កាលពីមុន យើងពិបាកក្នុងការបិត កញ្ចក់ការពារដោយខ្លួនឯង យើងត្រូវទៅអោយគេបិតអោយ ហើយប្រភេទកញ្ចក់វិញមិនសូវមាន ច្រើនប្រភេទឡើយ។ ប៉ុន្តែឥឡូវនេះ យើងអាចទិញអេក្រង់វាមកដោយខ្លួនឯង ដូចនេះលោកអ្នកគួរតែ យល់ដឹងអំពី ប្រភេទកញ្ចក់់់់ទាំងនោះ។

យើងអាចនិយាយបានថា សំរាប់កញ្ចក់បិទអេក្រង់ទូរស័ព្ទគឺមាន 3 ប្រភេទ គឺឺ PET, TPU, និង tempered glass។

កញ្ចក់ PET

PET គឺជាពាក្យកាត់របស់ polyethylene terephthalate ដែលជា ផ្លាស្ចិច ប្រើប្រាស់សំរាប់ធ្វើ ឧបករណ៍ជាច្រើន ដូចជា ទុយោទឹក ឬ ប្រអប់ដាក់អាហារជាដើម។ នៅក្នុងការផលិត អេក្រង់ការពារទូរស័ព្ទ គេបានបំពាក់នូវការការពារ ឆ្កូត។ អ្វីដែលល្អសំរាប់វា គឺកញ្ចក់របស់វាថ្លាល្អ និង ការការពារឆ្កូត ប៉ុន្តែមិនមានការពារ ការប៉ះទង្គិច ឡើយ។ ហើយការការពារឆ្កូតរបស់វាមិនអាចការពារការឆ្កូត ចំពោះរបស់ខ្លះដូចជា ក្រចកដៃ, កាក់ ឬ សោរបាននោះទេ។ ពួកវា មានទំហំទៅតាមទូរស័ព្ទ មានកំរាស់ក្រៅ និងស្តើង  ហើយមានជាប្រភេទទន់ និងរឹង។ អ្វីដែលមិនល្អសំរាប់វាគឺ កញ្ចក់វាឆាប់ប្តូរពណ៌ និងវាអាចចាប់យកនូវជាតិខ្លាញ់ចេញពីម្រាមដៃរបស់អ្នកបានយើងងាយ។

កញ្ចក់ TPU

TPU គឺជាពាក្យកាត់របស់ Thermoplastic polyreuthane វាគឺជាកញ្ចក់ដែលមាន ការការពារ ឆ្កូត, មានភាពស្វិតយឺត, មិនចាប់យកជាតិខ្លាញ់ពីដៃរបស់អ្នកឡើយ, ហើយវាមានគុណភាពល្អជាង កញ្ចក់ PET។ ភាពស្វិតយឺតរបស់វា អាចធ្វើឲ្យស្នាមឆ្កូតដែលកើតឡើងចេញពីរបស់រឹងខ្លះ បាត់បង់ទៅវិញ ហើយប្រែជារាងដូចដើមវិញ ដូចនេះហើយ បើសិនជាមានការឆ្កូតនៅលើកញ្ចក់ប្រភេទនេះ មិនយូរប៉ុន្មានវានឹងត្រលប់មកធម្មតាវិញហើយ។

កញ្ចក់ tempered

កញ្ចក់ Tempered គឺជាកញ្ចក់ដែលល្អមួយក្នុង ប្រភេទកញ្ចក់ទាំងអស់នេះ ព្រោះវាផ្គុំឡើងពី កញ្ចក់ផ្សេងៗ ជាច្រើនជាន់ ជាមួយនិង ស្រទាប់ដែលជួយ ទប់ការប៉ះទង្គិចខ្លាំង និងស្រទាប់ដែលស្រូបខ្លាញ់ និងស្នាមក្រយៅដៃ ហើយម៉្យាងវិញទៀតវាក៏អាចបំបាត់នូវចំណាំងនៃពន្លឺផ្សេងៗដែលធ្វើអោយយើង មានភាពងាយស្រួលក្នុងការមើលផងដែរ។ អ្វីដែលកាន់តែអស្ចារ្យទៀតនោះគឺ អ្នកផលិតបានធ្វើឲ្យស្រទាប់ទាំងនោះសង្កត់ចូលគ្នា ឲ្យមានកំរាស់សល់ត្រឹមតែ 0.4mm តែប៉ុណ្ណោះ។ ម្យ៉ាងវិញទៀត នៅពេលដែលបែក វានឹងបែកជាបំនែកតូចៗ ដូចនេះវាអាចការពារកញ្ចក់ទូរស័ព្ទរបស់អ្នកដែលស្ថិតនៅខាងក្រោមវាបានយ៉ាងមានសុវត្ថភាព។