ថ្ងៃនេះ Khmerlife.style នាំអ្នកមកយល់ដឹងពី 3 វិធីសាស្ត្រក្នុងការ Upgrade ចំណេះដឹងឡើងទៅ New Version ដើម្បីអភិវឌ្ឍន៍ខ្លួនអ្នកឲ្យដើរទាន់ពិភពលោកនាពេលបច្ចុប្បន្ន។ នៅក្នុងវិធីសាស្ត្រទាំង 3 ដែលនាំអ្នកទៅរកភាពជោគជ័យ និងអភិវឌ្ឍន៍ខ្លួនរបស់អ្នកទៅកាន់យុគ្គសម័យថ្មីនេះ ប្រសិនបើលោកអ្នកនៅតែដដែលៗ មិនមានអ្វីផ្លាស់ប្តូរនោះវាអាចនឹងធ្វើឲ្យលោកអ្នកដើរថយក្រោយដោយមិនដឹងខ្លួន។

1. អ្នកត្រូវតែយកប្រាក់ចំណូលរបស់អ្នក 10% រក្សាទុកសម្រាប់ការអភិវឌ្ឍខ្លួន និងគំនិតរបស់អ្នកអោយទៅជា New Version។ អ្នកធ្វើការមួយចំនួនបានបាត់បង់ការងារដោយសារតែមានបច្ចេកវិទ្យាអាចជំនួសការងាររបស់ពួកគេបាន។ សំរាប់សម័យកុំព្យូទ័រ មានន័យថាកុំព្យូទ័របានធ្វើការងារអោយគេបានច្រើន។ ដូចជាលោកអ្នកបានបញ្ចប់ឆ្នាំសិក្សាអស់លោកអ្នកបានយកចំណេះដឹងរបស់លោកអ្នកមកធ្វើការងារនោះក្នុងរយៈពេល1ឆ្នាំ រហូតដល់អ្នកធ្វើការបាន2ឆ្នាំ អ្នកនៅតែយកចំណេះដឹងកម្រិតដដែលនោះ មកអនុវត្តន៍ដដែលៗ ទោះបីអ្នកធ្វើការបាន 3ឆ្នាំ និង តទៅទៀតក៏ដោយក៏ចំណេះដឹងរបស់អ្នកនៅមិនមានការអភិវឌ្ឍន៍ទៅមុខនោះឡើយ។ ឬក៏យើងអាចនិយាយបានថា អ្នកថាអ្នកមានតែ បទពិសោធន៍ តែអ្នកមិនមានការអភិវឌ្ឍន៍ខ្លួនរបស់អ្នកឡើយ។ ជាពិសេសអ្នកមិនបាន Upgrade នូវកម្មវិធីចំណេះដឹងខាងជំនាញរបស់អ្នកដែលធ្វើអោយអ្នកដើរទៅកាន់ភាពថយក្រោយ។
   ឧទាហរណ៍ៈ ទូរសព្ទរបស់អ្នកបានប្រើអស់រយៈពេល2ឆ្នាំមកហើយដូចនេះ វាក៏ត្រូវតែមានការ Upgrade Version នៅកម្មវិធីផងដែរ ដូចគ្នានឹងមនុស្សផងដែរ ប្រសិនបើលោកអ្នកនៅតែមិនមានការផ្លាស់ប្តូរ និងអភិវឌ្ឍន៍នូវចំណេះដឹងរបស់អ្នក នោះលោកអ្នកនៅតែមានគំំណិតដដែលៗ នឹងធ្វើអោយលោកអ្នកកាន់តែថយក្រោយដោយមិនដឹងខ្លួន។
2. អ្នកត្រូវមានចំណេះដឹងក្រៅពីអាជីពដែលយើងបានធ្វើការសព្វថ្ងៃផងដែរ ពីព្រោះបើសិនយើងជាអ្នកជំនាញខាងកុំព្យូទ័រ នោះអ្នករាល់គ្នាដែលរៀនខាងជំនាញកុំព្យូរទ័រក៏សុទ្ធតែមានចំណេះដឹងដូចយើងផងដែរ។ ក៏ប៉ុន្តែប្រសិនបើអ្នកបង្កើនចំណេះដឹងបន្ថែម នោះអ្នកនឹងមានជំរើសជាងអ្នកដទៃ អាថកំបាំងរបស់ពិភពលោកមានន័យថាក្រុមហ៊ុនគេមានជំរើសច្រើនសម្រាប់អ្នកដែលធ្វើការអោយគេ។ចំណេះដឹងបន្ថែមនោះមានដូចជាអ្នកមានជំនាញខាងកុំព្យូទ័រ ហើយអ្នកអាចបន្ថែមចំណេះខាងភាសាអង់គ្លេស ថែមទាំងអ្នកពូកែវាយអត្តបទទៀតនោះ ទាំងនេះអាចធ្វើអោយលោកអ្នករកបានប្រាក់ចំណូលបានច្រើន។
3. ចំពោះក្រៅពីអាជីព និងចំណេះដឹងផ្សេងៗ អ្នកត្រូវតែមានជំនាញថ្មីយ៉ាងហោចណាស់មួយក្នុង1ឆ្នាំ ដូចជាអ្នកអាចបង្កើតជំនាញក្នុងការនិយាយ ជំនាញក្នុងការលក់ ប្រសិនបើយើងមិនបង្កើតជំនាញទាំងនោះទេ អ្នកនៅតែទុកពេលវេលាដើរទៅមុខ ដោយអ្នកគ្មានបានអ្វីមកវិញ។
   ដូចច្នេះថា 3ចំនុចនេះពិតជាមានសារៈសំខាន់មែនទែន បើសិនជាយើងមានប្រាក់ច្រើន តែអ្នកមិនមានចំណេះដឹងខាងហិរញ្ញវត្ថុនោះទេ ប្រាក់របស់អ្នកក៏មិនស្ថិតស្ថេរនៅជាមួយអ្នកបានយូរណាស់ដែរ ត្រូវចាំថាអ្នកត្រូវមានចំណេះដឹង និងជំនាញខាងហិរញ្ញវត្ថុ ព្រមជាមួយនឹងជំនាញផ្សេងៗទៀតណាមិត្ត។