើលមួយភ្លែត នៅត្រង់ចំណុចតាបឡូ របស់វាវិញ យើងនឹងគិតថា វាហាក់បីដូចជាផ្នែកខាងក្នុងរបស់រថយន្ត Mercedes- Benz អញ្ចឹងដែរ ជាមួយនឹងអេក្រង់ Touchscreen ផុសចេញពីតាបឡូ និងប្រហោងម៉ាស៊ីនត្រជាក់ដែលមានរូបរាងមូល ចំនួនបីនៅត្រង់ចំណុចកណ្តាល។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

Kia Stinger គឺជាប្រភេទរថយន្ត បើកបរដោយប៉ុងក្រោយ RWD ជាមួយនឹងជម្រើសម៉ាស៊ីនចំនួនពីរប្រភេទគឺ Turbo I4 2.0L និង Turbo V6 3.3L ដោយវាអាចមានសមត្ថភាពបង្កើនល្បឿនពី 0 ទៅ 100 គម/ម៉ ក្នុងរយៈពេល 5.1 វិនាទី និងល្បឿនកំពូលរបស់វា អាចឡើងទៅដល់ 269 គម/ម៉។

រូបភាពពីគេហទំព័រ edmunds.com

ចុងក្រោយ សម្រាប់តម្លៃវិញ ក្រុមហ៊ុននៅមិនទាន់ ប្រកាសឲ្យដឹងនូវតម្លៃជាផ្លូវការនៅឡើយទេ ប៉ុន្តែវាអាចស្ថិតនៅតម្លៃចន្លោះពី $40,000 ទៅ $50,000 ដុល្លា សហរដ្ឋអាមេរិក។

វិដេអូបង្ហាញពីរថយន្ត Kia Stinger ឆ្នាំ 2018

 

អានបន្ត

5976

មូលហេតុដែលអ្នកមិនគួរទិញរថយន្តបុកយកមកប្រើប្រាស់

យានយន្ត, សង្គម

07/01/2017

ដោយសារតែ រថយន្តធ្លាប់ត្រូវបានបុក ឬខូចខាតក្នុងគ្រោះថ្នាក់ចរាចរណ៍ មានតម្លៃថោក វាត្រូវបានឈ្មួញយកទៅជួសជុលវិញយ៉ាងល្អ ដែលជាហេតុធ្វើឲ្យអ្នកទិញ ដែលពុំមានជំនាញ មួយចំនួនមិនអាចកំណត់បានថា រថយន្តទាំងអស់នោះធ្លាប់ត្រូវបានបុកនោះទេ។ ក្រៅពីនេះ ក៏មានបងប្អូនយើងមួយចំនួនទៀត បានសម្រេចចិត្ត ក្នុងការទិញយករថយន្តបុក មកប្រើប្រាស់ដោយសារតែ ពួកគាត់គិតថាវាមានតម្លៃថោកជាង និងបន្ទាប់ពីជួសជុលរួច វាអាចចំណេញជាងរថយន្តមូល ឬថ្មី។ ក៏ប៉ុន្តែ សម្រាប់ការពិតវិញ គឺវាមិនអាចចំណេញដូចទៅនឹងអ្វី ដែលពួកគាត់បានរំពឹងទុកនោះទេ។

រូបភាពពីគេហទំព័រ edmunds.com

ខាងក្រោមនេះ គឺជាមូលហេតុចម្បងមួយចំនួន ដែលអ្នកត្រូវគិតឲ្យបានច្បាស់លាស់ មុននឹងសម្រេចចិត្តថា នឹងត្រូវទិញរថយន្តបុក យកមកប្រើប្រាស់ ព្រោះថា ការសម្រេចចិត្តបែបនេះមិនមែនជារឿងមួយ ដែលល្អប្រសើរសម្រាប់អ្នក និងអ្នករួមដំណើរជាមួយអ្នកនោះទេ៖

មិនមានការធានាត្រឹមត្រូវ

ពិតណាស់ បើយើងប្រៀបធៀប រថយន្តបុក ជាមួយនឹងរថយន្តថ្មី ឬមូល គឺរថយន្តបុក មិនត្រូវបានទទួលការធានា ឬសេវ៉ាកម្មជួសជុលអ្វី ពីក្រុមហ៊ុនផលិតរថយន្តនោះទេ ពីព្រោះ បន្ទាប់ពីការជួសជុលរថយន្ត ដោយសារការបុកទង្គិចនៅក្នុងគ្រោះថ្នាក់ចរាចរណ៍ ឬខូចខាតដោយសារទឹកលេច រាល់ការធានារ៉ាប់រងទាំងឡាយ ពីក្រុមហ៊ុនលក់រថយន្ត ត្រូវចាត់ទុកជាអាសាបង់។ លើសពីនេះទៅទៀត ការប្រើប្រាស់នូវប្រភេទរថយន្តបុក ក៏អាចនឹងពិបាក ក្នុងការការស្នើរសុំទិញធានារ៉ាប់រងគ្រោះថ្នាក់ចរាចរណ៍ ពីក្រុមហ៊ុនធានារ៉ាប់រងផងដែរ ពីព្រោះបើតាមច្បាប់ក្នុងប្រទេសធំៗមួយចំនួន រាល់រថយន្តដែលធ្លាប់បុកទង្គិចធ្ងន់ធ្ងរ នៅក្នុងគ្រោះថ្នាក់ចរាចរណ៍ គឺមិនត្រូវបានអនុញ្ញាតិឲ្យយកមកបើកបរនៅលើផ្លូវសាធារណៈនោះទេ។

រូបភាពពីគេហទំព័រ edmunds.com

តម្លៃសម្រាប់ការជួសជុល អាចថ្លៃជាងការទិញរថយន្តមូល

តើអ្នកប្រាកដក្នុងចិត្តដែរឬទេ ថារាល់ថ្លៃសេវាជួសជុល និងគ្រឿងបន្លាស់រថយន្ត ដែលអ្នកទិញយកមកផ្លាស់ប្តូរ នឹងមានតម្លៃ ថោកជាងការទិញរថយន្តមូល? ថ្វីបើអ្នកអាចគណនានូវតម្លៃ របស់គ្រឿងបន្លាស់ នៅត្រង់ចំណុច ដែលអ្នកអាចមើលឃើញនឹងភ្នែកបានមែន ប៉ុន្តែ អ្នកមិនអាចគណនាបាននូវចំណុចមួយចំនួនទៀត ដែលអ្នកមិនអាចពិនិត្យឃើញនោះទេ ដូចជាផ្នែកតូចៗ នៅក្នុងម៉ាស៊ីនរថយន្តជាដើម។ ម៉្យាងវិញទៀត នៅក្នុងនោះ ក៏មានគ្រឿងមួយចំនួនមានតម្លៃថ្លៃ ឬតម្រូវឲ្យយើងធ្វើការកម្ម៉ងទិញពីបរទេស ដែលអាចចំណាយពេលវេលារបស់យើងជាច្រើនផងដែរ។

រថយន្តបុកប្រៀបបានដូចជាកែវបែកអញ្ចឹង

មែនហើយ នៅក្នុងប្រទេសយើង នាពេលបច្ចុប្បន្ននេះ សម្បូរទៅដោយជាងដែលមានជំនាញ និងថ្វីដៃល្អ ក្នុងការជួសជុលរថយន្ត មិនថាការបាញ់ថ្នាំ តោនតួររថយន្ត ឬក៏ជួសជុលផ្នែកម៉ាស៊ីននោះទេ សុទ្ធតែជារឿងដែលពួកគាត់អាចធ្វើបានយ៉ាងល្អ។ ប៉ុន្តែ រថយន្តដែលធ្លាប់ត្រូវបានបុកទង្គិចធ្ងន់ធ្ងរ គឺប្រៀបបានដូចទៅនឹងកែវបែកអញ្ចឹងដែរ ព្រោះថាមានចំណុចមួយចំនួន ទោះបីជាយើងជួសជុលវាបានល្អយ៉ាងណាក៏ដោយ ក៏វាមិនអាចល្អពេញលេញ និងផ្តល់ឲ្យយើងនូវសុវត្ថភាពគ្រប់គ្រាន់ ដូចទៅនឹងរថយន្តមូល ឬថ្មី នោះទេ។

អានបន្ត

2489

Lamborghini បានប្រកាសថានឹងបំពាក់ម៉ូទ័រអាគុយហាយប្រ៊ីត (Plug-in hybrid) នៅក្នុងម៉ូដែល SUV Urus

យានយន្ត

03/01/2017

កាលពីមួយរយៈមុន យើងទាំងអស់គ្នាតែងធ្លាប់បានឃើញរួចមកហើយ ពីការបែកធ្លាយរូបភាពខ្លះៗរបស់រថយន្ត Lamborghini ប្រភេទ SUV នេះហើយ ក្រៅពីនោះក៏មានលេចចេញនូវពាក្យចចាមអារាម ដែលថាក្រុមហ៊ុននេះ កំពុងនឹងទ្រាមផលិតរថយន្ត ដែលដើរដោយម៉ាស៊ីនអគ្គីសនីផងដែរ។ សម្រាប់ពេលឥឡូវនេះ  ពត៌មានទាំងអស់នេះបានក្លាយជាការពិតហើយ។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

បើតាមពត៌មានពីប្រធានក្រុមហ៊ុនផលិតរថយន្តស្ព័រលំដាប់កំពូលមួយនេះបានឲ្យដឹងថា យើងទាំងអស់គ្នា នឹងបានឃើញការផលិតរថយន្តប្រភេទអគ្គីសនីដំបូងបំផុតរបស់ពួកគេ​ក្នុងពេលឆាប់ៗខាងមុខនេះ ហើយ ដោយវាត្រូវបានគេដាក់ឈ្មោះឲ្យថា LAMBORGHINI URUS។ បន្ថែមពីលើនេះទៀត គាត់ក៏បានបង្ហើបឲ្យដឹងពីប្រភេទម៉ាំស៊ីនដែលនឹងត្រូវបំពាក់នៅក្នុងរថយន្ត ប្រភេទ SUV នេះផងដែរ ដោយវានឹងត្រូវដំណើរការជាមួយនឹងថាមពលអគ្គីសនី ដែលបានមកពីម៉ូទ័រអាគុយហាយប្រ៊ីត បូករួមបន្ថែមជាមួយនឹងប្រភេទម៉ាស៊ីនសាំង twin turbo V8 ដែលមានទំហំ 4.0 លីត្រ ដោយម៉ូដែលនេះ ត្រូវបានផលិតឡើងដើម្បីធ្វើការប្រកួតប្រជែងដណ្តើមយកទីផ្សារប្រភេទរថយន្ត SUV ប្រណិត ជាមួយនឹងរថយន្តម៉ូដែល​ Bentayga របស់ Bentley។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រថយន្ត LAMBORGHINI URUS ត្រូវបានគេរំពឹងទុកថា នឹងចាប់ផ្តើមដាក់លក់នៅក្នុងឆ្នាំ 2018 ខាងមុខនេះ។ សម្រាប់តំលៃនៅលើទីផ្សាររបស់វា យើងនៅមិនទាន់ដឹងនៅឡើយនោះទេ ប៉ុន្តែវាអាចប្រហែលនឹងដាក់លក់នៅក្នុងតំលៃប្រហាក់ប្រហែលនឹង $210,000 ដុល្លាសហរដ្ឋអាមេរិក ហើយសម្រាប់ការផលិតដើម្បីផ្គត់ផ្គង់ទីផ្សារពិភពលោក គឺមានកំណត់ត្រឹមតែ 3,000 គ្រឿងក្នុងមួយឆ្នាំតែប៉ុណ្ណោះ។

អានបន្ត

3312

គ្រោះថ្នាក់ចរាចរណ៍ ដែលអាចបង្កឡើងពីការបើកបរដោយមិនមានស្បែកជើង

យានយន្ត

29/12/2016

រវាងការបើកបរដោយពាក់ស្បែកជើង និងជើងទទេ តើប្រិយមិត្តទាំងអស់គ្នាមានទម្លាប់មួយណាដែរ? សម្រាប់រូបខ្ញុំផ្ទាល់ ខ្ញុំធ្លាប់មានទម្លាប់បើកបរដោយជើងទទេ ដោយកាលពីមុនខ្ញុំតែងមានគំណិតថា ការបើកបរបែបនេះមានលក្ខណៈងាយស្រួលក្នុងការគ្រប់គ្រងល្បឿនរថយន្ត និងវាហាក់បីដូចជាមានភាពស្និទ្ធជាមួយឈ្នាន់រថយន្ត ជាងការបញ្ជាដោយពាក់ស្បែកជើង។ ប៉ុន្តែការគិត និងទម្លាប់មួយនេះត្រូវបានផ្លាស់ប្តូរទាំងស្រុង បន្ទាប់ពីថ្ងៃដែលខ្ញុំរៀបនឹងជួបគ្រោះថ្នាក់ចរាចរណ៍ដោយសារការបើកបរដោយមិនមានស្បែកជើងនេះ ក៏ប៉ុន្តែជាសំណាងល្អ ដែលពេលនោះខ្ញុំបើកបរក្នុងល្បឿនយឺតតែប៉ុណ្ណោះ។

រូបភាពពីគេហទំព័រ edmunds.com

អញ្ចឹង តើមូលហេតុអ្វីដែលថាការបើកបរដោយជើងទទេអាចបង្កឲ្យមានគ្រោះថ្នាក់ចរាចរណ៍បាន?

ដើម្បីឲ្យមានប្រសិទ្ធភាពក្នុងការជៀសពីការប៉ះទង្គិចគ្នា និងការបញ្ឈប់រថយន្តជាបន្ទាន់ រាល់ពេលបើកបរ គឺតម្រូវឲ្យមានប្រព័ន្ធហ្វ្រាំងដែលល្អ ហើយអ្វីដែលសំខាន់ជាងនេះទៅទៀតនោះ គឺសមត្ថភាពក្នុងការប្រតិកម្មឲ្យបានរហ័សទាន់ពេលវេលា និងការបញ្ជូនកំលាំងជើងឲ្យបានគ្រប់គ្រាន់ទៅដល់ឈ្នាន់ហ្វ្រាំង។ សម្រាប់មូលហេតុ ដែលថាការបើកបរដោយជើងទទេអាចបង្កឲ្យមានគ្រោះថ្នាក់ចរាចរណ៍បាននោះ គឺដោយសារតែ៖

  • ការបញ្ជាទៅលើឈ្នាន់ដោយជើងទទេ អាចបង្កឲ្យមានការរអិល នៅពេលដែលជើងរបស់អ្នកមានជាតិសំណើមច្រើនដោយសារការបែកញើស ឬបន្ទាប់ពីអ្នកបានលាងសំអាតជើងរួច
  • បាតស្បែកជើង ដែលធ្វើពីជាតិកៅស៊ូ ជាមួយនឹងក្រឡាដែលមាននៅលើផ្ទៃបាតស្បែកជើង អាចជួយកាត់បន្ថយភាពរអិលក្នុងការបញ្ជាទៅលើទាំងឈ្នាន់ល្បឿន ហ្វ្រាំង ឬអំប្រាយ៉ាហ្ស
  • សម្រាប់ប្រភេទរថយន្តលេខដៃ ជាពិសេសទៅលើរថយន្តម៉ូដែលចាស់ៗ ក្នុងការបញ្ជាទៅលើអំប្រាយ៉ាហ្ស តម្រូវឲ្យប្រើប្រាស់កំលាំង និងទម្ងន់ជើងធ្ងន់ ដូចនេះការពាក់ស្បែកជើងឲ្យបានត្រឹមត្រូ វគឺជារឿងមួយដ៏ចាំបាច់
  • បាតជើងរបស់អ្នកអាចនឹងចាប់ផ្តើមឈឺ ឬឡើងពងបែក នៅពេលដែលអ្នកធ្វើការជាន់ឈ្នាន់ល្បឿន ហ្វ្រាំង និងជាពិសេសនោះគឺឈ្នាន់អំប្រាយ៉ាហ្ស ជាញឹកញាប់នៅពេលបើកបរ ដែលជាហេតុធ្វើឲ្យមានការធ្លាក់ចុះនូវសមត្ថភាព និងប្រសិទ្ធភាពក្នុងការគ្រប់គ្រងរថយន្ត
  • ប្រសិនបើមានគ្រោះថ្នាក់ចរាចរណ៍កើតមានឡើង ការពាក់ស្បែកជើងឲ្យបានត្រឹមត្រូវអាចជួយកាត់បន្ថយនូវការរងរបួសនៅត្រង់ផ្នែកជើង ដោយសារនៅក្នុងករណីគ្រោះថ្នាក់មួយចំនួន គឺអាចមានជាអំបែងកញ្ចក់ដែលធ្វើឲ្យមុតជើង ឬការប៉ះទង្គិចធ្ងន់ធ្ងរ។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

រូបភាពពីគេហទំព័រ edmunds.com

សម្រាប់ប្រភេទស្បែកជើង ដែលអ្នកគួរជ្រើសរើសក្នុងការបើកបរ វាគួរតែជាប្រភេទស្បែកជើង ដែលជាលក្ខណៈខ្លុប ឬក៏ជាស្បែកជើងកីឡាជាដើម។ ជៀសវាងការប្រើប្រាស់នូវប្រភេទស្បែកជើងកែង ឬស្បែកជើងផ្ទាត់ ដោយការប្រើប្រាស់នូវប្រភេទស្បែកជើងទាំងពីរនេះ អាចបង្កឲ្យមានភាពលំបាកក្នុងពេលបើកបរ ធ្វើឲ្យធ្លាក់ចុះនូវសមត្ថភាពក្នុងការប្រតិកម្មឲ្យបានរហ័សទាន់ពេលវេលា និងអាចធ្វើឲ្យរអិលនៅពេលបញ្ជាឈ្នាន់រថយន្តជាដើម។

អានបន្ត

3488

វិធីសាស្ត្រការពារមិនឲ្យពុលរថយន្ត​ដោយមិនចាំបាច់ប្រើថ្នាំ

យានយន្ត, សុខភាព

28/12/2016

អ្នកប្រាកដជាមិនមានអារម្មណ៍សប្បាយរីករាយជាមួយនឹងការធ្វើដំណើរឡើយ ប្រសិនបើអ្នកតែងមានទម្លាប់ពុលរថយន្តនោះ។ ការពុលរថយន្តតែងធ្វើឲ្យយើងមានអារម្មណ៍ថាវិលមុខ មិនស្រួលក្នុងពោះ បែកញើសច្រើន ឬមានការក្អួតចង្អោរជាដើម។ ការប្រើប្រាស់ថ្នាំគ្រាប់ដើម្បីទប់ស្កាត់ការពុលរថយន្ត គឺជាវិធីសាស្ត្រមួយ ដែលប្រជាជនខ្មែរយើងតែងធ្វើ ប៉ុន្តែការលេបថ្នាំគ្រាប់ប្រភេទនេះរៀងរាល់ការធ្វើដំណើរ មិនមែនជារឿងមួយដ៏ល្អប៉ុន្មាននោះទេ ដោយវាអាចធ្វើឲ្យប៉ះពាល់ដល់ក្រពះ និងថ្លើមយើងបាន។ ដូចនេះដើម្បីជួយសម្រួលដល់ការធ្វើដំណើររបស់យើង ឲ្យមានភាពរលូន និងមិនមានបញ្ហាជាមួយនឹងការពុលរថយន្ត ខាងក្រោមនេះគឺជាវិធីសាស្ត្រងាយៗមួយចំនួន ដែលអាចជួយយើងបានដោយមិនចាំបាច់ប្រើប្រាស់ថ្នាំគ្រាប់នោះទេ។

 

ជៀសវាងការមើលសៀវភៅ ឬប្រើប្រាស់ទូរស័ព្ទ

រាល់ពេលធ្វើដំណើរតាមរថយន្ត ជាពិសេសប្រភេទរថយន្តគ្រួសារ អ្នកមិនគួរអានសៀវភៅ សម្លឹងទៅស្មាត្រហ្វូន ឬ iPad នោះទេ ព្រោះការផ្តោតអារម្មណ៍ និងចក្ខុរបស់អ្នកទៅលើរបស់ទាំងអស់នោះអាចធ្វើឲ្យអ្នកមានអារម្មណ៍ចង់ក្អួត និងវិលមុខបាន។

រូបភាពពីគេហទំព័រ health.com

 

បើអ្នកមិនដឹងថាគួរធ្វើអ្វីល្អ អ្នកគួរតែគេង

ការគេងនៅពេលដែលធ្វើដំណើរតាមរថយន្ត ឬទូក គឺជារឿងមួយដ៏ល្អ ប្រសិនបើអ្នកតែងមានទម្លាប់ពុលនោះ។ នៅពេលដែលយើងធ្វើការបិទភ្នែក ភ្នែករបស់យើងនឹងមិនទទួលការរំខានពីសកម្មភាព និងរូបភាពផ្សេងៗ ដែលធ្វើឲ្យយើងវិលមុខនោះទេ។ តែប្រសិនបើអ្នកមិនងងុយនោះ ការគ្រាន់តែបិទភ្នែកក៏អាចជួយអ្នកមិនឲ្យពុលរថយន្តផងដែរ។

រូបភាពពីគេហទំព័រ health.com

 

ជ្រើសរើសកន្លែងអង្គុយជួរមុខ

ជម្រើសដ៏ប្រសើរបំផុតនោះគឺ អ្នកគួរតែបើកបរថយន្តដោយខ្លួនឯង ព្រោះកៅអីអ្នកបើកបរគឺជាចំណុចមួយ ដែលល្អបំផុតសម្រាប់អ្នកដែលតែងពុលរថយន្ត។ ក្រៅពីនេះ កៅអីអ្នករួមដំណើរជួរខាងមុខក៏ជាកន្លែងមួយដ៏ល្អផងដែរ មូលហេតុគឺដោយសារតែ នៅជួរខាងមុខគឺមានបង្អួចធំទូលាយ ស្រឡះ និងអ្វីដែលសំខាន់បំផុតនោះ គឺផ្នែកខាងមុខនៃរថយន្តមានលំនឹងល្អ មិនសូវជាឃ្លីងឃ្លោងដូចផ្នែកខាងក្រោយនោះទេ។

រូបភាពពីគេហទំព័រ health.com

 

បើកបង្អួច

មានមនុស្សមួយចំនួនតែងពុលរថយន្ត ដោយសារនៅក្នុងរថយន្តទាំងនោះពោរពេញទៅដោយក្លិនទឹកអប់ ក្លិនបារី ឬ ក្លិនពូករថយន្ត ដូចនេះដើម្បីជួយសម្រួលឲ្យខ្យល់អាកាស និងបរិយាកាសនៅក្នុងរថយន្តឲ្យមានភាពស្រស់ស្រាយ និងកាត់បន្ថយបាននូវក្លិនមិនល្អទាំងនោះ អ្នកគួរតែបើកបង្អួចឲ្យអស់ ដើម្បីឲ្យខ្យល់ធម្មជាតិចេញចូលបានគ្រប់គ្រាន់។

រូបភាពពីគេហទំព័រ health.com

 

ការញ៊ាំអាហារ

ជៀសវាងការញ៉ាំអាហារណា ដែលពិបាករំលាយ ឬធ្វើឲ្យអ្នកឆ្អែតខ្លាំង ពីព្រោះអាហារទាំងអស់នោះអាចធ្វើឲ្យអ្នកហល់ ឬចង់ក្អួតនៅពេលធ្វើដំណើរ។ សម្រាប់ចំណីអាហារដែលអាចជួយឲ្យអ្នកធូរស្រាលពីការពុលរថយន្តមានដូចជា ផ្លែឈើដែលមានរសជាតិជូរ ស្ករកៅស៊ូរដែលមានរសជាតិម៉ុងតុល និងមួយទៀតដែលល្អបំផុតនោះគឺខ្ញី ព្រោះក្លិនរបស់ខ្ញីមានប្រសិទ្ធភាពជួយសម្រួលដល់ប្រព័ន្ធដង្ហើម និងប្រព័ន្ធរំលាយអាហាររបស់អ្នកឲ្យបានធូរស្បើយពីការពុលរថយន្តបាន។

រូបភាពពីគេហទំព័រ health.com

អានបន្ត

5977

LEXUS LX 570 ទំនងជានឹងត្រូវបានក្រុមហ៊ុនអភិវឌ្ឍន៍ជំនាន់ថ្មី នៅក្នុងឆ្នាំ 2018

យានយន្ត

24/12/2016

LX 570 ត្រូវបានក្រុមហ៊ុនផលិតរថយន្ត LEXUS របស់ប្រទេសជប៉ុនបានចាត់ទុកថាជាកំពូលរថយន្ត ឬផលិតផលដ៏ល្អ និងប្រណិតផ្តាច់គេប្រចាំក្រុមហ៊ុន សម្រាប់ប្រភេទរថយន្ត SUV។ វាជាការពិតណាស់ដែលថាក្រុមហ៊ុនរថយន្តប្រណិតមួយនេះ បានបញ្ចូលទាំងការរចនាម៉ូដដ៏អស្ចារ្យ បច្ចេកវិទ្យាដ៏ទំនើប បូករួមជាមួយនឹងសុវត្ថភាពដ៏ខ្ពស់ ក្នុងការធ្វើឲ្យរថយន្តមួយនេះត្រូវបានអ្នកនិយមប្រើប្រាស់រថយន្ត SUV គាំទ្រយ៉ាងខ្លាំង ជាពិសេសសំរាប់អតិថិជនដែលមានជីវភាពធូរធារនៅប្រទេសកម្ពុជាយើងតែម្តង។nike air max 97 womens
mens nike air max 90 sale
mens nike air max
new nike air max 2023
nike air max 98
nike air max sale mens
nike air max women
nike air max for sale womens
nike air max cb 94 release dates 2023
nike air max 97 white
nike air max for sale
nike air max sc men’s
nike air max terrascape 90 rattan
nike air max white
new nike air max 2023
nike air max women
nike air max for sale
nike air max kids
womens nike air max 270
nike air max 270
nike air max 270 womens
nike air max shoe
nike air maxes
nike air max 97 white
nike air max sc
nike air max womens
nike air max sc leather
cheap nike air max shoes
nike air max 270 womens sale
nike air max terrascape 90 on feet
nike air max 270
nike air max 270 mens sale
nike air max 90 sale
nike air max new
nike air max 97
new nike air max
mens nike air max 90 sale
nike air max plus
nike air max 90 futura
new nike air max
nike air max 90 womens

រូបភាពតំណាងពីគេហទំព័ររបស់ LEXUS

រូបភាពតំណាងពីគេហទំព័ររបស់ LEXUS

រូបភាពតំណាងពីគេហទំព័ររបស់ LEXUS

កាលពីថ្មីៗនេះ ក្រុមហ៊ុន LEXUS ក៏បានចាប់ផ្តើមចេញលក់ រថយន្ត LX 570 សេរ៊ីឆ្នា 2017 ជាផ្លូវការផងដែរ ដោយវាមិនមានអ្វីប្លែកប៉ុណ្ណានទេ បើប្រៀបធៀបទៅនឹងម៉ូដែលឆ្នាំ 2016 ។ ដោយលែកបើតាមច្បាប់ទម្លាប់របស់ក្រុមហ៊ុន  LEXUS សម្រាប់ម៉ូដែល SUV LX នេះ តែងទទួលបានការអភិវឌ្ឍន៍ជំនាន់ថ្មី រាងរាល់រយៈពេល 10 ឆ្នាំម្តង។ សម្រាប់ម៉ូដែលឆ្នាំ 2017 នេះប្រហែលគឺជាម៉ូដែលចុងក្រោយនៃជំនាន់ទី 3 ហើយបើវាជាការពិតមែននោះ ម៉ូដែលជំនាន់ទី 4 របស់ LEXUS LX ទំនងជានឹងចាប់ផ្តើមចេញលក់នៅក្នុងឆ្នាំ 2018 ខាងមុខនេះ។

រូបភាពតំណាងពីគេហទំព័ររបស់ LEXUS

រូបភាពតំណាងពីគេហទំព័ររបស់ LEXUS

រូបភាពតំណាងពីគេហទំព័ររបស់ LEXUS

ទោះជាយ៉ាងណាក្តី យើងនៅមិនទាន់ប្រកដ និងមានពត៌ច្បាស់ការពីក្រុមហ៊ុន អំពីគម្រងនៃការអភិវឌ្ឍន៍ជំនាន់ថ្មីរបស់រថយន្ត  LEXUS ម៉ូដែល LX នៅឡើយទេ ប៉ុន្តែយើងទាំងអស់គ្នាសង្ឃឹមក្នុងចិត្តថា សម្រាប់ម៉ូដែលជំនាន់ទី 4 នេះ ក្រុមហ៊ុន LEXUS នឹងធ្វើការអភិវឌ្ឍន៍ថ្មីទាំងស្រុង ទៅលើរូបរាងខាងក្រៅ និងខាងក្នុងរបស់រថយន្តម៉ូដែលនេះ បូករួមជាមួយនឹងការបន្ថែមនូវបច្ចេកវិទ្យាសុវត្ថភាព និងកំសាន្តថ្មីៗមួយចំនួនទៀត។ ដោយលែកសម្រាប់ប្រភេទម៉ាស៊ីនវិញ LEXUS អាចនឹងរក្សារទុកប្រភេទម៉ាស៊ីន V8 5.7 L ឲ្យនូវដដែល បើពុំដូនោះទេ ពួកគេទំនងជាប្រើប្រាស់នូវប្រភេទម៉ាស៊ីនថ្មី ដែលមានទំហំ 6.0L ដូចទៅនឹងរថយន្តម៉ូដែល Cadillac Escalade មកជំនួសឲ្យម៉ាស៊ីនចាស់ដែលកំពុងតែប្រើប្រាស់សព្វថ្ងៃ។

អានបន្ត

2823

មូលហេតុបង្កឲ្យរថយន្តឆាបឆេះ និងវិធីបង្ការ

យានយន្ត, សង្គម

20/12/2016

បញ្ហាភ្លើងឆេះ ឬអគ្គីភ័យ គឺជាបញ្ហាមួយដ៏ធំ ដោយនៅពេលដែលវាកើតឡើង វាតែងបង្កឲ្យមានការខូចខាតយ៉ាងច្រើន ទាំងទ្រព្យសម្បត្តិ និងអាយុជីវិត។ ប្រសិនបើយើងមិនមានការប្រុងប្រយ័ត្ននោះទេ​ វាអាចកើតមានឡើងគ្រប់ពេល និងគ្រប់ទីកន្លែង មិនថាទោះជានៅផ្ទះ ឬក៏នៅក្នុងរថយន្តក៏ដោយ។

បើយើងប្រៀបធៀបរថយន្ត ទៅនឹងផ្ទះ យើងអាចនិយាយបានថារថយន្តងាយនឹងទទួលរងការឆាបឆេះ ជាងផ្ទះទៅទៀត នោះគឺដោយសារតែនៅក្នុងរថយន្តសំបូរទៅដោយខ្សែរភ្លើង ដែលមានចរន្ត និងគ្រឿងដែលផ្ទុកទៅដោយប្រេង និងសាំង ម៉្លោះហើយ មានពេលខ្លះទោះបីជាគ្រឿងតូចតាចនៅក្នុងរថយន្ត ដូចជាអំពូលជាដើម ក៏អាចបង្កឲ្យមានភ្លើងឆាបឆេះផងដែរ។ សម្រាប់ខាងក្រោមនេះគឺជាមូលហេតុ ដែលអាចបង្កឲ្យមានភ្លើងឆាបឆេះរថយន្ត៖

 

ការប៉ះទង្គិចធ្ងន់ធ្ងរ

ការប៉ះទង្គិចគ្នាធ្ងន់ធ្ងរនៅក្នុងករណីគ្រោះថ្នាក់ចរាចរណ៍ គឺជាមូលហេតុមួយដែលតែងតែបណ្តាលឲ្យមានការឆេះ ឬផ្ទុះរថយន្ត។ ទាំងអស់នេះ គឺដោយសារតែនៅពេលរថយន្តទទួលសំពាធខ្លាំងក្លាពីការប៉ះទង្គិចគ្នា វាអាចនឹងធ្វើឲ្យមានការលេចធ្លាយធុងសាំង ឬក៏ដាច់ខ្សែរភ្លើង ដែលវាអាចបង្កឲ្យមានជាអគ្គីភ័យតែម្តង។

រូបភាពពីគេហទំព័រ edmunds.com

 

ការលេចប្រេង ឬបញ្ហាឆ្លងចរន្តភ្លើង

អគ្គីភ័យនឹងកើតមានឡើង នៅពេលដែលយើងយកប្រេង ឬសាំង មកបូកជាមួយនឹងផ្កាភ្លើង ឬចរន្តភ្លើង។ បញ្ហាលេចធ្លាយប្រេង ឬបញ្ហាឆ្លងចរន្តភ្លើង គឺជារឿងមួយដែលតែងកើតមានជាញ៉ឹកញ៉យទៅលើរថយន្ត ដោយបញ្ហាទាំងនេះអាចកើតមានឡើងដោយសារអាយុការរបស់រថយន្ត ការមិនបានថែរក្សាររថយន្តឲ្យត្រឹមត្រូវ ការកែច្នៃរថយន្តឲ្យខុសពីស្តង់ដា ឬក៏បណ្តាលមកពីបញ្ហាខុសបច្ចេកទេសផ្សេងទៀតជាដើម។ មានករណីមួយចំនួនធំនៃការឆេះរថយន្ត សុទ្ធតែបណ្តាលមកពីការលេចប្រេង និងបញ្ហាឆ្លងចរន្តភ្លើងនេះតែម្តង។

រូបភាពពីគេហទំព័រ edmunds.com

រូបភាពពីគេហទំព័រ edmunds.com

 

ការកើនកំដៅហួសហេតុរបស់សម្បកស៊ីម៉ាំង Catalytic Converters

រាល់ពេលដែលរថយន្តចាប់ផ្តើមដំណើរការ ប្រព័ន្ធស៊ីម៉ាំងរបស់រថយន្តក៏ចាប់ផ្តើមបង្កើនកំដៅ ក្តៅទៅៗដូចគ្នា។ នៅពេលដែលរថយន្តរបស់អ្នកមានអាយុកាលចាស់ពេក ឬក៏ធ្លាប់ត្រូវបានកែច្នៃខុសបច្ចេកទេស នៅត្រង់ចំណុចមួយចំនួនដូចជាបាតក្រោមរថយន្ត និងកាងអាចត្រូវបានរលាយ និងឆាបឆេះដោយសារកំដៅសម្បកស៊ីម៉ាំង Catalytic Converters នេះ ដែលវាអាចបង្កជាគ្រោះអគ្គីភ័យដល់រថយន្តរបស់អ្នកផងដែរ។

រូបភាពពីគេហទំព័រ edmunds.com

 

ការកើនឡើងហួសកម្រឹតនៃកំដៅរថយន្ត

តើអ្នកធ្លាប់ដែលចាប់អារម្មណ៍ទៅលើនាឡិការកំដៅរថយន្តដែរឬទេ? នៅពេលដែលម៉ាស៊ីនរថយន្តមានកំដៅខ្លាំងហួសកម្រឹតនោះ វាអាចធ្វើឲ្យសារធាតុរាវមួយចំនួន​នៅក្នុងរថយន្ត ដូចជាទឹករក្សារកំដៅរថយន្ត ចាប់ផ្តើមពុះក្តៅខ្លាំង ហើយលេចចេញមកក្រៅ។ ម៉្យាងទៀត ប្រសិនបើសារធាតុរាវទាំងនោះ ទៅប៉ះនឹងផ្នែកផ្សេងៗរបស់រថយន្ត វាអាចនឹងធ្វើឲ្យមានការឆាបឆេះបាន។

រូបភាពពីគេហទំព័រ edmunds.com

 

ការជក់បារីនៅក្នុងរថយន្ត

បើតាមស្តាប់ទៅ វាដូចជាមិនសូវជាគ្រោះថ្នាក់ប៉ុន្មានទេមែនទេ? ប៉ុន្តែប្រសិនបើអ្នកបានទុកចោលកន្ទុយបារី ដែលកំពុងឆេះនៅលើពូក ឬនៅលើព្រុំរថយន្ត ដោយមិនដឹងខ្លួន តើអ្នកអាចប្រាប់បានទេថានឹងមានរឿងអ្វីកើតឡើងបន្ទាប់?

រូបភាពពីគេហទំព័រ edmunds.com

 

វិធីបង្ការមិនឲ្យរថយន្តឆាបឆេះ

ភាគច្រើននៃករណីភ្លើងឆេះរថយន្ត អាចត្រូវបានទប់ស្កាត់បាន ប្រសិនម្ចាស់រថយន្តគ្រប់រូបយកចិត្តទុកដាក់ក្នុងការត្រួតពិនិត្យឲ្យបានត្រឹមត្រូវ និងទៀងទាត់។ ប៉ុន្តែមិនមែនម្ចាស់រថយន្តគ្រប់រូប សុទ្ធតែមានពេលវេលា និងប្រាក់ច្រើនសម្រាប់ការត្រួតពិនិត្យឲ្យបានញ៉ឺកញាប់នោះទេ ដែលជាហេតុធ្វើឲ្យយើងអាចទុកវាចោល រហូតមានពេលខ្លះយើងអាចភ្លេចថាយើងត្រូវត្រួតពិនិត្យអ្វីខ្លះទៀតផង។

ដូចនេះ វិធីសាស្ត្រដ៏ល្អបំផុត គឺការត្រួតពិនិត្យរថយន្ត នៅរាល់ពេលផ្លាស់ប្តូរប្រេងម៉ាស៊ីន ដោយភាគច្រើននៃរថយន្ត សុទ្ធតែមានកាលវិភាគថែរក្សារ និងត្រួតពិនិត្យ រថយន្តយ៉ាងត្រឹមត្រូវពីអ្នកជំនាញរបស់ក្រុមហ៊ុន។ ការត្រួតពិនិត្យទៅតាមកាលវិភាគឲ្យបានទៀងទាត់ អាចជួយកាត់បន្ថយហានិភ័យទៅនឹងបញ្ហាអគ្គីភ័យ និងបញ្ហាម៉ាស៊ីរថយន្ត មួយចំនួនទៀតយ៉ាងមានប្រសិទ្ធភាព។ ក្រៅពីនេះ អ្វីដែលសំខាន់នោះ គឺយើងទាំងអស់គ្នាគួរតែយកចិត្តទុកដាក់ទៅលើនាឡីការស្ទុងកំដៅរថយន្ត ប្រសិនបើនាឡិការនេះបង្ហាញថារថយន្តរបស់អ្នកកំពុងតែក្តៅខ្លាំងពេកនោះ អ្នកមិនគួរបង្ខំបើកបរវាតទៅទៀតនោះទេ អ្នកគួរតែឈប់សម្រាកបន្តិច ដើម្បីឲ្យកំដៅរបស់ម៉ាស៊ីនថយចុះមកធម្មតាវិញ។ ហើយបើសិនជាអ្នកធ្វើដំណើរផ្លូវឆ្ងាយ អ្នកគួរតែឆែកមើលរថយន្តរបស់អ្នកឲ្យបានម៉ត់ចត់ មុននឹងចេញដំណើរ អ្នកអាចស្វែងយល់ថាតើអ្នកគួឆែកមើលអ្វីខ្លះមុននឹងចេញដំណើរផ្លូវឆ្ងាយបានក្នុងអត្ថបទមួយទៀតដោយចុច ទីនេះ

 

 

អានបន្ត

1045

BMW ត្រៀមបង្ហាញនូវបច្ចេកវិទ្យាស្រដៀងគ្នានឹងអេក្រង់កុំព្យូទ័រ 3D ក្នុងរឿង Iron Man នៅឆ្នាំ 2017

បច្ចេកវិទ្យា, យានយន្ត

16/12/2016

កាលពីម្សិលមិញ BMW បានប្រកាសពត៌មានដំបូងអំពី HoloActive Touch ដែលវាគឺជាបច្ចេកវិទ្យាមួយមានភាពស្រដៀងគ្នានឹងអេក្រង់កុំព្យូទ័រ 3D ក្នុងរឿង Iron Man។ HoloActive Touch គឺជាបច្ចេកវិទ្យាថ្មីមួយ ដែលអាចឲ្យយើងធ្វើការបញ្ជារាល់មុខងារមួយចំនួនរបស់រថយន្ត ដូចជាការបញ្ជាទៅលើកម្មវិធីចំរៀង ផែនទី និងប្រព័ន្ធម៉ាស៊ីនត្រជាក់ជាដើម ដោយគ្រាន់តែបញ្ជាតាមរយៈកាយវិការទៅលើពន្លឺអេក្រង់ ដែលផុសអណ្តែតចេញមកពីក្បាលម៉ាស៊ីន ដែលមានទីតាំងនៅចំកណ្តាលរវាងអ្នកកាន់់ចង្កូត និងអ្នករួមដំណើរ។

រូពភាពពីគេហទំព័រ edmunds.com

តាមរយៈពត៌មានខាងលើ យើងអាចនិយាយបានថាបច្ចេកវិទ្យា HoloActive Touch មានភាពខុសប្លែកគ្នាពីមុខងារ Head Up Display ដែលមាននៅលើរថយន្តទំនើបមួយចំនួននាពេលបច្ចុប្បន្ន នៅត្រង់ការបង្ហាញរូបភាពរបស់ Head Up Display គឺនៅលើកញ្ចក់ខាងមុខរបស់រថយន្ត ឬក៏ប្រអប់កញ្ចក់មួយ (សម្រាប់ប្រភេទរថយន្ត Mazda) ដោយលែកសម្រាប់បច្ចេកវិទ្យា HoloActive Touch វិញ គឺវានឹងបង្ហាញឲ្យយើងឃើញបាន និងបញ្ជាលើវាបានដោយមិនចាំបាច់ត្រូវការចំណាំងកញ្ចក់នោះទេ។ ក្រៅពីនេះនៅក្នុងបច្ចេកវិទ្យាជំនាន់ថ្មីនេះ ក៏មានរួមបញ្ចូលផងដែរនូវប្រភេទកាមេរ៉ាដែលមានសមត្ថភាពអាចកំណត់ចំណាំពីក្រយ៉ៅដៃរបស់ម្ចាស់រថយន្តនៅពេលដែលមានការប៉ះពាល់ទៅលើ HoloActive Touch នេះ។

រូពភាពពីគេហទំព័រ edmunds.com

សម្រាប់ពេលឥឡូវនេះ ទោះបីជាបច្ចេកវិទ្យានេះមើលទៅ ដូចជាល្អប្រសើខ្លាំង និងទំនើបក្តី ក៏ប៉ុន្តែយើងនៅមិនទាន់ដឹងច្បាស់ ថាវាពិតជាមានប្រសិទ្ធភាពដល់កំរិតណានោះទេ ព្រោះអីថាវានៅមិនទាន់ចេញជាផ្លូវការឲ្យសារធារណៈជនធ្វើការសាកល្បងនៅឡើយ ហើយសម្រាប់ការដាក់តាំងបង្ហាញជាផ្លូវការរបស់ HoloActive Touch គឺនៅក្នុងពិធីពិព័រណ៍ CES 2017 ខែក្រោយនេះហើយ។

អានបន្ត