យោងទៅតាមរបាយការណ៍មិនច្បាស់ការមួយបានអោយដឹងថា ក្រុមហ៊ុន Samsung គឺកំពុងតែពិភាក្សា ជាមួយក្រុមហ៊ុន AMD និង Nvidia ទៅលើបច្ចេកវិទ្យាក្រាហ្វិច សំរាប់បន្ទះឈីប GPU (Graphics processing unit) ពោលគឺ ក្រុមហ៊ុនកូរ៉េ ចង់បញ្ឈប់ការប្រើ GPU Mali របស់ក្រុមហ៊ុន ARM នៅក្នុងបន្ទះឈីប CPU Exynos របស់ខ្លួន ហើយជំនួសវិញ ដោយប្រើផលិតផលមួយក្នុងចំណោមក្រុមហ៊ុនទាំងពីរ AMD ឬ Nvidia ។
ហើយថ្មីៗនេះក្រុមហ៊ុន Nvidia ក៏បានប្រកាសពី GPU GTX 10-Series ជំនាន់ក្រោយដែលប្រើបច្ចេកវិទ្យាមូលដ្ឋានគ្រឺះ Pascal ដែលមានសមត្ថភាពដ៏ក្លាំងក្លា ។ ចំនែកឯក្រុមហ៊ុន AMD ក៏ត្រូវបានគេដឹងថា នឹងបំពាក់ GPU ជំនាន់ថ្មីរបស់ខ្លូនសំរាប់ម៉ាស៊ីនហ្គេម PS4 Pro ផងដែរ ។ ក្រុមហ៊ុនទាំងពីរសុទ្ធតែជាក្រុមហ៊ុនល្បីឈ្មោះខាងបច្ចេកវិទ្យាក្រាហ្វិច ទាំងកុំព្យូទ័រ និងស្មាតហ្វូន នាពេលបច្ចុប្បន្ន ។
ប្រសិនបើការពិភាក្សានេះបានជោគជ័យ នោះយើងអាចនឹងឃើញ Samsung អភិវឌ្ឍន៍ GPU ថ្មីដែលទទួលបានអាជ្ញាប័ណ្ណ ពី AMD ឬ Nvidia នៅឆ្នាំ 2018 នេះ ។