ស្របពេលដែលមានភាពរីកចំរើននៃសេដ្ឋកិច្ចក្នុងប្រទេសកម្ពុជា ការនាំចូលរថយន្តពីបរទេសក៏មានកំណើនកើនឡើងគួរឲ្យកត់សំគាល់ដែល។ ក្នុងនោះមានប្រភេទរថយន្ត ជាច្រើនម៉ាក ច្រើនសេរីកំពុងតែធ្វើចរាចរណ៏ និង លក់ពាស់ពេញប្រទេស ដែលធ្វើឲ្យយើងពេលខ្លះពិបាកនឹងសំរាច់ចិត្តក្នុងការជ្រើសរើសរថយន្តមួយផ្ទាល់ខ្លួន ឬ សំរាប់ក្រុមគ្រួសារ។ តាមពិតទៅវាមិនមែនជារឿងពិបាកនោះទេ បើយើងមានគំរង និង គោលដៅនៃការប្រើប្រាស់រថយន្តឲ្យបានច្បាស់លាស់ដូចជា៖
ចំនួនប្រាក់ដែលត្រូវចំណាយទៅលើរថយន្ត
នេះជាចំនុចមួយដ៏សំខាន់ដែលយើងត្រូវតែពិចារណារមុននឹងយើងសំរេចចិត្តថាត្រូវទិញរថយន្តណាមួយ។ អ្នកត្រូវចងចាំថា នៅពេលដែលយើងទិញរថយន្តមួយ យើងមិនត្រឹមតែត្រូវចំណាយប្រាក់ទៅលើថ្លៃរបស់រថយន្តនោះទេ នៅមានចំណាយផ្សេងៗទៀតដែលយើងត្រូវចំណាយទៅលើរថយន្តដូចជាថ្លៃបង់ពន្ធប្រចាំឆ្នាំ និង ថ្លៃសេវាជួសជុលជាដើម។
មូលហេតុអ្វីដែលយើងត្រូវការទិញរថយន្ត?
មានមូលហេតុជាច្រើនដែលជំរុញឲ្យយើងត្រូវការទិញរថយន្តមកប្រើប្រាស់ដូចជា ការធ្វើដំណើរផ្លូវឆ្ងាយ ឫ ទៅទីជនបទដែលមានផ្លូវពិបាកបើកបរ ការធ្វើដំណើរជាមួយសមាជិកច្រើននៅក្នុងគ្រួសារ និង ការប្រើប្រាស់រថយន្តដើម្បីដឹកទំនិញជាដើម ។
តើការចំណាយទៅលើប្រេងសាំងគឺជាបញ្ហាធំសំរាប់អ្នកទេ?
នេះក៏ជាចំនុចដ៏សំខាន់មួយដែលទាក់ទងទៅនឹងការជ្រើរើសរថយន្តដែរ។ បើប្រេងសាំងគឺជាបញ្ហាធំសំរាប់អ្នក អ្នកគួរតែជ្រើសរើសប្រភេទរថយន្តណាដែលស៊ីសាំងតិច ឫ ក៏អាចប្រើប្រាស់រថយន្តម៉ាស៊ូតចំនួសសាំងក៏បាន ព្រោះថាតំលៃម៉ាស៊ូតនាពេលបច្ចុប្បន្នគឺមានតំលៃថោកជាងតំលៃប្រេងសាំង។
ខាងក្រោមនេះគឺតារាងបង្ហាញអំពីប្រភេទរថយន្តខ្លះៗដែលពេញនិយមជាងគេ និង តំលៃនៅលើទីផ្សារបច្ចុប្បនរបស់រថយន្ត ដើម្បីឲ្យប្រិយមិត្តទាំងអស់គ្នាមានភាពងាយស្រួលក្នុងជ្រើសរើសរថយន្តទៅតាមលទ្ធភាពដែលមាន។
រថយន្តប្រភេទ TOYOTA Prius ឆ្នាំ 2004 ដល់ ឆ្នាំ 2008។ លោកអ្នកអាចរកទិញបានក្នុងតំលៃចន្លោះពី $10,000 ដល់ $16,000។ ជារថយន្តប្រភេទ sedan ទ្វា 5 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន 4 ទំហំស៊ីឡាំង 1497cc ជាប្រភេទរថយន្តប្រើប្រាស់សាំង និង ថាមពលថ្ម។
រថយន្តប្រភេទ TOYOTA Tacoma ឆ្នាំ 2005 ដល់ ឆ្នាំ 2009។ លោកអ្នកអាចរកទិញបានក្នុងតំលៃចន្លោះពី $15,000 ដល់ $21,000។ ជារថយន្តប្រភេទ Pickup truck ទ្វា 4 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន 4 ទំហំស៊ីឡាំង 2694cc និង ម៉ាស៊ីន V6 ទំហំស៊ីឡាំង 4000cc ជាប្រភេទរថយន្តប្រើប្រាស់សាំង ឬ ម៉ាស៊ូត។
រថយន្តប្រភេទ TOYOTA Camry ឆ្នាំ 2002 ដល់ ឆ្នាំ 2006។ លោកអ្នកអាចរកទិញបានក្នុងតំលៃចន្លោះពី $11,000 ដល់ $16,000។ ជារថយន្តប្រភេទ sedan ទ្វា 4 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន 4 ទំហំស៊ីឡាំង 2357cc ជាប្រភេទរថយន្តប្រើប្រាស់សាំង។
រថយន្តប្រភេទ TOYOTA Corolla ឆ្នាំ 2001 ដល់ ឆ្នាំ 2007។ លោកអ្នកអាចរកទិញបានក្នុងតំលៃចន្លោះពី $11,000 ដល់ $23,000។ ជារថយន្តប្រភេទ sedan ទ្វា 4 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន 4 ទំហំស៊ីឡាំង 1800cc ជាប្រភេទរថយន្តប្រើប្រាស់សាំង។
រថយន្តប្រភេទ TOYOTA Camry និង Camry Hybrid ឆ្នាំ 2007 ដល់ ឆ្នាំ 2009។ លោកអ្នកអាចរកទិញបានក្នុងតំលៃចន្លោះពី $20,000 ដល់ $25,000។ ជារថយន្តប្រភេទ sedan ទ្វា 4 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន 4 ទំហំស៊ីឡាំង 2400cc ជាប្រភេទរថយន្តប្រើប្រាស់សាំង និង ថាមពលថ្ម។
រថយន្តប្រភេទ TOYOTA Highlander ឆ្នាំ 2001 ដល់ ឆ្នាំ 2005។ លោកអ្នកអាចរកទិញបានក្នុងតំលៃចន្លោះពី $15,000 ដល់ $25,000។ ជារថយន្តប្រភេទ SUV ទ្វា 5 អាចផ្ទុកបានចំនួនមនុស្ស 5 ទៅ 7 នាក់ ប្រើប្រាស់ប្រភេទម៉ាស៊ីន 4 ទំហំស៊ីឡាំង 2400cc និង ម៉ាស៊ីន V6 ទំហំស៊ីឡាំង 3000cc ជាប្រភេទរថយន្តប្រើប្រាស់សាំង។
រថយន្តប្រភេទ Lexus RX 300 ឆ្នាំ 1997 ដល់ ឆ្នាំ 2002 ។ លោកអ្នកអាចរកទិញបានក្នុងតំលៃចន្លោះពី $11,000 ដល់ $17,000។ ជារថយន្តប្រភេទ SUV ទ្វា5 អាចផ្ទុកបានចំនួនមនុស្ស 5 ប្រើប្រាស់ប្រភេទម៉ាស៊ីន 4 ទំហំស៊ីឡាំង 2400cc និង ម៉ាស៊ីន V6 ទំហំស៊ីឡាំង 3000cc ជាប្រភេទរថយន្តប្រើប្រាស់សាំង។
រថយន្តប្រភេទ Lexus RX 330 ឬ RX 400h ឆ្នាំ 2003 ដល់ ឆ្នាំ 2006 ។ លោកអ្នកអាចរកទិញបានក្នុងតំលៃចន្លោះពី $27,000 ដល់ $38,000។ ជារថយន្តប្រភេទ SUV ទ្វា 5 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន V6 ទំហំស៊ីឡាំង 3300cc ជាប្រភេទរថយន្តប្រើប្រាស់សាំង និង ថាមពលថ្ម។
រថយន្តប្រភេទ Lexus GS 300 ឆ្នាំ 2006 ។ លោកអ្នកអាចរកទិញបានក្នុងតំលៃចន្លោះពី $27,000 ដល់ $33,000។ ជារថយន្តប្រភេទ sadan ទ្វា 4 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន V6 ទំហំស៊ីឡាំង 3000cc ជាប្រភេទរថយន្តប្រើប្រាស់សាំង។
រថយន្តប្រភេទ Lexus GX 470 ឆ្នាំ 2003 ។ លោកអ្នកអាចរកទិញបានក្នុងតំលៃចន្លោះពី $29,000 ដល់ $40,000។ ជារថយន្តប្រភេទ SUV ទ្វា 5 អាចផ្ទុកបានចំនួនមនុស្ស 5 ទៅ 7 នាក់ ប្រើប្រាស់ប្រភេទម៉ាស៊ីន V8 ទំហំស៊ីឡាំង 4700cc ជាប្រភេទរថយន្តប្រើប្រាស់សាំង។
រថយន្តប្រភេទ TOYOTA Hilux vigo ឬ Hilux Revo ឆ្នាំ 2005 ដល់ ឆ្នាំ 2016។ លោកអ្នកអាចរកទិញបានក្នុងតំលៃចន្លោះពី $17,000 ដល់ $46,900។ ជារថយន្តប្រភេទ Pickup Truck ទ្វា 4 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន V6 ទំហំស៊ីឡាំង 3000cc និង 2800cc ជាប្រភេទរថយន្តប្រើម៉ាស៊ូត។
រថយន្តប្រភេទ Mazda BT-50 ឆ្នាំ 2015។ លោកអ្នកអាចរកទិញបានក្នុងតំលៃ $47,900។ ជារថយន្តប្រភេទ Pickup Truck ទ្វា 4 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន V6 ទំហំស៊ីឡាំង 3200cc ជាប្រភេទរថយន្តប្រើម៉ាស៊ូត។
រថយន្តប្រភេទ Ford Ranger ឆ្នាំ 2016។ លោកអ្នកអាចរកទិញបានក្នុងតំលៃ $40,000 ទៅ $43,000។ ជារថយន្តប្រភេទ Pickup Truck ទ្វា 4 អាចផ្ទុកបានចំនួនមនុស្ស 5 នាក់ ប្រើប្រាស់ប្រភេទម៉ាស៊ីន V6 ទំហំស៊ីឡាំង 3200cc ជាប្រភេទរថយន្តប្រើម៉ាស៊ូត។
ទាំងអស់នេះគឺសុទ្ធសឹងជាសេរីរថយន្តដែលពេញនិយមប្រើប្រាស់ ជាមួយនឹងតំលៃសំរម្យ ហើយម្យ៉ាងវិញទៀតបើយើងប្រើប្រាស់ហើយចង់លក់វិញក៏មានភាពងាយស្រួលក្នុងការរកអ្នកទិញបន្តរផងដែល។