បន្ទាប់ពីបានលេចចេញតារាងល្បឿននៅលើកម្មវិធី Geekbench រួចមក Nokia D1C បានបន្តចេញនូវលក្ខណៈពិសេសជាច្រើនទៀតរបស់ខ្លួននៅលើកម្មវិធី AnTuTu benchmarking បន្តទៀត ។ កម្មវិធី AnTuTu បានបង្ហាញថាឧបករណ៍នេះបានបំពាក់អេក្រង់ Full HD (1920 x 1080) ដែលមានកាមេរ៉ាក្រោយទំហំ 13MP និងកាមេរ៉ាមុខ 8MP រួមជាមួយអង្គផ្ទូកទិន្នន័យខាងក្នុង 32GB ។
បើតាមកម្មវិធី AnTuTu ក៏បានបង្ហាញទៀតថាវាប្រើប្រាស់បន្ទះឈីប Snapdragon 430 SoC, Ram ទំហំ 3GB និងដំណើរការដោយប្រព័ន្ធដំណើរការ Android 7.0 Nougat ផងដែរ ។
តើប្រិយមិត្តយល់យ៉ាងណាប្រសិនបើ Nokia ប្តូរមកប្រើប្រព័ន្ធដំណើរការ Android ?