Starbucks គឺជាយីហោហាងកាហ្វេរបស់ក្រុមហ៊ុន Starbucks Corporation ដែលមានដើមកំណើតនៅទីក្រុង Seattle នៃរដ្ឋ Washington សហរដ្ឋអាមេរិក។ Starbucks ជាក្រុមហ៊ុនហាងកាហ្វេធំជាងគេបំផុតនៅក្នុងពិភពលោក ដែលជាគូប្រគួតប្រជែងជាមួយ Costa Coffee របស់ចក្រភពអង់គ្លេស។ Starbucks មានហាងចំនួន 22,766 លក់នៅក្នុង 65 ប្រទេសនិងតំបន់ ក្នុងនោះរួមមាន 12,802 ហាងនៅក្នុងសហរដ្ឋអាមេរិក 1,930 ហាងនៅក្នុងប្រទេសចិន 1,409 ហាងនៅប្រទេសកាណាដា 1,121 ហាងនៅជប៉ុន និង 825 ហាងនៅក្នុងចក្រភពអង់គ្លេស។
សំរាប់នៅប្រទេសកម្ពុជាយើងវិញ យោងតាមគេហទំព័ររបស់ Starbucks បានបង្ហាញឲ្យដឹងថា Starbucks នឹងចាប់ផ្តើមដំណើរការទីតាំងហាងកាហ្វេរបស់គេដំបូងអស់នៅលើទឹកដីព្រះរាជាណាចក្រកម្ពុជាយើង នៅចុងឆ្នាំ 2015 ខាងមុខនេះហើយ។
Starbucks បានជ្រើសរើសទីតាំងចាប់ដំណើរការដំបូងរបស់ខ្លួននៅទីក្រុងភ្នំពេញ នៅត្រង់បរិវេណដែលទើបតែពង្រីករបស់អាកាសយាន្នដ្ឋានភ្នំពេញ។ ម៉្យាងវិញទៀតក្រុមហ៊ុនកាហ្វេមួយនេះក៏មានគំរោងនឹងពង្រីកសាខារបស់គេមួយទៀតនៅកណ្តាលទីក្រុងភ្នំពេញក្នុងដើមឆ្នាំ 2016 ផងដែល។
វាគឺជារឿងមួយដ៏សប្បាយរីករាយសំរាប់អ្នកដែលចូលចិត្តញ៊ាំកាហ្វេ ព្រោះថាកាហ្វេរមួយកែវៗរបស់ Starbucks សុទ្ធតែបានផ្សំឡើងពីគ្រាប់កាហ្វេដែលមានគុណភាពខ្ពស់ និង ឈ្ងុយឆ្ងាញ់។ បើប្រិយមិត្តទាំងអស់គ្នាចង់ដឹងថារស់ជាតិកាហ្វេរ Starbucks ពិតជាឈ្ងុយឆ្ងាញ់ប៉ុណ្ណានោះសូមរង់ចាំទៅភ្លក់ទាំងអស់គ្នានៅក្នុងថ្ងៃចាប់បើកសម្ភោទរបស់ Starbucks នាពេលឆាប់ៗខាងមុខនេះ។