health | KhmerLife.style

ធាត់!!!!!!!!!!!

08/11/2015

ការធាត់ជាបញ្ហាមួយជាចំបងនៅក្នុងសង្គម មិនថានៅបរទេស ឬក៏ប្រទេសកម្ពុជា។ វាអាចធ្វើអោយមានជាផលវិបាកជាច្រើនដល់ខ្លួនឯង ដោយសារតែការកើនឡើងនូវជាតិខ្លាញ់ក្នុងខ្លួន ទាំងក្នុង និង ក្រៅសរសៃរឈាម។ តាមការអង្កេតរបស់អង្គការសុខភាពពិភពលោក វាភាគច្រើនកើតនូវប្រទេសអ្នកមាន ដូចជា បារាំង សហរដ្ឋអាមេរិក ហើយវាកើតលើមនុស្សប្រុសស្រីស្មើគ្នា។ តារាងខាងក្រោមនិងបង្ហាញអំពីភាគរយនៃការធាត់នៅលើពិភពលោក។

ដកស្រង់ចេញពី គេហទំព័រ aho.afro.who.int

នៅក្នុងអត្ថបទនេះខ្ញុំនឹងបកស្រាយអំពីរបៀបមើលថាតើអ្នកធាត់កំរិតណា, មូលហេតុរបស់វា, ផលវិបាករបស់ភាពធាត់ និង វិធីមួយចំនួនដែលអ្នកត្រូវធ្វើដើម្បីកាត់បន្ថយភាពធាត់។

របៀបមើលថាតើលោកអ្នកធាត់កំរិតណា?

គឺគេគណនាBMI

BMI < 19 ស្គម
BMI 19 – 25 ធម្មតា
BMI 25 – 30 លើសទំងន់
BMI 30 – 35 ធាត់កំរិត1
BMI 35 – 40 ធាត់កំរិត2
BMI > 40 ធាត់កំរិត3

តើវាកើតឡើងដោយសារអ្វីខ្លះ?

ដោយសារគ្រួសារ(ហ្សែន)
កត្តាជុំវិញខ្លួនដូចជា ស្ត្រេស ឬ ការមិនបញ្ចេញកំលាំង
កត្តាជីវជាតិ
- ញ៊ាំមិនទៀងទាត់
- ញ៊ាំមិនត្រូវតាមក្បួនខ្នាត
ធាត់ដោយសារមានជំងឺផ្សេងៗដូចជា
- ជំងឺផ្លូវចិត្ត
- ញ៊ាំថ្នាំចិនសែ ឬ ថ្នាំសរសៃច្រើន ដោយគ្មានវេជ្ជបញ្ជា
- កើនអរម៉ូន ផ្សេងៗ

ផលវិបាករបស់វាមានអ្វីខ្លះ?

១. ទៅលើបេះដូង និង សរសៃឈាម

ការស្ទះសរសៃឈាមខួរក្បាល បេះដូង និង អវយិវៈ
ការឡើងសំពាធឈាម
ប៉ះពាល់បេះដូង និង អាចឈានទៅដល់សួត

២. ទៅលើមេតាបូលីស

ចេញជាជំងឺមេតាបូលីស ដូចជា ទឹកនោមផ្អែម
goutte
ឡើងជាតិខ្លាញ់នាំអោយមានខ្លាញ់កក

៣. ទៅលើផ្លូវដង្ហើម

ស្ទះដង្ហើម អាចអោយខ្វះអុកស៊ីស្សែន(O2) និង ឡើងកាបូនឌីអុកស៊ីត(CO2)
SAOS(ជំងឺអត់ដង្ហើមពេលគេង)

៤. ទៅលើ ឆ្អឹង និង សន្លាក់

រលាកសន្លាក់
ឈឺសន្លាក់
ពុកឆ្អឹង

តើអ្នកដែលធាត់គួរធ្វើម្តេចខ្លះ?

ញ៊ាំអាហារកាឡូរីតិចៗ ទៀងទាត់
ហាត់ប្រាណអោយច្រើន
រៀនហាត់ចិត្ត កុំអោយស្ត្រេស កុំអោយមានការគិតច្រើន ព្រោះ ស្ត្រេស អាចអោយអរម៉ូន Corticoid ចេញច្រើន
កាត់បន្ថយកត្តាដែលធ្វើអោយកើតមានជំងឺសរសៃឈាមបេះដូង ( ចង់អានអំពីអត្ថបទ កត្តាដែលធ្វើអោយមានជំងឺសរសៃឈាមបេះដូង សូមចុចទីនេះ)
អាចប្រើប្រាស់ថ្នាំខ្លះបើសិនជាការធាត់នោះក្នុងកំរិតធ្ងន់(ទី៣)

អានបន្ត

Like 2159

គុណសម្បត្តិ និង គុណវិបត្តិ នៃ សូកូឡា

សុខភាព

07/11/2015

ហាហា….តើអ្នកណាខ្លះមិនដែលបានញ៊ាំសូកូឡានោះ? បើប្រាប់ថាមិនដែលដូចជាមិនជឿសោះ ប៉ុន្តែអ្នកជនបទខ្ញុំមិនសូវដឹងទេ។ និយាយពីសូកូឡា ដូចជាឃ្លានម៉េចមិនដឹងទេ ប៉ុន្តែត្រូវបញ្ចប់អត្ថបទមួយនេះសិន។ សូកូឡា គឺជាអាហារមួយ ឬក៏ជាបង្អែមមួយដែល មានពណ៌ខ្មៅ អាចមានពណ៌ស ធ្វើចេញពីគ្រាប់ Theobroma cacao។ អាចមានជាទឹករាវ ឬជាសូកូឡារឹង។ ការធ្វើអោយចេញជាសូកូឡា គឺមិនមែនជាការងាយស្រួលទេ ត្រូវឆ្លងកាត់ដំណាក់កាលជាច្រើន។ អ្នកអាចរកទិញសូកូឡាបានតាមហាង ឬផ្សារទំនើបធំៗ ប៉ុន្តែវាថ្លៃបន្តិច។ ការរកទិញ និង ញ៊ាំសូកូឡាជាការងាយស្រួលទេ ប៉ុន្តែវាជួយ ឬប៉ះពាល់អ្វីដល់យើងខ្លះវាជារឿងចាំបាច់ដែលត្រូវដឹង។

គុណសម្បត្តិ

ផ្អែមឆ្ងាញ់ 😀 សំខាន់វាមានជីវជាតិ មានដូចជា សារជាតិ ស័ង្កសី ប៉ូតាស្យូម….
ជួយកាត់បន្ថយជាតិកូលេសស្តេរូលដោយបង្កើនការផលិត HDL(សារជាតិដែលនាំខ្លាញ់ពីសរសៃរឈាមចូលក្នុងថ្លើមវិញ) និង កាត់បន្ថយ LDL
កាត់បន្ថយសម្ពាធឈាម និង អោយឈាមដើរបានល្អក្នុងសរសៃឈាម
កាត់បន្ថយការប្រឈមមុខនឹងជំងឺបេះដូង
មានសារជាតិ anti-oxydant (ប្រឆាំងនឹងម៉ូលេគុលដែលចល័តក្នុងរាងកាយ)
ការពារស្បែករបស់អ្នកនៅពេលដែលអ្នកនៅក្រោមពន្លឺព្រះអាទិត្យ. ធ្វើអោយស្បែកមានជាតិសំណើម
អាចបង្កើនការចងចាំជំនួយដល់ខួរក្បាល

គុណវិបត្តិ

មានសារជាតិញាណ
មានជាតិកាហ្វេអ៊ីន អាចធ្វើអោយគេងមិនលក់ នៅមិនសុខ
អាចអោយមានជំងឺប្រកាំង (migrain)
ឈីក្បាល…
មានជាតិស្ករច្រើនអាចប្រឈមមុខនឹងជំងឺទឹកនោមផ្អែម

ដូច្នេះការរៀបរាប់ខាងលើនេះបានបង្ហាញថា សូកូឡាមិនមែនល្អទាំងអស់នោះទេ ប៉ុន្តែបើយើងញ៊ាំដោយមានការកំនត់ ឬយូរៗម្តង មិនក៏មិនអាចមានផលប៉ះពាល់ដល់សុខភាពលោកអ្នកទេ។ អ្នកអាចញ៊ាំនៅពេលអ្នកមានអារម្មណ៍ថាខ្វះជាតិស្ករ ពេលដែលអ្នកចង់នៅធ្វើការយប់ ឬ សំរាប់អ្នកដែលស្គមហើយចង់ធាត់ ប៉ុន្តែកុំច្រើនពេក សុខភាពគឺជាបញ្ហាចំបង។

អានបន្ត

Like 746

ញ៊ាំជាតិស្ករច្រើនលើសលប់ពេកអាចធ្វើឲ្យសមត្ថភាពខួរក្បាលអ្នកអន់ថយ យោងតាមការសិក្សានៅសហរដ្ឋអាមេរិក

សុខភាព

02/11/2015

ជាតិស្ករ គឺជាប្រភពថាមពលរបស់ខួរក្បាល ក៏ប៉ុន្តែយោងទៅតាមក្រុមអ្នកវិទ្យាសាស្ត្រនៅឯសហរដ្ឋអាមេរិកបានឲ្យដឹងថា បើយើងទទួលទានជាតិស្ករច្រើនពេក វាអាចធ្វើឲ្យសមត្ថភាពខួរក្បាលរបស់អ្នកចុះអន់ថយ ជាពិសេសទៅលើការចងចាំ និងការរៀននូវអ្វីថ្មីៗ។

ក្រុមអ្នកស្រាវជ្រាវនៅឯមហាវិទ្យាល័យ កាលីហ្វ័រញ៉ា ឡូសអេនជីឡេស (UCLA) បានធ្វើការពិសោធន៍លើសត្វកណ្តុរ ២ ក្រុម ដោយដាក់ជាតិស្ករពោតក្នុងកំរិតជាតិស្ករខ្ពស់ (High-fructose corn syrup) ដែលភាគច្រើនមាននៅក្នុងអាហារ វិចខ្ចប់ ទៅក្នុងទឹកដែលពួកវាផឹកក្នុងរយៈពេល ៦ សប្តាហ៏។ បន្ថែមពីនេះ អ្នកវិទ្យាសាស្ត្រទាំងនោះបានដាក់បញ្ចូលនូវសារធាតុបំប៉នខួរក្បាល អាស៊ីតខ្លាញ់ អូមេហ្គា-3 (brain-boosting Omega-3 fatty acid) ដែលភាគច្រើនរកឃើញនៅក្នុងសាច់ត្រីមួយចំនួនដូចជា ត្រីសាលម៉ុន ត្រីធូណា និងសត្វក្នុងសមុទ្រមួយចំនួនទៀត លាយចូលក្នុងទឹករបស់កណ្តុរមួយក្រុម ខណៈដែលកណ្តុរមួយក្រុមទៀតមានត្រឹមតែទឹកស្ករពោតធម្មតាប៉ុណ្ណោះ។

មុននឹងការធ្វើពិសោធន៍មួយនេះ កណ្តុរទាំងពីរក្រុមត្រូវបានដាក់ឲ្យលេងហ្គេមជញ្ជាំងដែលជាហ្គេមរកផ្លូវចេញពីក្នុងជញ្ជាំងរញ៉េរញ៉ៃ អស់រយៈពេល ៥ ថ្ងៃ ហើយបន្ទាប់ពីធ្វើការពិសោធន៍ដោយឲ្យកណ្តុរទាំងនោះផឹកទឹកស្ករអស់រយៈពេល ៦ សប្តាហ៍មក ពួកវានឹងត្រូវបានដាក់ចូលឲ្យលេងហ្គេមនោះម្តងទៀតដើម្បីកត់សំគាល់នូវភាពខុសគ្នាពីរបៀបដែលពួកវាលេង។

ហ្គេមជញ្ចាំងរកផ្ឡុវចេញរបស់កណ្ដុរ (Maze)

លទ្ធផលនៃការពិសោធន៍នេះបានបង្ហាញឲ្យឃើញថា កណ្តុរដែលផឹកតែទឹកស្ករពោតធម្មតា មិនមានបានទទួលបន្ថែមនូវសារធាតុបំប៉នខួរក្បាលអាស៊ីតខ្លាញអូមេហ្គា-3 គឺមានលក្ខណៈយឺតយ៉ាវក្នុងការរកផ្លូវចេញជាងកណ្តុរដែលទទួលបានសារធាតុបំប៉នខួរក្បាលនោះ។ ក៏ប៉ុន្តែទោះជាយ៉ាងណា កណ្តុរទាំងពីរក្រុមនៅតែមានការលំបាកក្នុងការចងចាំនូវវិធីរកផ្លូវចេញពីហ្គេម ដែលពួកវាបានលេងកាលពី ៦សប្តាហ៍មុនការពិសោធន៍ដូចគ្នាដោយសារតែ កោសិកាខួរក្បាលរបស់ពួកវាមានបញ្ហាក្នុងការទំនាក់ទំនងគ្នា។

បើពិសោធន៍មើលទៅលើខួរក្បាលរបស់កណ្តុរទាំងនោះឲ្យកាន់តែជ្រៅជាងនេះបានបង្ហាញឲ្យឃើញថា ក្រោយការពិសោធន៍នេះ កណ្តុរដែលមិនបានទទួលនូវសារធាតុបំប៉នខួរក្បាល មានផលប៉ះពាល់យ៉ាងខ្លះទៅលើអ័រម៉ូនអាំងស៊ុយលីន (insulin) ដែលជាអ័រម៉ូនដ៏សំខាន់ មានតួនាទីគ្រប់គ្រងជាតិស្ករក្នុងឈាម និងជំនួយដល់ដំណើរការរបស់ខួរក្បាល។ អ័រម៉ូនមួយនេះអាចផ្ទុក និងប្រើជាតិស្ករដើម្បីជំនួយដល់ខួរក្បាលក្នុងការគិត និងបញ្ចេញអារម្មណ៍ផ្សេងៗ ក៏ប៉ុន្តែបើមានជាតិស្ករច្រើនលើសលប់ពេក វាអាចធ្វើឲ្យអ័រម៉ូនមួយនេះបាត់បង់នូវសមត្ថភាពក្នុងការគ្រប់គ្រងជាតិស្ករទាំងនោះ ហើយធ្វើឲ្យមានផលប៉ះពាល់ដល់ការគិត និងការចងចាំជាដើម។

សរុបសេចក្តីមក បើអ្នកទទួលទានជាតិស្ករច្រើនលើសលប់ពេក ដូចជាជាតិស្ករពោតដែលមានកំរិតជាតិស្ករខ្ពស់ (high-fructose corn syrup) ដែលភាគច្រើនរកឃើញមាននៅក្នុងអាហារវិចខ្ចប់ វាអាចប៉ះពាល់ដល់សមត្ថភាពនៃការចងចាំ និងការគិតរបស់អ្នក ក៍ប៉ុន្តែបើអ្នកបន្ថែមនូវសារធាតុបំប៉នអាស៊ីតខ្លាញ់អូមេហ្គា-3 (brain-boosting omega-3 fatty acid) ដែលភាគច្រើនមានក្នុងខ្លាញ់តីដូចជាត្រីសាលម៉ុន និង ត្រីធូណាជាដើម ចូលក្នុងចំណីអាហាររបស់អ្នក នោះយ៉ាងហោចណាស់អ្នកក៏អាចកាត់បន្ថយនូវផលប៉ះពាល់បានខ្លះៗដែរ។

អានបន្ត

Like 4108

វិធី ១៥ យ៉ាងជួយបំបាត់ភាពស្មុគ្រស្មាញតានតឹងក្នុងអារម្មណ៍របស់អ្នក

សុខភាព

23/10/2015

តើអ្នកកំពុងតែមានការមួរម៉ៅហើយអារម្មណ៏របស់អ្នកកំពុងតែគិតថាពិភពលោកទាំងមួលនេះពោរពេញទៅដោយសត្រូវរបស់អ្នកមែនទេ? តើអ្នកកំពុងតែស្ថិតនៅក្រោមសំពាធដ៏ធ្ងន់ធ្ងរមួយ ដែលពិបាកនឹងអត់ធន់ណាស់មែនទេ? តើអ្នកកំពុងតែត្រូវចៅហ្វាយនាយ ឬគ្រួសារស្តីឲ្យមែនទេ? ឥឡូវគឺជាពេលវេលាដើម្បីបន្ធូរអារម្មណ៏របស់អ្នកហើយ។ ខាងក្រោមនេះគឺជាវិធី ១៥ យ៉ាងដើម្បីកាត់បន្ថយភាពស្មុគ្រស្មាញក្នុងអារម្មណ៍អ្នក។

កុំខ្វល់ច្រើនពីអ្វីដែលអ្នកដទៃនិយាយពីអ្នក៖ នៅពេលខ្លះ យើងមានអារម្មណ៏អន់ចិត្ត ឬក៏ស្មុគ្រស្មាញឥតប្រយោជន៍ ដោយសារយើងទទួលយកនូវអ្វីដែលអ្នកដទៃបាននិយាយចំពោះយើង។ ចូរជ្រើសរើស និងពិចារណាឡើងវិញថាអ្វីជាអ្វី ដែលអ្នកអាចទទួលយកបាន ហើយអ្នកទាំងនោះមិនស្គាល់ពីអ្នកច្បាស់ជាងអ្នកស្គាល់ខ្លួនឯងនោះទេ។
សំដែងចេញនូវតំរូវការរបស់អ្នក៖ ការខឹងសម្បាររបស់អ្នកតែងតែកើតឡើងជាញឹកញាប់នៅពេលដែលអ្នកមិនបានទទួលនូវអ្វីដែលអ្នកចង់បាន។ ដូច្នេះហើយ កុំខ្មាស់អៀន! ត្រូវប្រាប់អ្នកដទៃនូវអ្វីដែលអ្នកត្រូវការ និងអ្វីដែលអ្នកចង់បាន។
ធ្វើអារម្មណ៍របស់អ្នកឲ្យស្ងប់៖ ត្រូវស្វែងរកវីធីអ្វីក៏ដោយដែលអ្នកចូលចិត្ត ដែលអាចជួយឲ្យអ្នកលំហែអារម្មណ៏បានស្ងប់ល្អ។ វាអាចជាការតាំងសមាធិ ការភាវនា ការដកដង្ហើមឲ្យវែងៗ ឬការម៉ាស្សាជាដើម។ មនុស្សម្នាក់ៗតែងតែមានវិធីផ្សេងៗគ្នាក្នុងការលំហែអារម្មណ៏នេះ។
ការសំរាកកំសាន្តអារម្មណ៍របស់អ្នក៖ ដោយវិធីណាទៅ? ចេញទៅធ្វើការដំណើរកំសាន្តនៅទីដែលមានទេសភាពល្អការហែលទឹក ការទៅមើលកុន ឬការញុំាអាហារពេលល្ងាចក្រោមពន្លឹភ្លើងទៀនជាដើម អាចធ្វើឲ្យអ្នកភ្លេចពីអារម្មណ៍តានតឹងក្នុងចិត្តអ្នក។ ម្យ៉ាងទៀត អ្នកក៏អាចធ្វើអ្វីដែលមានប្រយោជន៍ផ្សេងទៀតសម្រាប់អ្នកបានផងដែរ ដូចជាការរៀបចំតុបតែងផ្ទះរបស់អ្នកឲ្យបានស្អាតជាមួយនឹងគំនិតដេគ័រថ្មីៗយកពីក្នុងអ៊ីនធឺណេត ឬការអានសៀវភៅក្នុងកន្លែងដែលស្ងប់ស្ងាត់ល្អ និងការស្ដាប់ចម្រៀងជាដើម។ ធ្វើបែបនេះ អ្នកមិនត្រឹមតែបានបន្ធូរអារម្មណ៍ប៉ុណ្ណោះទេ ហើយថែមទាំងទទួលបាននូវផលប្រយោជន៍ផងដែរដូចជាធ្វើឲ្យផ្ទះរបស់អ្នកស្អាតជាដើម។
បង្កើតការកំសាន្តសម្រាប់អ្នក៖ នៅពេលខ្លះការផ្តោតអារម្មណ៏ទៅលើបញ្ហាតែមួយក៏អាចធ្វើឲ្យអ្នកមានភាពស្មុគ្រស្មាញដែរ។ អ្នកត្រូវចេះបង្កើតការកំសាន្តសម្រាប់អ្នកផ្ទាល់ដើម្បីបន្ធូរអារម្មណ៏របស់អ្នក ដូចជាការលេងភ្លេង ការថតរូប គូររូប លេងហ្គេម ញាំអី ឬដើរលេងជាមួយមិត្តភ័ក្ត គេងស្ដាប់ចម្រៀងជាដើម ។ល។
និយាយជាមួយមនុស្សដែលអ្នកទុកចិត្ត៖ ធ្វើការទំនាក់ទំនងជាមួយអ្នកដែលមានអារម្មណ៏ល្អ និយាយទៅកាន់អ្នកទាំងនោះ ឬក៏ស្តាប់ពួកគេនិយាយ ក៏អាចជួយឲ្យយើងបានធូរស្រាលខ្លះដែរ។ ពួកគេអាចជួយឲ្យយើងមានអារម្មណ៍ល្អដូចពួកគេដែរ និងធ្វើឲ្យយើងភ្លេចនូវភាពស្មុគ្រស្មាញក្នុងចិត្តរបស់អ្នកបាន។
បញ្ចេញនូវអារម្មណ៏ពិតរបស់អ្នក៖ ស្វែងរកវិធីដើម្បីសំដែងចេញនូវអារម្មណ៏របស់អ្នក។ អ្នកអាចប្រាប់អ្នកដែលនៅជុំវិញខ្លួនអ្នក ឬក៏សរសេរវានៅក្នុងកំណត់ហេតុប្រចាំថ្ងៃរបស់អ្នក។
ការធ្វើអាទិភាព៖ នៅពេលដែលអ្នកត្រូវធ្វើឲ្យស្មុគ្រស្មាញដោយសារមានកិច្ចការជាច្រើននូវក្នុងបញ្ជីរបស់អ្នក ចូរជ្រើសរើសអ្វីដែលសំខាន់ជាងគេ និងជាកិច្ចការបន្ទាន់ ហើយអ្នកត្រូវតែធ្វើវាមុនគេ។
បង្កើតកាលវិភាគសម្រាប់ខ្លួនងង៖ ទំលាប់អាចជួយឲ្យអ្នកកាត់បន្ថយភាពស្មុគ្រស្មាញរបស់អ្នកបាន។ រៀបចំអ្វីដែលអ្នកនឹងធ្វើក្នុងមួយថ្ងៃៗ អាចកាត់បន្ថយភាពស្មុគ្រស្មាញបើសិនជាអ្នកមានការងារច្រើនត្រូវបញ្ចប់ ហើយវាក៏អាចជួយឲ្យអ្នកមិនភ្លេចនូវកិច្ចការដែលសំខាន់សម្រាប់អ្នក។
និយាយនូវអ្វីដែលមានប្រយោជន៏ទៅលើរូបអ្នកផ្ទាល់ដើម្បីលើកទឹកចិត្តខ្លួនឯង៖ កុំនិយាយពីចំនុចអវិជ្ជមានទៅលើខ្លួនអ្នក និងឈប់មានគំនិតអវិជ្ជមានដូចជា “ខ្ញុំគ្មានតម្លៃអ្វីទាំងអស់ សូម្បីតែតែការងារមួយនេះក៏ខ្ញុំត្រូវគេបដិសេដ” ជាដើម។ បើអ្នកមិនចេះឲ្យតម្លៃខ្លួនឯងទេ គ្មាននរណាឲ្យតម្លៃអ្នកទេ។
លេងកីឡា៖ ការលេងកីឡាគឺជាវិធីដ៏ល្អ ដើម្បីបន្ធូរអារម្មណ៏ស្មុគ្រស្មាញរបស់អ្នក។ អ្នកអាចបញ្ចេញកម្លាំងរបស់អ្នកជំនួសការបញ្ចេញកំហឹងរបស់អ្នកនៅពេលលេងកីឡាបាន។ មិនតែប៉ុណ្ណោះវាក៏អាចជួយឲ្យអ្នក មានសុខភាពល្អផងដែរ។
បរិភោគអាហារដែលមានអត្ថប្រយោជន៏សំរាប់សុខភាពអ្នក៖ ត្រូវប្រាកដថារាងកាយរបស់អ្នក និងខួរក្បាលរបស់អ្នកនឹងទទួលបាននូវអ្វី ដែលវាគួរតែទទួលយក ដូចជាសារជាតិបំពងរាងកាយជាដើម។ ការបំពនរាងកាយ និងខួរក្បាលរបស់អ្នកឲ្យមានសុខភាពល្អអាចធ្វើឲ្យអ្នកងាយមានអារម្មណ៍ល្អ ធ្វើការមានប្រសិទ្ធិភាព និងមិនងាយមានអារម្មណ៍ស្មុគ្រស្មាញ។
សួរខ្លួនរបស់អ្នកដើម្បីដាស់តឿនខ្លួនឯង៖ តើវាជាមានតម្លៃពិតប្រាកដអ្វីបើអ្នកខឹងសម្បារ នៅពេលស្មុគ្រស្មាញ? តើភាពស្មុគ្រស្មាញអាចជួយអ្នកបានទេ? ប្រហែលជាមិនអាចទេ! តើហេតុអ្វីអ្នកធ្វើវា? បើសិនជាអ្នកបណ្ដោយឲ្យភាពស្មុគ្រស្មាញ និងការខឹងសម្បារដឹកមុខអ្នក តើមានផលប៉ះពាល់អ្វីខ្លះដល់ប្រយោជន៍អ្នក?
ព្រឹក្សាជាមួយអ្នកជំនាញ៖ ពេលខ្លះ ការព្រឹក្សាជាមួយអ្នកជំនាញដូចជាអ្នកចិត្តសាស្រ្តដើម្បីជួយអ្នកបំបាត់ចោលនូវអារម្មណ៏អវិជ្ជមានរបស់អ្នកក៏អាចជួយឲ្យអ្នកកាត់បន្ថយភាពស្មុគ្រស្មាញបានផងដែរ។
សរសេរនូវអ្វីដែលជាចំនុចវិជ្ជមាន៖ ទោះបីជាអ្នកមានអារម្មណ៏មិនល្អនៅថ្ងៃនេះក៏ដោយ អ្នកក៏អាចធ្វើឲ្យអារម្មណ៍របស់អ្នកមានភាពស្រស់ស្រាយបានដែរ ដោយស្វែងរកនូវអ្វីដែលអាចកាត់បន្ថយភាពស្មុគ្រស្មាញរបស់អ្នកបាន
និងសរសេរនូវចំនុចវិជ្ជមានទាំងនោះ។

វីធី ១៥ យ៉ាងខាងលើគឺជាគំនិតរបស់ខ្ញុំផ្ទាល់ អ្នកប្រហែលជាមានវិធីផ្សេងក្រៅពីនេះ ដែលមានប្រសិទ្ធិភាពសម្រាប់អ្នកផ្ទាល់ ដូច្នេះបើសិនជាអ្នកចង់ចែករំលែកវិធីកាត់បន្ថយភាពស្មុគ្រស្មាញរបស់អ្នក អ្នកអាចចែករំលែកបានក្នុងប្រព័ន្ធបញ្ចេញយោបល់់ខាងក្រោម។

អានបន្ត

Like 5734

ផលល្អ និង ផលអាក្រក់របស់ កាហ្វេ

សុខភាព

09/10/2015

បន្ទាប់ពីក្រុមការងារយើងខ្ញុំបានរៀបរាប់ពី អ្វីដែលទាក់ទងនឹងស្រាក្នុងអត្ថបទមុនមក ដូច្នេះ យើងបានលើកយកអត្ថបទមួយទៀតស្តីពីកាហ្វេ។ មនុស្សគ្រប់រូប ទោះបីជារស់នៅប្រទេសក្រៅក្តី ក្នុងស្រុកក្តី អ្វីដែលសំខាន់បំផុតនៅពេលព្រលឹមមុនចូលធ្វើការ គឺបានពិសារកាហ្វេមុនជានិច្ច។ កាហ្វេមានប្រភេទជាច្រើន ដូចជា កាហ្វេបៃតង កាហ្វេដែលគ្មានជាតិកាហ្វេអ៊ីន Monsoon កាហ្វេ និងមានប្រភេទកាហ្វេផ្សេងទៀតដែលយើងមិនបានរាប់ចូល។ ទៅតាមកាហ្វេគ្រប់ប្រភេទនេះ មានសារធាតុផ្សេងៗគ្នាដែល អាចធ្វើអោយមានផលផ្សេងៗគ្នា។ ប៉ុន្តែយើងមិនបានលើកយកផលកាហ្វេមួយៗមកទេ គឺយើងលើកយកផលជារួមរបស់កាហ្វេទាំងអស់មកតែម្តង។

កាហ្វេបៃតង

កាហ្វេ Monsoon

ផលល្អរបស់កាហ្វេ

កាហ្វេអាចជំនួយដល់ការធ្វើការ និង ការហាត់ប្រាណ ៖ ការពិសារកាហ្វេមុននឹងហាត់ប្រាណ ឬ ធ្វើការអាចធ្វើអោយ អ្នកមានកំលាំង ព្រោះកាហ្វេវាបាន ភ្ញោចអោយរាងកាយរបស់អ្នកបញ្ចេញនូវសារជាតិ Adrenaline អរម៉ូនដែលអោយលោកអ្នកមានថាមពល។
កាហ្វេធ្វើអោយល្បឿនមេតាបូលីសកាន់តែលឿន បន្សល់ទុកនូវការស្តុកទុក ស្ករ អាចធ្វើអោយកាត់បន្ថយ ការឃ្លាន និង ជំនួយដល់ខួរក្បាលរបស់អ្នក។
កាហ្វេអាចជួយអ្នក សំរកទំងន់ដោយយកជាតិខ្លាញ់ជាសារធាតុសំរាប់ប្រើប្រាស់វិញ
កាហ្វេកាត់បន្ថយជំងឺមហារីកប្រហែល 10 ទៅ 15 %
កាត់បន្ថយការដាច់សរសៃរឈាមខួរក្បាល និង ជំងឺ Parkinson ( ជំងឺដែលធ្វើអោយមនុស្សមានសភាពដូចមនុស្សយន្ត)
កាត់បន្ថយការផ្សំផ្គុំនៃពួក cholesterol កុំអោយក្លាយទៅជា គ្រាប់គ្រួស
កាត់បន្ថយជំងឺក្រិនថ្លើម

ដកស្រង់ចេញពីគេហទំព័រ Medicalnewstoday

ដកស្រង់ចេញពីគេហទព័រ 4q-graphix

ផលអាក្រក់របស់កាហ្វេ

កាហ្វេអាចធ្វើអោយយើងញៀន
ចំពោះកុមារវាអាចបង្កអោយមានភាពមិនប្រក្រតីជាច្រើនដូចជា ដេកមិនលក់ រវើរវាយ
ចំពោះស្ត្រីដែលមានគត៌មិនត្រូវអោយផឹកកាហ្វេទេ អាចបង្កអោយមានគ្រោះថ្នាក់ដល់កូន
កាត់បន្ថយការសំរាន្ត និង ធ្វើអោយម៉ោងដែលដើរនៅក្នុងខ្លួនមនុស្សម្នាក់ៗដើរខុស
បង្កើនស្ត្រេស

នៅពេលណាដែលអ្នកមិនគួរពិសារកាហ្វេ

មិនត្រូវពិសារពេលកំឡុងមានទំងន់
ចំពោះអ្នកជំងឺឡើងសំពាធឈាម អ្នកជំងឺបេះដូង អ្នកជំងឺមានខ្លាញ់ក្នុងឈាម
ចំពោះអ្នកជំងឺដែលមានអាឡែកស៊ីជាមួយ កាហ្វេ
បើអ្នកគិតថាត្រូវដាក់កាហ្វេ មួយកែវដើម្បី កុំអោយងងុយគេង អ្នកអាចប្តូរមកតែជំនួសវិញបាន។

កាហ្វេគឺជាសារជាតិមួយល្អ ក៏ជាសារជាតិដែលអាក្រក់ផងដែរ ដូច្នេះបើសិនជាអ្នកចង់ពិសារវា ហើយចង់មានសុខភាពល្អ អ្នកគួរតែកុំពិសារវាច្រើនហួសកំរិតពេក។ អ្នកអាចប្តូរមកពិសាតែ ឬ ទឹកសុទ្ធធម្មតាក៏អាចអោយអ្នកមានកំលាំង និង បាត់ងងុយ ធ្វើការបានយូរផង។

អានបន្ត

Like 2307

ផលវិជ្ជមានបានមកការទទួលទានគ្រឿងស្រវឹងក្នុងកម្រិតសមស្រប

សង្គម, សុខភាព

07/10/2015

ជាទូទៅអ្នកទាំងអស់គ្នាតែងតែគិតថាការទទួលទានគ្រឿងស្រវឹងអាចផ្តល់នូវផល់មិនល្អ និង ប៉ះពាល់យ៉ាងខ្លាំងដល់សុខភាព។ វាជារឿងពិតប្រាកត់ណាស់ដែលវានឹងផ្តល់នូវបញ្ហាសុខភាពដល់យើងជាច្រើនបើយើងទទួលទានវាហួសកម្រិត។ បើតាមការស្រាវជ្រៀវរបស់វិជ្ជសាស្ត្របានឲ្យដឹងថាការប្រើប្រាស់គ្រឿងស្រវឹងគឺមានលក្ខណៈដូចជាការប្រើប្រាស់ថ្នាំអញ្ចឹងដែរ ពោលវាគឺជាអាវុធមុខពីរ បើយើងប្រើប្រាស់វាហួសប្រមាណនោះវានឹងផ្តល់នូវផល់មិនល្អមកដល់យើង ប៉ុន្តែបើយើងទទួលទានវាក្នុងកម្រិតមួយដែលសមស្របនោះវានឹងផ្តល់ឲ្យយើងនៅផល់ប្រយោជន៍ដល់សុខភាពរបស់យើងជាច្រើន។ ខាងក្រោមនេះគឺជាប្រភេទគ្រឿងស្រវឺង និង ផល់ប្រយោជន៍ដែលបានមកពីការទទួលទានក្នុងកម្រឹតមួយដែលសមស្រប។

នេះគឺជារូបភាពបានមកពីគេហទំព័រ www.talkingalcohol.com

ស្រាបៀរ Beer

ផ្តល់ប្រយោជន៍ដល់បេះដូង៖ តាមការសិក្សារស្រាវជ្រាវនៅប្រទេសអ៊ីតាលីបានឲ្យដឹងថាអ្នកដែលទទួលទានស្រាបៀរគឺមានអត្រាប្រឈមជាមួយនឹងជំងឺបេះដូង 42ភាគរយតិចជាងអ្នកដែលមិនទទួលទានស្រាបៀរ។
ជួយឲ្យឆ្អឹងរឹងមាំ៖ គេបានរកឃើញថានៅក្នុងស្រាបៀរមានផ្ទុកនូវសារជាតិរ៉ែម៉្យាងឈ្មោះថា ស៊ីលីកា ដែលអាចជួយឲ្យឆ្អឺងរបស់យើងរឹងមាំ។ ស៊ីលីកានឹងធ្វើការជាមួយជាតិកាលស្យ៉ូមក្នុងការជួយឲ្យឆ្អឹងរបស់យើងរឹងមាំ និង លូតលាស់បានល្អ។
អាចទប់ស្កាត់ជំងឺទឹកនោមផ្អែម៖ តាមការសិក្សាស្រាវជ្រាវនៅប្រទេសហូឡង់បានរកឃើញថា មានមនុស្សជាង 38.000 នាក់ត្រូវបានគេពិនិត្យដើម្បីកំណត់ថាតើការទទួលទានស្រាបៀរអាចជួយបន្ថយហានិភ័យជំងឺទឹកនោមផ្អែមឬទេ? ការសិក្សានេះបានរកឃើញថាបុរសដែលទទួលទានមធ្យម (មិនលើសពី8 ដបក្នុងមួយសប្តាហ៍ ) មានអត្រាទាបនៃការវិវឌ្ឍន៍ជំងឺទឹកនោមផ្អែម។
ផ្តល់នូវវីតាមីន B៖ វីតាមីន B មានតួនាទីយ៉ាងសំខាន់នៅក្នុងមុខងាររបស់សារពារាងកាយសំខាន់ៗជាច្រើន ដូចជាការរំលាយអាហារ និង ការបំបែកកោសិកាជាដើម។
ជួយថែរក្សាសុខភាពតម្រងនោម៖ ការសិក្សារបស់ប្រទេសហ្វាំងឡង់បានរកឃើញថាការផឹកស្រាបៀរមួយដបជារៀងរាល់ថ្ងៃអាចជួយកាត់បន្ថយការប្រឈមនឹងជំងឺគ្រួសក្នុងតម្រងនោមរហូតដល់ 40%។
ជួយកាត់បន្ថយភាពតានតឹង៖ តាមការសិក្សាស្រាវជ្រាវរបស់សាកលវិទ្យាល័យម៉ុងត្រេអាល់បានបានរកឃើញថាអ្នកដែលមានទំលាប់ទទួលទានស្រាបៀរពីរកែវក្នុងមួយថ្ងៃអាចមានប្រសិទ្ធភាពក្នុងការកាត់បន្ថយកម្រិតនៃភាពតានតឹងបាន។
ប្រឆាំងជាមួយនឹងការឆ្លងមេរោគ និង ជំងឺ៖ ស្រាបៀរក៏អាចជួយបង្កើនអង់ទីគ័រការពាររបស់យើងឲ្យខ្លាំងផងដែរ។ តាមការសិក្សាធ្វើឡើងនៅក្នុងវិទ្យាសាស្ត្រនិងសុខភាពនៅសាកលវិទ្យាល័យរដ្ឋ Oregon បានរកឃើញថា ការទទួលទានស្រាបៀរមួយថ្ងៃមួយកែវទៅពីរកែវជារៀងរាល់ថ្ងៃអាចការពារប្រឆាំងនឹងការឆ្លងមេរោគនិងជំងឺបាន។

នេះគឺជារូបភាពបានមកពីគេហទំព័រ www.talkingalcohol.com

ស្រាវីស្គី Whisky

ការពារមិនឲ្យឡើងទំងន់៖ Whisky គឺជាប្រភេទគ្រឿងស្រវឹងដែលមានការឡូរីទាប ជាពិសេសបើយើងធ្វើការប្រៀបធៀបវាជាមួយនឹងស្រាបៀរ និង ស្រាទំពាំងបាយជូរដែលគេដាក់លក់លើទីផ្សារ។ ម៉្យាងវិញទៀតវាក៏មានផ្ទុកនូវជាតិស្ករក្នុងកម្រិតមួយយ៉ាងតិចផងដែរ។
ផ្តល់ប្រយោជន៍ដល់បេះដូង៖ Whisky មិនត្រឹមតែអាចកាត់បន្ថយហានិភ័យនៃការកកឈាមនោះទេប៉ុន្តែវាអាចនឹងកាត់បន្ថយជំងឺដាច់សរសៃឈាមខួរក្បាល និង ហានិភ័យនៃការគាំងបេះដូងរបស់អ្នកផងដែរ។ សារធាតុប្រឆាំងអុកស៊ីតកម្មនៅក្នុងស្រាវីស្គីអាចបញ្ឈប់កូឡេស្តេរ៉ុលដែលបណ្ដាលឱ្យស្ទះសរសៃឈាមអាក់ទែរបស់អ្នក ហើយក៏វាអាចបង្កើនកម្រិតកូឡេស្តេរ៉ូលល្អរបស់លោកអ្នកផងដែរ។
ប្រឆាំងជាមួយនឹងមហារីក៖ នៅក្នុង Whiskey គឺសំបូរទៅដោយសារធាតុ antioxidants ជាធាតុពិសេសមួយដែលគេស្គាល់ថាជាអាស៊ីត ellagic។ សារធាតុប្រឆាំងអុកស៊ីតកម្មនេះនឹងបញ្ឈប់ DNA នៅក្នុងខ្លួនរបស់អ្នកពីមិនឲ្យប៉ះពាំល់ជាមួយនឹងសមាសធាតុបង្កជំងឺមហារីក ពោលគឺវានឹងអាចកាតបន្ថយហានិភ័យនៃបង្កើតសារជាតិបង្កមហារីក។
បង្កើននៅសម្ថភាពនៃការចងចាំរបស់ខួរក្បាល៖ តាមការសិក្សាដែលធ្វើឡើងនៅក្នុងឆ្នាំ 2003 បានរកឃើញថាការផឹក whiskey អាចបន្ថយហានិភ័យរបស់អ្នកនៃការភ្លេចភ្លាំង និង ជំងឺវង្វេង។ ហើយបើយើងទទួលទានក្នុងកម្រិតមួយដ៏សម្យស្របនោះវាក៏អាចជួយបង្កើនការចងចាំរបស់យើងដែរ។
ជួយកាត់បន្ថយភាពតានតឹង៖ ស្រាវីស្គីអាចជួយកាត់បន្ថយការថប់អារម្ភ និង ស្ត្រេស វាអាចជួយសំរួលសរសៃប្រសាទរបស់អ្នក និង ជួយបន្ធូរអារម្មណ៍រាងកាយរបស់អ្នកផងដែរ។ វាអាចបង្កើនចលនាឈាមរត់ក្នុងរាងកាយ ហើយវាក៏អាចផ្តល់ឲ្យសរីរាង្គរបស់អ្នកជាមួយនឹងឈាមដែលផ្ទុកទៅដោយអុកស៊ីសែន។ ការទទួលទានស្រាវីស្គីមួយ ឬ ពីរកូនកែវអាចជួយរម្ងាប់អារម្មណ៍របស់អ្នកយ៉ាងមានប្រសិទ្ធិភាព។

នេះគឺជារូបភាពបានមកពីគេហទំព័រ www.talkingalcohol.com

ស្រាទំពាំងបាយជូរ Wine

ជួយកាត់បន្ថយហានិភ័យនៃជំងឺទឹកនោមផ្អែមប្រភេទទី 2៖ បើតាមការសិក្សារស្រាវជ្រាវរបស់មជ្ឈមណ្ឌលវេជ្ជសាស្ត្រនៃសាកលវិទ្យាល័យ VU ក្នុងទីក្រុង Amsterdam ក្នុងឆ្នាំ 2005 បានប្រាប់ឲ្យដឹងថា អ្នកដែលមានទំលាប់ទទួលទានស្រាទំពាំងបាយជូរជាមធ្យម ប្រឈមនឹងហានិភ័យក្នុងការវិវត្តទៅជាជំងឺទឹកនោមផ្អែមប្រភេទទីពីរ 30 ភាគរយតិចជាងអ្នកដែលមិនទទួលទាន។
កាត់បន្ថយហានិភ័យនៃជំងឺមហារីកពោះវៀនធំ៖ ការប្រើប្រាស់កម្រិតមធ្យមនៃស្រាទំពាំងបាយជូរ អាចកាត់បន្ថយការប្រឈមនៃជំងឺមហារីកពោះវៀនបាន 45 ភាគរយ។
កាត់បន្ថយនៃការអន់ថយរបស់ខួរក្បាល៖ បើតាមការសិក្សាររបស់សាកលវិទ្យាល័យ Columbia ក្នុងឆ្នាំ 2006 ទៅលើមនុស្សចំនួន 1416 នាក់ បានឲ្យដឹងថា ការអន់ថយនៃសម្ថភាពរបស់ខួរក្បាល់គឺមានអត្រាខ្ពស់សំរាប់អ្នកដែលមិនមានទំលាប់ទទួលទានស្រាទំពាំងបាយជូរ។
កាត់បន្ថយហានិភ័យនៃជំងឺភ្នែកឡើងបាយ៖ បើតាមការសិក្សារទៅលើមនុស្សចំនួន 1379 នាក់ នៅក្នុងប្រទេសអ៊ីស្លង់បានឲ្យដឹងថា អ្នកដែលទទួលទានស្រាទំពាំងបាយជូរក្នុងកំរឹតមធ្យម ប្រឈមនឹងហានិភ័យក្នុងការកើតជំងឺភ្នែកឡើងបាយ 32 ភាគរយតិចជាងអ្នកដែលមិនទទួលទាន។

នេះគឺជារូបភាពបានមកពីគេហទំព័រ www.talkingalcohol.com

ទាំងនេះគឺជាផលប្រយោជន៍ដ៏សំខាន់ដែលយើងទទួលបានមកពីការទទួលទានគ្រឿងស្រវឹងក្នុងកម្រិតមួយដ៏សមស្រប ពោលគឺមិនទទួលទានច្រើនជ្រុលហួសប្រមាណដែលជាហេតុនាំឲ្យមានការប៉ះពាល់ទៅដល់សុខភាពរបស់យើង។

អានបន្ត

Like 7309

តើស្ត្រីមានផ្ទៃពោះ គួរធ្វើដូចម្តេចដើម្បីអោយសុខភាពម្តាយ និង ទារក មានសុខភាពល្អ

សុខភាព

06/10/2015

ការមានផ្ទៃពោះមិនមែនជារឿងមួយដែលងាយស្រួលទេសំរាប់ស្ត្រីអាចមានគ្រោះថ្នាក់គ្រប់ពេលវេលា បើសិនជាគាត់មិនមានការប្រុងប្រយ័ត្ន ចំពោះការហូបចុក ឬ ការថែរក្សាខ្លួនពីជំងឺផ្សេងៗ អាចអោយមានគ្រោះថ្នាក់មិនត្រឹមតែ ស្ត្រីជាម្តាយប៉ុណ្ណោះទេ ថែមទាំងអាចប៉ះពាល់ដល់ ទារកដែលមិនទាន់បានឃើញពន្លឺព្រះអាទិត្យនៅឡើយផង។ ដូច្នេះពួកយើងនឹងនិយាយអំពីការថែទាំ ការបរិភោគចំនីអាហារ នៅពេលកំឡុងមានផ្ទៃពោះ។

២ ខែ នៃកំឡុងពេលមានផ្ទៃពោះដំបូង គឺជាពេលដែលទារកកំពុងធ្វើការបង្កើតអវយីវៈ និង សរីរាង្គផ្សេងៗ។ ពេលនេះក្នុងនាមជាម្តាយត្រូវបំពេញតំរូវការខ្ពស់ទៅលើការហូបចំនីអាហារមានជីវជាតិ ដើម្បីអោយទារកយកទៅធ្វើការផលិត។ បើមិនដូច្នោះទេ ទារកអាចនឹងមានការកើតមកដោយគ្មានអវយីវៈ ឬ មានសរីរាង្កខុសពីធម្មតា ដែលអាចធ្វើអោយទារកមានជំងឺប្រចាំកាយ ក្រោយពីកើតភ្លាម។ ៧ ខែបន្ទាប់គឺទារកធ្វើការពង្រីកខ្លួនរបស់គេអោយធំធាត់សមរម្យដើម្បីរៀបចំខ្លួនចេញមកជួបជាមួយម្តាយរបស់គេ។ និង ចុងក្រោយគឺការសំរាលកូន នៅពេលនេះគឺស្ត្រីដែលជាម្តាយមានការខ្វះឈាម និងត្រូវមានលទ្ធភាពគ្រប់គ្រាន់សំរាប់ផលិតទឹកដោះសំរាប់កូនខ្លួន។ ខាងក្រោមនេះគឺជាអ្វីដែលស្ត្រីមានផ្ទៃពោះត្រូវតែទទួលទាន។

៥បញ្ហាពីកង្វះជីវជាតិដែលស្ត្រីអាចជួបក្នុងកំឡុងពេលមានផ្ទៃពោះ

ខ្វះជាតិដែក
ខ្វះជាតិ Folate ( Vitamin B )
ខ្វះជាតិ Vitamin D
ខ្វះជាតិ អ៊ីយ៉ូដ
ការឆ្លងមេរោគ

១. ថាមពល

ថាមពលគឺជារបស់ចាំបាច់មួយសំរាប់ជាកំលាំងដល់ម្តាយ និងទារក យកទៅលូតលាស់។
ចំពោះស្ត្រីដែលមានទំងន់ គ្មានជំងឺប្រចាំកាយ គេតំរូវអោយបរិភោគ៖
- ត្រីមាសទីមួយ ៖ បរិភោគលើសពីធម្មតា ១០០កាឡូរីក្នុង១ថ្ងៃ
- ត្រីមាសទី២ និង ទី៣៖ បរិភោគលើសពីធម្មតា ៣០០ កាឡូរីក្នុង១ថ្ងៃ
ការឡើងទំងន់ធម្មតារបស់ស្ត្រីមានផ្ទៃពោះគឺ ១គីឡូក្នុង១ខែ, បើសិនជាលើសត្រូវកាត់បន្ថយខ្លះ ឬ ទៅពិគ្រោះនឹងគ្រូពេទ្យ ព្រោះវាអាចអោយមានផលវិបាកដូចជា៖ ទឹកនោមផ្អែម, ឡើងសំពាធឈាម, កូនធំខុសធម្មតា។

ដកស្រង់ចេញពីគេហទំព័រ changefood

២. សារធាតុចិញ្ចឹម

ជាតិសាច់
ខ្លាញ់
ជាតិស្ករ

៣. ជាតិដែក

ជាតិដែកជាសារជាតិមួយសំខាន់ ទៅលើម្តាយពេលមានទំងន់ និង ក្រោយសំរាល
បើខ្វះជាតិដែក អាចបង្កអោយ ខ្វះឈាម ដែលធ្វើអោយការលូតលាស់របស់ទារកមិនបានល្អ និង អាចអោយម្តាយខុះខ្សោយ។
គេតំរូវអោយ មួយថ្ងៃត្រូវ បរិភោគ 30មីលីក្រាម(មានថ្នាំគ្រាប់)

៤. វីតាមីន Folate ( វីតាមីន B )

ជាសារជាតិមួយដែលមានវត្តមានក្នុងការបង្កើតថ្មីនូវកោសិការរបស់ម្តាយ សុក និង ទារក
ស្ត្រីដែលខ្វះជាតិ Folate នៅពេលមានផ្ទៃពោះ អាចអោយមានបញ្ហាដូចជា៖
- បាត់បង់ការកើតឡើងវិញនៃកោសិការរបស់ម្តាយ (សុក, ឈាម)
- ធ្វើអោយទារកមានអវយីវៈ និង សរីរាង្គ មិនធម្មតា

ដកស្រង់ចេញពីគេហទំព័រ exhibithealth

៥. អុីយ៉ូដ

ការខ្វះអ៊ីយ៉ូដអាចធ្វើអោយ៖
- ពកករ ( Goiter ) ម្តាយ និង កូន
- ថយចុះនូវការអភិវឌ្ឍន៍ នៃសសៃរប្រសាទ និង កាយវិការ
ធ្វើដូចម្តេចចំពោះការខ្វះអ៊ីយ៉ូដ
- ត្រូវបរិភោគជាតិអ៊ីយ៉ូដអោយច្រើនល្មម មុននិងក្រោយពេលសំរាក(កុំច្រើនពេក)
- ត្រូវអោយគ្រូពេទ្យពិនិត្យទៅលើ ក ជាប្រចាំ

៦. វីតាមីន D និង កាល់ស្យូម

វាការពារកុំអោយមាន ជំងឺពុកឆ្អឹងទៅលើកូនក្មេង
ត្រូវបរិភោគអាហារមានជាតិកាល់ស្យូមអោយច្រើន, ត្រូវហាលថ្ងៃពេលព្រឹកជារៀងរាល់ថ្ងៃ

៧. ការការពារកុំអោយមានការឆ្លងមេរោគ

ត្រូវលាងដៃជាប្រចាំ
ញ៊ាំផ្លែឈើដែលលាងទឹកស្អាត
សាច់ត្រូវចំអឹនអោយឆ្អឹន
មិនត្រូវលេងជាមួយសត្វ

អានបន្ត

1 2502

កត្តាធ្វើអោយមានជំងឺបេះដូងនិងសរសៃរឈាម និង ការបង្កា

សុខភាព

14/09/2015

សព្វថ្ងៃ ជំងឺបេះដូងនិងសរសៃរឈាម ធ្វើការបៀតបៀនយ៉ាងខ្លាំង មិនថានៅប្រទេសអភិវឌ្ឍន៍ រឺ ប្រទេសដែលកំពុងអភិវឌ្ឍន៍ក៏ដោយ។ តាមការអង្កេតពី អង្គការសុខភាពពិភពលោក គេសង្កេតឃើញថា ការស្លាប់ដោយសារ ជំងឺ បេះដូងនិងសរសៃរឈាមមានចំនួន 17.5 លាននាក់ គិតជាភាគរយ គឺ 31% នៃការស្លាប់ពីគ្រប់មូលហេតុនៅលើពិភពលោក។នៅក្នុងនោះមាន 7.4លាននាក់ស្លាប់ដោយសារ ការស្ទះសរសៃរឈាមបេះដូង (Ischaemic Heart Disease) 6.7លានស្លាប់ដោយសារ ការស្ទះសរសៃរឈាមខួរក្បាល (Stroke) និង មួយចំនួនទៀត ស្លាប់មកពីជំងឺផ្សេងៗទៀតទាក់ទងបេះដូងនិងសរសៃរឈាម។

រូបភាពនេះនិយាយអំពីភាគរយមូលហេត្តនៃការស្លាប់ទូទាំងពិភពលោកពី WHO

តើមានអ្វីខ្លះដែលជាកត្តាដែលធ្វើអោយមានជំងឺនេះ?

កត្តាធំៗមានដូចជា៖

ការជក់បារី ៖ បារីគឺ បង្កើនការឈានទៅរកជំងឺសរសៃរឈានទ្វេជា២ វាជំរុញអោយមានការត្បៀតទៅលើសរសៃរឈាមចិញ្ចឹមបេះដូង និង វាអាចធ្វើអោយកំរិតនៃការស្លាប់កើនឡើងចំពោះ អ្នកជំងឺដែលមានជំងឺបេះដូងស្រាប់។
ការឡើងសំពាធឈាម ៖ កត្តាដែលធ្វើអោយមានការដាច់សរសៃឈាមខួរក្បាល (AVC or stroke) ប្រេះសរសៃរឈាមធំដែលចេញពីបេះដូង (Aortic Dissection) ប៉ះពាល់ដល់សរសៃរឈាមភ្នែក (Retinopathy Hypertension) និង ផ្សេងៗ ទៀត។
ការឡើងកំរិតខ្លាញ់ក្នុងឈាម (Dyslipidemia)
ជំងឺទឹកនោមផ្អែម (Diabetes)
មនុស្សចាស់ ( 50ឆ្នាំសំរាប់ប្រុស 60ឆ្នាំសំរាប់ស្ត្រី )

កត្តាផ្សេងទៀតដូចជា៖

ការលើសទំងន់
ការមិនបញ្ចេញសកម្មភាព
មានប្រវត្តិគ្រួសារ ថាមានជំងឺបេះដូងនិងសរសៃឈាម
ការអស់រដូវ
ពិសារជាតិអាកុល

រូបភាពដកស្រង់ចេញពី គេហទំព័រ Imagepo

ដូច្នេះ តើអ្នកគួរបង្កានូវកត្តាទាំងអស់នេះយ៉ាងដូចម្តេច?

ចំពោះបារី អ្នកត្រូវតែកាត់បន្ថយ រឺ បញ្ឈប់វាតែម្តង មិនត្រូវបន្តទៀតទេ។
ចំនែក ការឡើងសំពាធឈាម ជំងឺទឹកនោមផ្អែម និង ការឡើងខ្លាញ់ក្នុងឈាម អ្នកគួរតែទៅពិនិត្រ និង ពិគ្រោះជាមួយគ្រូពេទ្យជំនាញ ព្រោះការជួបពិគ្រោះជាមួយពេទ្យទាន់ពេលវេលា អាចជាការមួយដែលល្អ ដែលអាចកាត់បន្ថយភាគរយនៃការកើតបានច្រើន។
ខ្ញុំដឹងថាការបញ្ចុះទំងន់ វាជារឿងពិបាកសំរាប់ អ្នកលើសទំងន់ ព្រោះខ្ញុំក៏លើសដែល ប៉ុន្តែដើម្បីសុខភាពទៅថ្ងៃក្រោយ។ យើងគួរតែទៅធ្វើលំហាត់ប្រាណ ដូចជារត់ ធាក់កង់ រឺ កីឡាលើកសាច់ដុំ ។
សំរាប់អាយុចាស់ និង អ្នកមានប្រវត្តិជំងឺគ្រួសារ វាជារឿងដែលមិនអាចកែបាន ប៉ុន្តែអ្នកអាចការពារនូវកត្តាផ្សេងៗ ដែលធ្វើអោយការរស់នៅជាមនុស្សចាស់របស់អ្នកល្អទៅថ្ងៃក្រោយ។

ទាំងអស់នេះជាកត្តា និង ការបង្កាបែបសាមញ្ញ ដែលលោកអ្នកអាចធ្វើបាន ដោយខ្លួនឯង។ អាចមើលថា តើខ្លួនអ្នកមានកត្តាប៉ុន្មានភាគរយដែលអាចប្រឈមនឹង ការកើតជំងឺបេះដូងនិងសរសៃរឈាម។

ជារួម ចំពោះអ្នកដែលមិនទាន់មានកត្តាទាំងអស់នេះ គួរតែជៀសវាង ចំពោះអ្នកមានកត្តាខ្លះ អាចបញ្ឈប់បានគួរតែឈប់ និង អ្នកមានកត្តាខ្លះដែលមិនអាចបញ្ឈប់ដោយខ្លួនឯងបាន គួរតែទៅពិនិត្យ និង ពិគ្រោះជាមួយគ្រូពេទ្យជំនាញ។ ទាំងអស់នេះជាការដែលអ្នកអាចធ្វើបាន ដើម្បីសុខភាពលោកអ្នកនៅថ្ងៃខាងមុខ។

អានបន្ត

health Tag Archive

របៀបមើលថាតើលោកអ្នកធាត់កំរិតណា?

តើវាកើតឡើងដោយសារអ្វីខ្លះ?

ផលវិបាករបស់វាមានអ្វីខ្លះ?

តើអ្នកដែលធាត់គួរធ្វើម្តេចខ្លះ?

គុណសម្បត្តិ

គុណវិបត្តិ

ផលល្អរបស់កាហ្វេ

ផលអាក្រក់របស់កាហ្វេ

នៅពេលណាដែលអ្នកមិនគួរពិសារកាហ្វេ

៥បញ្ហាពីកង្វះជីវជាតិដែលស្ត្រីអាចជួបក្នុងកំឡុងពេលមានផ្ទៃពោះ

១.​ ថាមពល

២.​ សារធាតុចិញ្ចឹម

៣.​ ជាតិដែក

៤.​ វីតាមីន​ Folate ( វីតាមីន B )

៥. អុីយ៉ូដ

៦. វីតាមីន D និង កាល់ស្យូម

៧. ការការពារកុំអោយមានការឆ្លងមេរោគ

បណ្ដាញសង្គម

ផ្សេងៗ

health
Tag Archive

១. ថាមពល

២. សារធាតុចិញ្ចឹម

៣. ជាតិដែក

៤. វីតាមីន Folate ( វីតាមីន B )